Loading alternative title

MƏDƏNİYYƏT

  • alternative title

    Kianu Rivz pərəstişkarlarını yeni imici ilə təəccübləndirib - FOTO

    Hollivud ulduzu Kianu Rivz pərəstişkarlarını yeni imici ilə təəccübləndirib. Bu barədə REN TV kadrlar yayımlayıb. Bildirilir ki, aktyor vizit kartına çevrilən saçlarını kəsdirib. Bununla bağlı kadrlarda Kianu Rivzin tez-tez əlini başına çəkdiyi görünür, ehtimal ki, aktyorun özü də saçlarının olmamasına hələ alışmayıb. Bundan başqa Hollivud ulduzunun arıqlamağı da diqqətdən yayınmayıb. Pərəstişkarları Kianunun yeni görünüşünü bəyənməyiblər. Onların fikrincə bu imici aktyoru 20 il daha yaşlı göstərir. Bəzi istifadəçilər isə Hollivud ulduzunun yeni imici ilə yaşlı sevgilisinə uyğunlaşmağa çalışdığını düşünür.

    Ətraflı   11:15     28-Oct-2020     644
  • alternative title

    Qaradərili super qəhrəman “Batwoman”ın yeni görüntüsü təqdim edilib - FOTO

    CW kanalı qaradərili super qəhrəman “Batwoman”ın yeni görüntüsünü təqdim edib. Bu barədə “Hollywood Reporter” xəbər yayıb. Məlumata görə, serialın davamında rol alacaq aktrisa Cavisiya Lesli “Instagram” hesabında super qəhrəman kostyumunu nümayiş etdirib. Qəhrəman qadın qara və qırmızı rəngli dar kostyumda və üzünün yuxarı hissəsini əhatə edən maskada təsvir edilib. “Yarasa qadın” plaşdadır, saçları isə “afro” stilindədir. “Tamaşaçıların bir siluetdən Betvumenin qaradərili qız olduğunu tanıması mənim üçün çox vacib idi. Dar kostyum və gözəl “afro” ilə biz bunu bacardıq!” – deyə Lesli bildirib. Serial “Warner Bros. Television” tərəfindən “The CW Television Network” ilə birlikdə istehsal olunur. Serialın ilk hissəsi 2019-cu ilin oktyabrında nümayiş olunub.

    Ətraflı   10:52     28-Oct-2020     561
  • alternative title

    Gəncədəki terrordan təsirlənən tələbə ingilis dilində rep ifa etdi - VİDEO

    Hər bir azərbaycanlı Ordumuzun Qarabağda apardığı uğurlu hərbi əməliyyatlara öz töhfəsini verməyə çalışır. “OFFSWEET” ləqəbli azərbaycanlı repçi Aydın Şirinovun ifa etdiyi yeni repdə Azərbaycan gənclərinin müharibəni qələbəyə qədər aparmağa hazır olduğu və bizim başqa ölkənin ərazilərinə iddia etmədiyimiz vurğulanır. “RETWEET” adlanan trek Prezident İlham Əliyevin qalibiyyət “tweet”lərinə işarə edir. Aydının 18 yaşı var, ölkəmizdə olan universitetlərindən birində beynəlxalq iqtisadiyyat ixtisası üzrə təhsil alır. Aydının öz etirafına görə, trek bir neçə saat ərzində doğma şəhəri Gəncədə gördüyü dəhşətli kadrların təsiri altında meydana çıxıb.

    Ətraflı   09:46     28-Oct-2020     672
  • alternative title

    Fəxrəddin Manafov: “Ordumuzla fəxr edirəm”

    “Düşünmürdüm ki, müharibə məni bu qədər sevindirəcək. Sevindirici haldır, çünki qədim, tarixi torpaqlarımızı geri qaytarırıq. Mən xalqımızla fəxr edirəm. Ordumuzla fəxr edirəm. Böyük liderimiz, ali baş komandanımız ilə fəxr edirəm. Hamımız tərəfindən, bütün Azərbaycan xalqı tərəfindən sevilən heyrətamiz vitse-prezidentimiz Mehriban xanım ilə fəxr edirəm”. Bu sözləri Xankəndində anadan olmuş Xalq artisti Fəxrəddin Manafov “Nargis magazine” “Instagram” səhifəsində yayımlanan “Bu bizim yaddaşımızdır, qanımızdır, tariximizdir... Bu bizim torpaqlarımızdır!” rubrikasında deyib. Qarabağımız haqqında xatirələrini bölüşən F.Manafov Azərbaycanın haqq yolunda olduğunu deyib: “Cənab prezident, siz çox böyük iş görürsünüz. Siz faktiki olaraq, bizim xəyal etdiyimiz torpaqları geri qaytarırsınız. Siz tarix yazırsınız. Azərbaycan Ordusunun əsgərləri, siz çox böyük bir tarix yazırsınız. Sizinlə fəxr edirəm. Qələbə bizimdir! Çünki biz haqq yolundayıq”. F.Manafov böyük şair Arseniy Tarkovskovun şeirini səsləndirib və fikirlərini “Yaşasın Azərbaycan! Yaşasın Azərbaycan Ordusu!” ifadələri ilə tamamlayıb.

    Ətraflı   11:13     26-Oct-2020     603
  • alternative title

    Təxribat alınmadı: Yusif Eyvazovun Dominqo ilə Moskva konserti baş tutacaq

    Rusiya Dövlət Akademik Böyük Teatrının səhnəsində Azərbaycanın Xalq Artisti Yusif Eyvazovun iştirakı ilə “Bolşoy i Plasido Dominqo: Jizn v opere” qala konserti 24 oktyabrda baş tutacaq. Bu barədə “Sputnik” xəbər yayır. Qeyd edək ki, əvvəllər ermənilər azərbaycanlı tenora qarşı məkrli plan hazırlamışdılar. Sosial şəbəkələrdə sənətçinin iştirakını pozmaq məqsədi güdən tələblər dərc etdilər, lakin bu təşəbbüs uğursuz oldu. Eyvazov özü də baş verənlərdən xəbərdardır və demək lazımdır ki, erməni tərəfin hərəkəti onu heç təəccübləndirmədi. “Hər şey nəzarət altındadır, narahat olmayın. Çirkli oyun onların həmişəki üslubudur. Sadəcə bütün bunlara reaksiya verməyin”, - deyən Azərbaycanın Xalq Artisti Rusiyadakı həmyerlilərini və pərəstişkarlarını sakitləşdirib. Konsertin məşqləri 23 oktyabrda Böyük Teatrda olub.

    Ətraflı   17:16     24-Oct-2020     817
  • alternative title

    Arnold Şvartseneger növbəti dəfə əməliyyat olundu

    Amerikalı aktyor və Kaliforniya ştatının keçmiş qubernatoru Arnold Şvartseneger növbəti dəfə ürək əməliyyatı olunub. Bu barədə o, “Twitter” səhifəsində yazıb. Aktyor bildirib ki, Klivlend klinikasında həkimlər ona yeni aorta qapağı qoyublar. “Mən özümü fantastik hiss edirəm və artıq Klivlend küçələrində gəzirəm”, - deyə o, klinikanın həkim və tibb bacılarına da təşəkkürünü bildirib. Qeyd edək ki, Şvartseneger 2018-ci ilin mart ayında altıncı ürək əməliyyatı zamanı ölümdən dönüb.

    Ətraflı   16:10     24-Oct-2020     820
  • alternative title

    Jan Klod Van Damm başlatdığı kampaniya ilə sosial şəbəkəni bir-birinə qatdı

    Dünyanın tanınmış aktyorlarından olan Jan Klod Van Damm sosial şəbəkədə kampaniya başladaraq, sənədlərində problem olduğu üçün evtanaziya təhlükəsi ilə üzləşən üç aylıq Çihuahua itini ölümdən xilas edib. Bu barədə “Mir 24” xəbər yayıb. Məlumata görə, “Ray” adlı it Bolqarıstandan Norveçə yeni sahibləri üçün göndərilib. Lakin pasportu saxta olduğundan it qeydiyyata alınmayıb. Bolqarıstan isə Avropa İttifaqının heyvanların daşınması qaydalarına istinad edərək Çihuahuanı geri qəbul etməyib. Nəticədə, ev heyvanı evtanaziya təhlükəsi ilə üzləşib. Hollivud aktyoru bunun qarşısının alınması üçün genişmiqyaslı kampaniyaya başlayıb. “Bəli, onlar səhv ediblər, sənədlər düzgün qeyiyyatdan keçirməyiblər. Ancaq bu kiçik bir iti öldürmək üçün səbəb deyil”, - deyə o, bildirib. Nəticədə, Bolqarıstan köpəyi qəbul etməyə razı olub. Tibbi müayinədən sonra Ray yeni sahiblərinə veriləcək.

    Ətraflı   10:40     22-Oct-2020     1007
  • alternative title

    Tarixin ən qorxulu dəhşət filmləri açıqlandı

    “Broadbandchoices” şirkətindən olan britaniyalı alimlər tarixin ən qorxulu dəhşət filmləri barədə araşdırma aparıblar. Belə ki, mütəxəssislər ən yüksək reytinqə sahib olan dəhşət filmlərini seçərək təcrübə iştirakçılarına nümayiş ediblər və bu zaman onların nəbzini izləyiblər. Bu barədə “Forbes” xəbər yayıb. Nəticələrə əsasən, elm adamları ən qorxulu dəhşət filminin Skott Derriksonun rejissoru olduğu “Sinister” (2012) olduğu qənaətinə gəliblər. Onu seyr edərkən təcrübədə iştirak edənlərin nəbzi dəqiqədə 86 atışa yüksəlib. Bu, orta göstəricidən 1/3 çoxdur. İkinci yerdə 2010-cu ildə rejissor Ceyms Vanq tərəfindən çəkilən “Astral” filmi yer alıb. Bu filmi izləyərkən bəzi səhnələrdə tamaşaçıların nəbzi dəqiqədə hətta 133 atışa yüksəlib. Vanqın 2013-cü ildə çəkilən başqa bir filmi – “The Conjuring” ən qorxulu dəhşət filmlərinin ilk üçlüyünü bağlayıb. Onun baxışı zamanı təcrübədə iştirak edənlərin ürəkləri dəqiqədə 85 atış sürəti ilə döyünüb. Reytinqə “The Conjuring”in ikinci hissəsi, “Hereditary”, “Paranormal Activity”, “The Babadook”, “It”, “The Descent”, “The Visit” filmləri də daxil edilib.

    Ətraflı   10:32     22-Oct-2020     1906
  • alternative title

    Xudafərin körpüləri UNESCO-nun Dünya Mədəni İrs Siyahısına salına bilər - RƏSMİ

    Müstəsna universal dəyəri, təkrarolunmaz landşaftı, yüksək memarlıq-mühəndis həlli, eləcə də, iki ölkə ərazisində yerləşdiyini nəzərə alaraq, Xudafərin körpülərinin UNESCO-nun Dünya Mədəni İrs Siyahısına salınması məqsədilə Azərbaycan Respublikası İran İslam Respublikası ilə birgə tədbirlərin həyata keçirilməsini nəzərdə tutur. Bu barədə Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti məlumat yayıb. Qeyd edək ki, cari il 18 oktyabr tarixində rəşadətli Azərbaycan Ordusu 1993-cü ildə Ermənistan Respublikasının silahlı qüvvələri tərəfindən işğal edilmiş Cəbrayıl rayonunun ərazisində yerləşən dünya əhəmiyyətli tarix-memarlıq abidəsi olan Xudafərin körpülərini işğaldan azad edib. Xudafərin körpülərinin üzərində 27 ildən sonra yenidən Azərbaycan Respublikasının üçgəngli bayrağı ucaldılıb. Tikilmə tarixinə görə dövrünün möhtəşəm mühəndis qurğularından olan Xudafərin körpüləri Azərbaycan Respublikası ilə İran İslam Respublikasının dövlət sərhədində yerləşən möhtəşəm tarixi abidədir. Xudafərin körpüləri Araz çayının şimal və cənub sahillərini birləşdirir. Tarixi İpək yolunun üzərində yerləşən 11 tağlı körpü (inv. 12) XI-XII əsrlərdə, 15 tağlı körpü (inv. 13) isə XIII əsrdə inşa olunmuşdur. Azərbaycan memarlığının unikal abidələrindən olan Xudafərin körpüləri Yaxın və Orta Şərq regionunun ən əzəmətli, ən məşhur körpülərindən hesab olunur. Xudafərin körpüləri Böyük İpək Yolunun inkişafında mühüm rol oynamış və hərbi-strateji cəhətdən də müstəsna əhəmiyyətə malik olub. 15 aşırımlı körpünün antik dövrdə inşa edilmiş digər bir körpünün dayaqları üzərində tikildiyi ehtimal edilir. Coğrafi mövqeyinin əlverişli olması, yəni sahillərinin sal qayalarla əhatələnməsi burada körpünün tikilməsinə şərait yaradıb. Körpünün tağları bişmiş kərpicdən yığılsa da, doldurucu kimi çay daşından istifadə edilib. 15 aşırımlı körpüdən 750 metr aralıda yerləşən 11 aşırımlı körpünün tikinti materialı kimi yonulmuş sal qaya daşlarından istifadə edilib. 1993-cü ildə Cəbrayıl rayonu Ermənistan Respublikası silahlı qüvvələri tərəfindən işğal edildikdən sonra Xudafərin körpüləri dağıntılara məruz qalıb. Bu da bir daha Ermənistan Respublikası tərəfindən “Silahlı münaqişə zamanı mədəni sərvətləri qorunması haqqında” UNESCO-nun 1954-cü il Haaqa Konvensiyası, “Dünya mədəni və təbii irsinin mühafizəsi haqqında” UNESCO-nun 1972-ci il Konvensiyası, “Arxeoloji irsin mühafizəsi haqqında” 1992-ci il Avropa Konvensiyası və digər beynəlxalq hüquq normalarının kobud şəkildə pozulmasının, bu ölkənin təcavüzkar siyasətini davam etdirməsinin göstəricisidir. Əminik ki, qısa zamanda rəşadətli Azərbaycan Ordusu işğal altında olan bütün torpaqlarımızı azad edəcək və 30 ilə yaxın bir müddətdə dağıntılara məruz qalmış yurd yerlərimiz və bütün tarix-mədəniyyət abidələrimiz dövlətimizin bu sahədə həyata keçirdiyi fəaliyyətə uyğun şəkildə bərpa edilib yenidən xalqımıza qaytarılacaq.

    Ətraflı   09:26     21-Oct-2020     873
  • alternative title

    Məşhur aktyor xərçəngə tutulub

    Amerikalı aktyor Ceff Brices xərçəng xəstəliyinə tutulub. Bu barədə o, “Twitter” hesabında məlumat verib. “Mənə lenfoma diaqnozu qoyuldu”, - deyə 70 yaşlı aktyor qeyd edib. O bildirib ki, vəziyyətinin ağır olmasına baxmayaraq, əla həkimlərin köməyilə vəziyyəti yaxşılaşacaq; onların proqnozları müsbətdir. Aktyor bu gündən müalicəyə başlayacaq. Qeyd edək ki, Ceff Brices 200-dən çox filmdə çəkilib. O, daha çox 2010-cu ildə ən yaxşı kişi roluna görə “Oskar” və “Qızıl Qlobus” mükafatlarına layiq görülən “Crazy Heart” (Dəli ürək, 2009) filmi ilə tanınır.

    Ətraflı   12:16     20-Oct-2020     1339
  • alternative title

    Milli Kitabxanada “Qarabağ geyimləri” sərgisi virtual rejimdə təqdim edilib

    M.F.Axundzadə adına Azərbaycan Milli Kitabxanası “Qarabağ geyimləri” adlı virtual sərgi hazırlayıb. Kitabxanadan bildirilib ki, virtual sərgidə Azərbaycanın Qarabağ tarixi-etnoqrafik bölgəsi əhalisinin geyim mədəniyyəti, onun təsnifatı, əyani-vizual görüntüləri və qısa tarixi öz əksini tapıb. Burada xalq geyimlərinin ayrılmaz tərkib hissəsi olan və geyimləri tamamlayan bəzək elementləri (zərgərlik nümunələri) də təqdim olunub. Virtual sərgi ilə tanış olmaq istəyənlər bu linkindən istifadə edə bilərlər.

    Ətraflı   16:38     19-Oct-2020     1882
  • alternative title

    Yerli dizaynerlərimiz ordumuza dəstək göstərir

    Ölkənin ən böyük tekstil müəssisəsi olan Gilan Tekstil Parkının GiLTEX ticarət markasının dəstəyi ilə Azərbaycan Moda Dizaynerləri İctimai Birliyinin təşkil etdiyi sosial layihənin təqdimatı keçirilib. AZƏRTAC xəbər verir ki, layihənin məqsədi beş yerli məşhur dizaynerləri milli ordunun kamuflyaj toxumasından unikal muzey geyimlərinin hazırlanmasıdır. Bu layihə bir millət olaraq sülh arzusunda olsaq da, kimsə bizim torpaqlarımıza iddia edərsə, müharibəyə hazır olduğumuzun mesajını vurğulayır. Qarabağ Azərbaycanın ayrılmaz hissəsidir və 30 ilə yaxındır ki, Ermənistanın işğalı altındadır və bu səbəbdən də Milli Ordunun Qarabağı və ətrafındakı işğal olunmuş 7 rayonunu azad etmək üçün başladığı əks-hücum əməliyyatı dizaynerləri laqeyd qoya bilməyib. Layihəyə Zümrüd Mirzəliyeva, Günel Behbudova, Nigar Kalbiyeva (Atelier Muliebre), Səbinə Zulalova kimi tanınmış dizaynerlər və atelye UVENTA iştirak ediblər. İstedadlı dizaynerlər hərbi kamuflyajdan dinc məqsədlər üçün istifadə edərək, kutyur geyimlərini hazırlayaraq Azərbaycana dəstək olduqlarını nümayiş etdiriblər. Ekspozisiya Azərbaycan Milli Ordusunun hərbi parçalar istehsalçısı və gələcəkdə dizaynerlərin geyimlərinin təqdim ediləcəyi beynəlxalq sərgilərin illik iştirakçısı olan GiLTEX şirkətinə hədiyyə olaraq təqdim edilib.

    Ətraflı   16:30     19-Oct-2020     896
  • alternative title

    Azərbaycanlı rejissorun filmi Parisdə nümayiş olunur

    Parisdə “Cinematheque” kinoteatrında Kann festivalının 59-cu “Tənqid həftəsi”nin (la Semaine de la Critique) qısametrajlı filmləri arasında yer alan azərbaycanlı rejissor Teymur Hacıyevin “Axşama doğru” qısametrajlı ekran əsərinin təqdimatı olub. Azərbaycanlı rejissorun filmi fransız kinosevərlər tərəfindən maraqla qarşılanıb. “Semaine de la Critique 2020” etiketindən faydalanmaq hüququ qazanan 10 qısametrajlı ekran əsərindən nümayiş olunan ilk 5 film arasında azərbaycanlı rejissorun filmi də yayımlanıb. Ekran əsərinin ictimaiyyətə nümayişi oktyabrın 25-dək davam edəcək. Qeyd edək ki, “Tənqid həftəsi” fiziki olaraq baş tutmasa da, digər seksiyalar yeni istedadları aşkarlamaq və onları, eləcə də kino sənayesini dəstəkləmək fəaliyyətini davam etdirib. Bu il COVID-19 pandemiyası səbəbindən xüsusi müşayiət proqramı ilə başlayan “Tənqid həftəsi”ndə 10 qısametrajlı film “Semaine de la Critique 2020” etiketindən faydalanmaq imkanı əldə edib. Xatırladaq ki, T.Hacıyevin prodüseri olduğu “Ayrılıqda” (“Torn” ) filmi hələ 2014-cü ildə Kann festivalının “Rejissor ikihəftəliyi” proqramına daxil edilib. Bakı Dövlət Universitetinin İqtisadi kibernetika üzrə bakalavr və Vest Texas A&M Universitetində MBA dərəcəsinə yiyələnmiş T.Hacıyev 2013-cü ildə “FIL production” şirkətini təsis edib. ABŞ-da “Palm Springs ShortFest” qısametrajlı film festivalında premyerası olan “Yara” ilk qısametrajlı filmini 2013-cü ilin sentyabrında tamamlayıb. 2015-ci ildə çəkdiyi “Şanxay, Bakı” qısametrajlı filmi Finlandiyada Tampere Film Festivalında nümayiş olunub. “Duz, istiot zövqə görə” filmi Rotterdam Beynəlxalq Film Festivalında ilk dəfə təqdim edilib.

    Ətraflı   16:29     19-Oct-2020     813
  • alternative title

    Danimarkalı rejissorun “Sərxoş” filmi London kinofestivalında ən yaxşı ekran əsəri adını qazanıb

    Danimarkalı rejissor Tomas Vinterberqin “Sərxoş” filmi 64-cü London kinofestivalının “Ən yaxşı bədii film nominasiyası”nda qalib olub. TASS agentliyi xəbər verir ki, COVID 19 pandemiyası ilə əlaqədar festivalın budəfəki qaliblərini münsiflər heyəti deyil, tamaşaçılar təyin edib. “Ən yaxşı sənədli film” nominasiyası üzrə isə “Rəssam və oğru” (The Painter and the Thief) ekran əsəri qalib seçilib. Film çex rəssamı Barbara Kisilkova ilə onun Osloda rəsm qalereyasından iki əsərini oğurlayan norveçli cinayətkar arasında yaranan dostluqdan bəhs edir. Builki kinofestival fərqli bir formatda keçirilib. Kinoteatrlarda nümayiş olunan filmlərin sayı məhdudlaşdırlıb, fəxri qonaqların filmləri və çıxışları isə “YouTube” və “Amazon Prime Video” servislərilə yayımlanıb. Təltifetmə mərasimi də virtual formatda keçirilib.

    Ətraflı   16:27     19-Oct-2020     741
  • alternative title

    “Sarı gəlin”in yeni balet versiyası təqdim edildi - VİDEO

    Azərbaycan mahnısı “Sarı gəlin” yeni balet versiyasında təqdim olunub. Bu barədə “ALOV” qapalı intellektual klub və kanaldan məlumat verilib. Musiqini gənc skripka ifaçısı Ceyla Seyidova səsləndirir, rəqsi isə Nigar Əliyeva ifa edir. “Müstəqillik Günü münasibətilə təbrik edirik! Ölkə üçün çətin bir zamanda ruhdan düşməməyinizi diləyirik” - deyə klubdan verilən açıqlamada bildirilir.

    Ətraflı   11:15     19-Oct-2020     736
  • alternative title

    “50 Cent” qorxu filmlərinə prodüsserlik edəcək

    Dinləyicilərə daha çox “50 Cent kimi” tanınan amerikalı rep ifaçısı Kertis Cekson üç qorxu filmi çəkəcək. Bu barədə “The Hollywood Reporter” xəbər verib. Filmlərə rejissorluq edəcək Elay Rotun sözlərinə görə, onlar əvvəllər çəkməkdən çəkindikləri bir film hazırlayacaqlar. “50 Cent” isə filmi müşayiət edən məhsulların istehsalı ilə məşğul olacaq. Bunu reallaşdırmaq üçün rep ifaçısının “G-Unit Film & Television” şirkəti “Arts District Entertainment” və “3BlackDot Studios” ilə bir müqavilə imzalayıb. “50 Cent” əvvəllər də prodüsser kimi fəaliyyət göstərib. Xüsusilə o “Before I Self Destruct”, “Crossfire Trail”, “Set Up” və “Power” filmlərində iştirak edib.

    Ətraflı   10:55     19-Oct-2020     599
  • alternative title

    Birpərdəli pyes müsabiqəsinin nəticəsi açıqlanıb

    Koronavirus pandemiyasına qarşı mübarizə tədbirlərinə dəstək məqsədilə iyun ayında Gənc Tamaşaçılar Teatrının təşəbbüsü, Səbail Rayon İcra Hakimiyyəti, Azərbaycan UNESCO Klubları Assosiasiyası, “ASAN Könüllüləri” Təşkilatı, “ASAN Radio” və “Azərbaycan” jurnalının təşkilatçılığı ilə elan olunan “Biz birlikdə güclüyük” adlı birpərdəli pyes müsabiqəsinə yekun vurulub. Müsabiqənin təşkilində məqsəd pandemiyanın yaratdığı bəşəri problemləri, dünyada və ölkəmizdə bu epidemiyaya qarşı aparılan mübarizəni teatr sənətinin də aktual mövzusuna çevirməkdir. Müsabiqə şərtlərinə görə, pyeslərin mövzusu koronavirus pandemiyası ilə mübarizə günlərinin ab-havasını, bu zaman kəsiyində baş verənlərin ümumilikdə ölkənin sosial, ictimai həyatına təsirini, ayrı-ayrı insan talelərində əksini ifadə etməli idi. Mövzuya maraq göstərən bir çox gənc qələm sahibləri yeni pyeslərini təqdim ediblər. Təqdim olunan əsərlər gizli münsiflər heyəti tərəfindən oxunub. Münsiflərin müzakirəsindən sonra gənc yazıçı-ssenarist Pərviz Seyidlinin “Mələk” pyesi müsabiqənin qalibi elan olunub. Qeyd edək ki, qalib pyesin bu ilin sonuna qədər Gənc Tamaşaçılar Teatrında səhnəyə qoyulması nəzərdə tutulur. Həmçinin qalib pyes “Azərbaycan” jurnalında işıq üzü görəcək.

    Ətraflı   17:05     15-Oct-2020     885
  • alternative title

    Azərbaycanlı rejissorun filmi Moskvada nümayiş olunacaq

    Rejissor Tahir Əliyevin “Qırmızı” qısametrajlı bədii filmi oktyabrın 21-dən 23-dək Moskvada keçiriləcək VIII Beynəlxalq Etnoqrafik Kinofestivalda iştirak edəcək. Film valideynləri ayrıldığı üçün ucqar kənddə tək yaşayan məktəbli qız haqqındadır. Onun yeganə arzusu kəndin palçıqlı dolanbaclarında yeni qırmızı ayaqqabı ilə gəzməkdir. “Qırmızı” filmi festivalın son günü – 23 oktyabrda nümayiş olunacaq. Qeyd edək ki, festivalda Rusiya, İtaliya, Böyük Britaniya, Fransa, Danimarka, Hindistan və digər ölkələri təhsil edən rejissorların filmləri nümayiş ediləcək.

    Ətraflı   17:04     15-Oct-2020     740
  • alternative title

    “Salnaməfilm” studiyasının istehsalı olan film beynəlxalq festivalın əsas müsabiqə proqramında

    Türkiyədə keçirilən V Türk Dünyası Sənədli Film Festivalının əsas müsabiqə proqramı elan olunub. AZƏRTAC xəbər verir ki, əsas müsabiqədə ölkəmizi “Salnaməfilm” studiyasının istehsalı olan rejissor Vəli Səyyadinin “Hapıtlar” filmi təmsil edir. Bu dəfə tələbə filmləri kateqoriyasında isə istedadlı rejissorlarımız Nərmin Həsənovanın “Cəfər ömrü”, Anar Kakayevin “Torpağa bağışlananlar” və Fahir İmamquliyevin (Fahir Səmədoğlu) “Güllələnmiş məzarlar” filmləri yarışacaq. Türk Dünyası Jurnalistlər Federasiyasının təşkilatçılığı ilə reallaşan festival “Türk mədəniyyəti və türkün dünyaya baxış bucağı” mövzusuna həsr olunub. Festivalda Türkiyə, Azərbaycan, Qazaxıstan, Qırğızıstan, Türkmənistan, Özbəkistan, Şimali Kipr, Macarıstan, Şimali Makedoniya, həmçinin Rusiya Federasiyasının Tatarıstan, Çuvaşiya, Başqırdıstan, Tuva, Yakutiya, Dağıstan və Xakasiya respublikaları iştirak edir.

    Ətraflı   17:03     15-Oct-2020     774
  • alternative title

    Manyak haqqında filmin çəkildiyi ev satışa çıxarıldı - FOTO

    “Quzuların səssizliyi” adlı filmin çəkildiyi Perriopolisdəki ev (Pensilvaniya, ABŞ) 300 000 dollara (510 000 AZN) satışa çıxarılıb. Bu barədə “10 Philadelphia” xəbər yayıb. Bina filmdəki personajlardan biri - Buffalo Bill ləqəbli manyak üçün “ev” rolunu oynayıb. Filmin ekranlara çıxdığı 1991-ci ildən bəri ev praktik olaraq dəyişməz qalıb. Yeganə fərq zirzəmidə nəhəng bir çuxurun olmamasıdır (səhnə pavilyonda lentə alınıb). Evin özü 1910-cu ildə tikilib. Binanın həyətində hovuz, həmçinin üç avtomobil üçün ayrıca qaraj var. Satıcının dediyinə görə, içəridəki hər şey döşəmələr, taxta dekorasiya əşyaları, lampalar, qapılar və hətta kaminlər orijinal vəziyyətdə qorunub saxlanılıb. “Bizə zəng vuran, mesaj yazan çox sayda insan var. Onlar ev ilə maraqlanmadıqlarını, yalnız filmi sevdiklərini deyirlər. Bu dəlilikdir, filmin bu qədər pərəstişkarı olduğunu bilmirdim”, - deyə rieltor bildirib.

    Ətraflı   10:51     14-Oct-2020     1039

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 16:50     30-Oct-2020     288
  • alternative title 10:51     29-Oct-2020     567
  • alternative title 10:47     29-Oct-2020     1527
  • alternative title 11:16     28-Oct-2020     1765
  • alternative title 10:56     28-Oct-2020     526
image title here

Some title