Loading alternative title

İDMAN

  • alternative title

    Poqba Fransa millisindən ayrılmasını yalanladı: “İslam sülh, sevgi dinidir və hörmət edilməlidir”

    “Mançester Yunayted”in ulduz futbolçusu Pol Poqba Fransa millisindən ayrılacağı ilə bağlı xəbəri yalanlayıb. O, “Instagram” hesabında “The Sun” nəşrinin xəbərini paylaşaraq (əslində, britaniyalılar da bu xəbəri ərəb saytına istinadən yayıb - S.M.), bunu “feyk” adlandırıb: “Beləliklə, “The Sun” bunu təkrarladı... Haqqımda tam 100 faiz əsassız xəbərlər dolaşır, heç söyləmədiyim və düşünmədiyim şeylər yazılır. Bəzi “media” mənbələri məni dəhşətə gətirir, qəzəbləndirir, şoka salır və əsəbiləşdirir, məni xəbər başlıqlarına çıxararaq, dinimi və Fransa millisini Fransadakı hadisələrin həssas mövzusuna alət edirlər. Mən hər cür terrora və şiddətə qarşıyam. Mənim dinim sülh və sevgidir və hörmət edilməlidir. Təəssüf ki, bəzi mətbuat adamları xəbər yazarkən məsuliyyətlə davranmırlar, mətbuat azadlığından sui-istifadə edərək, yazdıqlarının doğruluğunu yoxlamırlar, düşünmədən dedi-qodu yaradırlar, insanların həyatına və mənim həyatıma təsir edirlər. Bu 100 faiz saxta xəbərləri nəşr edib yayanlara qarşı qanuni tədbirlər görürəm. “The Sun”a səslənirəm: sizlərdən bəziləriniz, yəqin ki, məktəbə getmişdiniz və müəlliminizin həmişə mənbələrinizi necə yoxlayın dediyini xatırlayacaqsınız, əmin olmadan yazmayın. Amma deyəsən, bunu təkrar etdiniz və bu dəfə çox ciddi bir mövzuda. Ayıb olsun sizə!” Qeyd edək ki, Fransa Prezidenti Emanuel Makron 47 yaşlı məktəb müəllimi Samuel Patinin başının kəsilməsindən sonra İslam dininə qarşı müəyyən fikirlər səsləndirib və bu, birmənalı qarşılanmayıb. Bundan sonra müsəlman olan Pol Poqbanın Makrona görə Fransa millisindən ayrılacağına dair xəbərlər yayılıb.

    Ətraflı   15:15     27-Oct-2020     338
  • alternative title

    PSJ Zinəddin Zidanla danışıqlar aparıb

    Madridin “Real” klubunun baş məşqçisi Zinəddin Zidan Fransadan təklif alıb. “El Chiringuito TV” öz “Twitter” hesabında yaydığı xəbərə görə, PSJ Z.Zidanı Paris klubunun baş məşqçisi kimi görmək istəyir. Artıq klubun rəsmiləri Z.Zidanla əlaqə saxlayıblar. Qeyd edək ki, hazırda məşqçi kimi çalışan əfsanəvi futbolçunun “Kral klubu” ilə müqaviləsi 2022-ci ilin iyun ayında bitir.

    Ətraflı   14:35     27-Oct-2020     516
  • alternative title

    Həbib Qeycini valideynlərinə “bağışlayıb”

    ABŞ-dan olan MMA döyüşçüsü Daniel Korme Castin Qeyci ilə döyüşdən sonra Həbib Nurməhəmmədovla görüşüb və öz aralarında olan söhbət barədə maraqlı açıqlama verib. Rusiyalı idmançı öz dostuna bildirib ki, C.Qeycinin valideynləri döyüşü canlı izlədikləri üçün o, rəqibinə ağrı hissi yaşadacaq fənd istifadə etməkdən imtina edib. Məhz bu səbəbdən H.Nurməhəmmədov döyüşün gedişində “üçbucaq” boğulma fəndinə üstünlük verib və rəqibini təslim olmağa məcbur edib.

    Ətraflı   14:09     27-Oct-2020     388
  • alternative title

    İdmanda uşaqlara qarşı zorakılığa son qoyulmalıdır

    Avropa Komissiyası tərəfindən maliyyələşdirilən ACTIVE layihəsi çərçşivəsində aparılmış tədqiqatın nəticələri dərc edilib. Portuqaliya KİV-ləri xəbər verir ki, həmin hesabata əsasən Portuqaliyada idmanda uşaqlara qarşı zorakılıq halları təbii hesab edilir. Portuqaliyadan başqa Yunanıstan, İtaliya və Kiprin də iştirak etdiyi araşdırmanın məqsədi həm bu sahədə mövcud boşluqları aşkara çıxarmaq, həm də idman təşkilatlarının uşaqların müdafiəsi məsələlərində hansı məqamları yaxşılaşdırmaq mümkün olacağını müəyyən etməsinə imkan verən onlayn qiymətləndirmə vasitəsi yaratmaqdır. Sosial Müdaxilə Tədqiqatları Mərkəzi (CESIS) tərəfindən Portuqaliya üçün hazırlanmış hesabatda göstərilir ki, uşaqların və onların ailələrinin çoxu idmanda zorakılığı təbii və labüd hesab edir, onlar öz hüquqlarını və dəstək almaq üçün haraya müraciət etmək mümkün olduğunu bilmirlər. İdman təşkilatlarının və ailələrin əksəriyyətində uşaqları müəyyən hüquq sahibləri hesab etmirlər. Belə güman edilir ki, idmanla məşğul olan uşaqlar yüksək nəticələr göstərməli və bu nəticələrlə həm ailəsini, həm də məşqçini məmnun etməlidirlər. Ailələr də uşaqlara təziyq göstərirlər. Onlar idmanı salamatlığa və inkişafa (fiziki, sosial və emosional inkişafa) şərait yaradan fəaliyyət deyil, ilk növbədə çempionar, qaliblər yetişdirən, bunun nəticəsində sosial nüfuz və status qazandıran fəaliyyət növü hesab edirlər. Buna görə tədqiqatçılar idman təşkilatlarının rəhbərlərinin və məşqçilərin hazırlanması səviyyəsinin Uşaq Hüquqları barədə Konvensiyanın tələbləri səviyyəsinə çatdırılmasını tələb edirlər. Tədqiqatda 244 nəfər, o cümlədən 85 uşaq, 65 ailə üzvü, idman təşkilatlarının 52 mütəxəssisi, habelə müvafiq müəssisələrlə bağlı olan daha 42 nəfər iştirak edib.

    Ətraflı   12:38     27-Oct-2020     1134
  • alternative title

    “Zirə” klubu Riçard Almeyda ilə müqavilə imzalayıb

    Bakının “Zirə” klubu heyətini yeni futbolçu ilə gücləndirib. QALANEWS kluba istinadla xəbər verir ki, Bakı təmsilçisi Braziliya əsilli milliləşmiş yarımmüdafiəçi Riçard Almeyda ilə anlaşıb. Otuz bir yaşlı oyunçu ilə cari mövsümün sonunadək müqavilə imzalanıb. Qeyd edək ki, Azərbaycan millisinin heyətində 22 oyunda 3 dəfə fərqlənən Almeyda daha əvvəl ölkəmizdə “Qarabağ”ın formasını geyinib. O, həmçinin Braziliyanın “Sante Andrade”, Portuqaliyanın “Jil Visente”, Qazaxıstanın “Astana” və Küveytin “Baniyas” klublarında çıxış edib.

    Ətraflı   12:28     27-Oct-2020     342
  • alternative title

    Məşhur “Giro D`İtalia” veloyürüşü başa çatıb

    Məşhur “Giro D`İtalia” veloyürüşü başa çatıb. AZƏRTAC xəbər verir ki, 21 mərhələdən ibarət çoxgünlük yarışda böyük britaniyalı idmançı Teo Qeyqan Hart fəxri mükafata sahib çıxıb. Yürüşün sonuncu – 21-ci mərhələsində velosipedçilər 15,7 kilometr məsafədə fərdi mübarizə aparıblar. Bu turda yerli idmançı ən yaxşı nəticə göstərib. İtaliyalı Filippo Qanna 17 dəqiqə 16 saniyə ilə birinci olub. Ondan 32 saniyə geri qalan belçikalı Viktor Kampenarts ikinci, avstraliyalı Roan Dennis üçüncü yeri tutub. Teo Qeyqan Hart ilk 10-luqdan kənarda qalıb. O, 13-cü nəticə göstərib. Amma bu onun ümumi sıralamada liderliyinə təsir etməyib. Beləliklə, 21 mərhələdən sonra zirvədəki yerini qoruyan 25 yaşlı velosipedçi turnirin qalibi olub. Bu Teo Qeyqan Hartın karyerasında ən böyük uğurdur. Avstraliyalı Cey Hindli ikinci yeri tutub. İlk üçlüyü Niderland təmsilçisi Vilko Kilderman tamamlayıb. Yarışın əvvəlindən uzun müddət ümumi sıralamaya başçılıq edən portuqaliyalı Joau Almeyda isə dördüncü olub.

    Ətraflı   12:19     27-Oct-2020     325
  • alternative title

    Luis Hamilton Mixail Şumaxerin rekordunu yeniləyib

    Formula 1 üzrə dünya çempionatının növbəti yarışı - Portuqaliya Qran-Prisi yekunlaşıb. AZƏRTAC xəbər verir ki, Portiman trasında keçirilən yarış gözlənildiyi kimi Luis Hamiltonun qələbəsi ilə yekunlaşıb. Final mərhələsində əsas mübarizə “Mercedes”in pilotları L.Hamilton, Valteri Bottas və “Redd Bull”dan Maks Ferstappen arasında gedib. Startda daha yüngül şinlərdən istifadə edən “Maklaren” komandasının üzvü Karlos Sayns liderliyi ələ keçirsə də, sonradan L.Hamilton və M.Ferstappen önə keçməyi bacarıblar. Yürüşün sonlarına yaxın isə L.Hamilton finlandiyalı komanda yoldaşından da aralanmağa müvəffəq olub ki, bu da sonra britaniyalı pilotun karyerasındakı 92-ci qələbəsi ilə nəticələnib. Bununla da L.Hamilton Formula 1-də ümumi qələbələrin sayına görə əfsanəvi almaniyalı pilot Mixail Şumaxeri qabaqlamağa müvəffəq olub. Şumaxer karyerasında 91 qələbə qazanmışdı. Portuqaliya Qran-Prisində ikinci yeri V.Bottas, üçüncü pilləni isə M.Ferstappen tutublar. Qeyd edək ki, Hamilton son qələbə sayəsində ümumi sıralamada komanda yoldaşı V.Bottasla xal fərqini bir qədər də artırıb. Hazırda britaniyalının aktivində 256 xal var. V.Bottas 179 xalla ikinci, M.Ferstappen isə 162 xalla 3-cüdür. Mühəndislərin yarışında da “Mercedes” liderliyini qoruyur. İkinci yerdə “Redd Bull”, üçüncü pillədə isə “Rasinq Point” qərarlaşıb.

    Ətraflı   12:10     27-Oct-2020     275
  • alternative title

    “Haas” pilotları ilə yollarını ayırır

    Bu mövsüm Formula 1-də ən uğursuz komandalardan biri də “Haas”dır. Təsadüfi deyil ki, ABŞ-ı təmsil edən komanda hazırda Mühəndislər Kubokunda 9-cu pillədə qərarlaşıb. Vəziyyətdən çıxış yolu axtaran rəhbərlik heyəti dəyişmək qərarına gəlib. QALANEWS xəbər verir ki, növbəti mövsümdən Romen Qrojan və Kevin Maqnussen “Haas”da çıxış etməyəcək. Bu barədə pilotların özləri ictimaiyyətə məlumat verib. Əvvəlcə, Qrojan sosial şəbəkə hesabından komandadan gedəcəyini elan edib: “Mən “Haas” Formula 1-də iştirak etməyə başlayandan bu komandadayam. Bu 5 ildə enişli-çıxışlı dövr yaşadıq. 92 Qran-Pridə 110 xal topladıq. Mən bu komandada pilot kimi inkişaf etdim. Burada keçirdiyim illəri heç vaxt unutmayacağam. “Haas”a bundan sonra uğurlar arzulayıram”. Bu bəyanatdan sonra K.Maqnussen də komandadan gedəcəyini açıqlayıb: “Haas”da sonuncu mövsümümü keçirirəm. Bu günədək mənə dəstək olan Cin Haas və Günter Ştaynerə təşəkkür edirəm. Dörd il ərzində onlar mənə güvəndilər. Qarşıdakı Qran-prilərdə maksimum dərəcədə yaxşı çıxış edəcəyəm”. “Haas”ın rəhbəri Günter Ştayner də bu iki pilotla yollarını ayırdıqlarını təsdiqləyib. O, indiki məqamda dəyişikliyə ehtiyac duyduqlarını söyləyib. Amma Ştayner növbəti mövsüm komandaya kimləri dəvət edəcəklərindən heç nə deməyib. Mətbuat isə Nikita Mazepin, Mik Şumaxer, Serxio Peres və Niko Hyulkenberq variantlarını qeyd edir.

    Ətraflı   12:07     27-Oct-2020     293
  • alternative title

    Azərbaycan-Monteneqro oyunu Xorvatiyada keçiriləcək

    UEFA Millətlər Liqasının beşinci turu çərçivəsində keçiriləcək Azərbaycan-Monteneqro oyununun məkanı bəlli olub. Matç noyabrın 14-də Xorvatiyanın paytaxtı Zaqrebdəki “Maksimir” stadionunda olacaq. Qarşılaşma Bakı vaxtı ilə saat 21:00-da başlayacaq. Ermənistan ordusunun Azərbaycana qarşı genişmiqyaslı hərbi təxribatları ilə əlaqədar oyun neytral meydanda təşkil olunacaq. Canni de Byazinin yetirmələri oktyabrın 13-də Kiprlə ev matçını (0:0) Albaniyanın Elbasan şəhərində keçirib.

    Ətraflı   12:06     27-Oct-2020     366
  • alternative title

    Luis Hamilton qarşıdakı 3 ildə “Mercedes”də qalacağına əmin deyil

    Karyerasının ən parlaq dövrlərini “Mercedes”də keçirən Luis Hamiltonun nə vaxta qədər bu komandada qalacağı maraq doğurur. Britaniyalı pilot hazırda iş yerini dəyişməkdə maraqlı olmasa da, yeni müqavilənin şərtləri ilə də tam razılaşmır. AZƏRTAC xəbər verir ki, Formula 1 üzrə altıqat dünya çempionu L.Hamilton “Mersedes”lə müqaviləsini daha 3 il müddətinə yeniləyəcəyinə şübhə edir. Mətbuata açıqlama verən britaniyalı pilot 2022-ci ildə reqlament dəyişikliyindən sonra proseslərlə tanış olmaq istədiyini söyləyib: “Hələ qərar qəbul etməmişik. Doğrusu, “Mercedes”də qalmaq istəyirəm. Təbii ki, indiki məqamda danışıqlar masası arxasına əyləşməliyik. Masada 3 illik müqavilə müzakirə ediləcək. Bir müddət öncə bunun üçün şifahi razılıq əldə etsək də, indi vəziyyət dəyişib. Belə məqamda qarşıdakı 3 ildə “Mersedes”də qalacağımı iddia edə bilmərəm. Suallar çoxdur. 2022-ci ildə mübarizəyə yeni maşınlar qoşulacaq. Onların nəyə qadir olacağını görmək istəyirəm. Hələ ki, heç kimlə danışıqlar aparmamışam və bunu etmək fikrim də yoxdur. Hər şeydən öncə “Mersedes”in rəhbəri Toto Volffla görüşməliyəm. Yaxın aylarda hansı qərar qəbul olunacağını özünüz də görəcəksiniz”. Xatırladaq ki, L.Hamilton 2013-cü ildən “Mercedes”də çıxış edir və o bu komanda ilə 5 dəfə dünya çempionu olub. Buna qədər britaniyalı pilot 2009-cu ildə “Maklaren”də mövsümü birinci yerdə başa vurmuşdu.

    Ətraflı   12:05     27-Oct-2020     322
  • alternative title

    Monqolustan “Formula-1” pilotundan üzr tələb etdi

    “Mongol Identity” təşkilatı “Red Bull” komandasının niderlandlı pilotu Maks Ferstappeni kəskin tənqid edib. Bu barədə Gazeta.ru məlumat yayıb. Portuqaliya Qran-prisinə hazırlıq zamanı idmançı “Racing Point” komandasının kanadalı pilotu Lens Strolla toqquşub. Bu zaman M.Ferstappen onu “monqol” adlandırıb və bu ifadəyə təhqiramiz çalar verib. “Mongol Identity” təşkilatı “monqol” ifadəsinin təhqiramiz nitqdə səsləndirilməsindən qəzəbini ifadə edib. “Formula-1”in məsələyə qarşı sərt çıxış etməməsinin məyusluq doğurduğu vurğulanıb. Həmçinin “Mongol Identity” M.Ferstappendən üzr tələb edib.

    Ətraflı   11:07     27-Oct-2020     298
  • alternative title

    ÇL-da növbəti sınaq: “Başakşəhər” güclü rəqiblə üz-üzə

    Bu gün Çempionlar Liqasının qrup mərhələsinin növbəti qarşılaşmaları keçiriləcək. Türkiyənin “Başakşəhər” klubu öz meydanında Fransa PSJ-si ilə üz-üzə gələcək. Digər qarşılaşmaları təqdim edirik: “Lokomotiv” - “Bavariya” “Şaxtyor” - “İnter” “Atalanta” - “Ayaks” “Atletiko” - “Zalsburq” “Borussiya” (Münhenqladbax) - “Real Madrid” “Porto - “Olimpiyakos” “Liverpul - “Midyulənd” “Marsel - “Mançester Siti” “Krasnodar - “Çelsi”

    Ətraflı   10:53     27-Oct-2020     404
  • alternative title

    Maradona: “Heç kim Messi və Ronaldonun etdiyinin yarısını belə etmir”

    Əfsanəvi argentinalı futbolçu Dieqo Maradona Lionel Messi və Kriştiano Ronaldonu dünyanın ən yaxşı futbolçuları hesab etdiyini bildirib. Bu barədə “France Football” məlumat yayıb. “Mənim üçün bu ikisi digərlərini üstələyir. Mən onlara yaxınlaşa bilən kimsəni görmürəm. Heç kim onların etdiklərinin yarısını belə etmir”, - deyə D.Maradona bildirib.

    Ətraflı   10:31     27-Oct-2020     322
  • alternative title

    “Neftçi”nin qapıçısı Səlahət Ağayev dirsək oynağından əməliyyat olunub

    Bakının “Neftçi” futbol klubunun qapıçısı Səlahət Ağayev dirsək oynağından əməliyyat olunub. QALANEWS kluba istinadla xəbər verir ki, Türkiyənin İstanbul şəhərindəki özəl klinikalardan birində aparılmış əməliyyat uğurlu alınıb. Həkimlərin rəyinə görə, gələn həftədən bərpa məşqlərinə başlayacaq qapıçının üç həftədən sonra topla hazırlığa start verəcəyi planlaşdırılır. Qeyd edək ki, 2017/2018-ci il mövsümündən etibarən “Neftçi”nin heyətində 67 oyunda meydana çıxan S.Ağayev bu mövsüm heç bir oyunda forma geyinməyib.

    Ətraflı   17:02     26-Oct-2020     349
  • alternative title

    “Sumqayıt”ın futbolçusu Əli Qurbani Azərbaycan Premyer Liqasında birinci dövrənin bombardiri olub

    “Sumqayıt” klubunun futbolçusu Əli Qurbani Azərbaycan Premyer Liqasında birinci dövrənin bombardiri olub. O, arxada qalan 7 turda 6 qol vurub. Bu, son 4 mövsüm üçün mütləq rekorddur. Belə ki, əvvəlki üç çempionatın startında belə məhsuldarlıq qeydə alınmayıb. İlk 7 turda 6 və ya daha çox qol vuran sonuncu futbolçu 2016/2017-ci il mövsümündə olub. Həmin vaxt “Qəbələ”nin şərəfini qoruyan Baqali Dabo daha çox – 7 top vurub. Qeyd edək ki, bombardirlər yarışında lider olan Qurbaninin ən yaxın izləyicisi Namiq Ələsgərov (“Neftçi”) 5 qol vurub.

    Ətraflı   17:01     26-Oct-2020     417
  • alternative title

    İtaliyanın idman naziri: “Ronaldo tibbi protokola əməl etməyib”

    İtaliyanın idman naziri Vincenzo Spadafora rəsmi olaraq bəyan edib ki, “Yuventus”un hücumçusu Kriştiano Ronaldo tibbi protokolu pozub. Bu barədə “Football Italia” məlumat yayıb. “Ronaldo tibbi protokola əməl etməyib. İstintaq bunu sübut edib”, - deyə məlumatda bildirilib. Xatırladaq ki, Ronaldonun 13 oktyabrda koronavirusa yoluxduğu məlum olub. Ertəsi gün 35 yaşlı futbolçu Turinə qayıdaraq, karantini İtaliyada keçirmək qərarı verib. Bunun səbəbi İtaliyada qaydaların Portuqaliyadan fərqli olması və özünütəcrid rejiminin 14 gün deyil, 10 gün davam etməsidir.

    Ətraflı   12:34     26-Oct-2020     402
  • alternative title

    Daha bir azərbaycanlı cüdoçu qələbəsini hərbi salamla qeyd etdi

    Macarıstanın paytaxtı Budapeşt şəhərində cüdo üzrə “Böyük Dəbilqə” turniri başa çatıb. Tokio Olimpiya Oyunlarına lisenziya xalları verən nüfuzlu yarışın son günündə Azərbaycan cüdoçusu Məmmədəli Mehdiyev bürünc medal qazanıb. 90 kq çəki dərəcəsində mübarizə aparan cüdoçumuz 3-cü yer uğrunda qarşılaşmada Niderland nümayəndəsi Noel Van Endi məğlub edib. Yarışın 3-cü günü Budapeştdə Rüfət İsmayılov, Elmar Qasımov, Zelim Kotsoyev, Camal Feyziyev və Uşangi Kokauri də tatami üzərinə çıxıblar. Cüdoçularımız ilkin mərhələlərdə uduzaraq medalsız qalıblar. Qeyd edək ki, 61 ölkədən 409 cüdoçunun mübarizə apardığı mötəbər yarışın əvvəlki günlərində milli komandamızdan Rüstəm Orucov (- 73 kq) qızıl, Orxan Səfərov (- 66 kq) bürünc medal qazanıblar.

    Ətraflı   12:18     26-Oct-2020     413
  • alternative title

    Putin Həbib Nurməhəmmədovu təbrik etdi

    “Rusiya Prezidenti Vladimir Putin UFC çempionu Həbib Nurməhəmmədovu növbəti qələbəsi münasibətilə təbrik edib”. “RİA Novosti”nin məlumatına görə, bu sözləri Rusiya liderinin mətbuat katibi Dmitri Peskov deyib. Dmitri Peskov həmçinin rusiyalı döyüşçünün karyerasını bitirdiyini açıqlamasına da münasibət bildirib: “Biz onun qələbəsinə şadıq və bu münasibətlə onu təbrik edirik. Qalan hər şey isə onun seçimidir”. Xatırladaq ki, Castin Qetji üzərində qələbədən sonra Həbib Nurməhəmmədov karyerasını başa çatdırdığını açıqlayıb.

    Ətraflı   12:16     26-Oct-2020     1192
  • alternative title

    İngiltərə Premyer Liqası: “Everton” ilk məğlubiyyətini aldı

    Bu gün İngiltərə Premyer Liqasının 6-cı turunun üç oyunu keçirilib. Günün ilk qarşılaşmasında “Sauthempton” öz meydanında “Everton”u qəbul edib. Matç meydan sahiblərinin 2-0 hesablı qələbəsi ilə başa çatıb. Bununla “Everton” Premyer Liqanın bu mövsümündə ilk məğlubiyyətini alıb. İkinci oyunda isə “Vulverhempton” və “Nyukasl” kollektivləri üz-üzə gəlib. Qarşılaşma qollu heç-heçə ilə yekunlaşıb: 1-1. Günün son matçında isə “Lester” klubu “Arsenal” üzərində 1-0 hesablı qələbə qazanıb.

    Ətraflı   11:52     26-Oct-2020     312
  • alternative title

    Ronaldosuz “Yuventus” xal itirdi

    İtaliya A Seriyasının 5-ci turu çərçivəsində “Yuventus” öz meydanında “Verona” ilə qarşılaşıb. Gərgin keçən qarşılaşmada tərəflər hərəyə bir dəfə fərqləniblər: 1-1. Qarşılaşmanın 63-cü dəqiqəsində Favilli qonaqları hesabda önə çıxarıb. Oyunun 78-ci dəqiqəsində Kulusevski bərabərlik topunu vurub. Qeyd edək ki, “Yuventus”un ulduz futbolçusu Kriştiano Ronaldo bu qarşılaşmada iştirak etməyib.

    Ətraflı   11:43     26-Oct-2020     453

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 12:40     27-Oct-2020     1306
  • alternative title 11:25     27-Oct-2020     1196
  • alternative title 11:05     27-Oct-2020     352
  • alternative title 10:32     27-Oct-2020     371
  • alternative title 11:23     26-Oct-2020     503
image title here

Some title