Loading alternative title

HADİSƏ

  • alternative title

    Bakıda maşın oğrusu saxılanıldı

    Bakıda maşın oğrusu saxlanılıb. Bu barədə Daxili işlər Nazirliyinin mətbuat xidməti məlumat verib. Bildirilib ki, Yasamal Rayın Polis İdarəsinin 29-cu Polis Şöbəsinə müraciət edən Bakı şəhər sakini R.Məmmədov oktyabrın 25-də rayon ərazisindəki avtomobillərin yuyulması məntəqələrinin birindən “Mercedes” markalı avtomobilinin qaçırıldığını deyib. Qeyd olunub ki, polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Ağdaş rayon sakini N.Məmmədov oktyabrın 26-da Talıblı küçəsində avtomobillə birgə saxlanılıb. Faktla bağlı araşdırma aparılır.

    Ətraflı   12:40     27-Oct-2020     1306
  • alternative title

    Şəkidə avtomobillərdən oğurluq edən şəxslər saxlanılıb

    Oktyabrın 26-da Şəki şəhərində üç avtomobildən oğurluq edilib. Bu barədə Daxili İşlər Nazirliyinin mətbuat xidmətinin Şəki regional qrupu məlumat verib. Bildirilib ki, Şəki Şəhər Rayon Polis Şöbəsinin əməkdaşları tərəfindən keçirilmiş əməliyyat-axtarış tədbirləri nəticəsində avtomobillərdən maqnitofon, pul, bank kartları və digər əşyalar oğurlamaqda şübhəli bilinən şəhər sakini V.Abdulxalıqlı və bir yeniyetmə saxlanılıb. Faktla bağlı araşdırma aparılır.

    Ətraflı   11:25     27-Oct-2020     1196
  • alternative title

    Sumqayıtda üç gün əvvəl avtomobilin vurduğu piyada xəstəxanada ölüb

    Oktyabrın 24-də Sumqayıt şəhəri Sülh küçəsində yolu keçmək istəyən 1939-cu il təvəllüdlü Əliyev Yusif Məhəmmədəli oğlunu avtomobil vurub. Ağır xəsarət alan 81 yaşlı kişi Bakıda xəstəxanalardan birinə yerləşdirilsə də, onun həyatını xilas etmək mümkün olmayıb. Y.Əliyev bu gün vəfat edib. Meyit aidiyyəti üzrə təhvil verilib. Faktla bağlı araşdırma aparılır.

    Ətraflı   11:05     27-Oct-2020     352
  • alternative title

    Şəkidə birmərtəbəli ev külə döndü

    Şəki rayonunda yanğın hadisəsi baş verib. Hadisə axşam saatlarında rayonun Giləhli məhəlləsində qeydə alınıb. 43 yaşlı rayon sakini Elşən Babayevə məxsus 80 kv/m ev anidən alovlanıb. Əraziyə Dövlət Yanğından Mühafizə Hissəsinin Şəki Rayonu üzrə texnika və canlı qüvvəsi cəlb edilib. Yanğın nəticəsində evin yanar konstruksiyaları və həmin evə bitişik birmərtəbəli, 40 kv/m evin dam örtüyü yanıb. Alov çətinliklə də olsa, söndürülüb, yanğının ətrafdakı digər tikililərə keçməsinin qarşısı alınıb. Faktla bağlı araşdırma aparılır.

    Ətraflı   10:32     27-Oct-2020     371
  • alternative title

    Bakıda 38 yaşlı kişi binadan yıxılaraq ölüb

    Bakıda bədbəxt hadisə baş verib. Hadisə Binəqədi rayonu ərazisində qeydə alınıb. Belə ki, 1982-ci il təvəllüdlü İbrahimov Ceyhun Allahverən oğlu rayon ərazisində yerləşən Ev Tikmə Kombinatı binasından yıxılıb. Ağır vəziyyətdə xəstəxanaya çatdırılan C.İbrahimov orada ölüb. Faktla bağlı araşdırma aparılır.

    Ətraflı   11:23     26-Oct-2020     503
  • alternative title

    Şəkidə birmərtəbəli ev külə döndü

    Şəki şəhərində ümumi sahəsi 80 m² olan birmərtəbəli evin yanar konstruksiyaları və bitişik ümumi sahəsi 40 m² olan birmərtəbəli evin dam örtüyü 20 m² sahədə yanıb. Bununla bağlı Fövqəladə Hallar Nazirliyi məlumat yayıb. Evin qalan hissəsi və ev əşyaları qismən yanğından mühafizə olunub. Yanğın yanğından mühafizə bölmələri tərəfindən söndürülüb;

    Ətraflı   11:21     26-Oct-2020     507
  • alternative title

    Şəmkirdə kişi ov tüfəngi ilə güllələndi

    Oktyabrın 25-də saat 16:00 radələrində Şəmkir rayonu, İrmaşlı kənd sakini 1937-ci il təvəllüdlü Mustafayev İsa Göyalı oğlu odlu silahdan açılan atəş nəticəsində aldığı xəsarətlərdən ölüb. Şəmkir rayon prokurorluğundan verilən məlimata görə, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib. Aparılmış araşdırmalarla zərərçəkmişin qohumu 1947-ci il təvəllüdlü Rüstəmov Hüseyn Novruz oğlunun şəxsi münasibətlər zəminində aralarında yaranmış mübahisə zamanı ov tüfəngindən atəş açaraq İsa Mustafayevi qəsdən öldürməsinə əsaslı şübhələr müəyyən edilib. Faktla bağlı Şəmkir rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Hüseyn Rüstəmov şübhəli şəxs qismində tutularaq istintaqa cəlb edilib. Hazırda cinayət işi üzrə zəruri istintaq tədbirləri davam etdirilir.

    Ətraflı   10:03     26-Oct-2020     1502
  • alternative title

    Fransa və Almaniyada yaşayan ermənilər Qarabağa yardım adı ilə silah göndərir - FOTO

    Fransa və Almaniyanın erməni icmaları separatçılara daha bir “yardım” göndəriblər. Sosial şəbəkənin Ermənistan seqmentində yayılan məlumata görə, bu, “Hayastan” Ümumerməni Fondunun Azərbaycana qarşı döyüşən separatçılar üçün təşkil etdiyi üçüncü belə daşınmadır. Fond müxtəlif bəhanələrlə separatçılar üçün qanunsuz olaraq Qarabağa silah və sursat göndərir.

    Ətraflı   17:35     24-Oct-2020     534
  • alternative title

    Cəlilabadda birmərtəbəli ev külə döndü

    Cəlilabad rayonunun Soltankənd kəndində ümumi sahəsi 150 m² olan birmərtəbəli evin yanar konstruksiyaları 135 m² sahədə yanıb. Bununla bağlı Fövqəladə Hallar Nazirliyi məlumat yayıb. Yüksək temperaturdan bitişik, ümumi sahəsi 50 m² olan talvarın lambirindən ibarət tavanı əriyib. Evin və talvarın qalan hissəsi, bitişik ümumi sahəsi 40 m² olan qaraj yanğından mühafizə olunub. Yanğın yanğından mühafizə bölmələri tərəfindən söndürülüb.

    Ətraflı   17:34     24-Oct-2020     589
  • alternative title

    Bakıda minik avtomobili yandı

    Bakı şəhərinin Nərimanov rayonunda “Hyundai” markalı minik avtomobilinin mühərrik hissəsi yanıb. Bununla bağlı Fövqəladə Hallar Nazirliyi məlumat yayıb. Avtomobilin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

    Ətraflı   17:11     24-Oct-2020     606
  • alternative title

    Bakıda kişi arvadını qətlə yetirib, intihara cəhd etdi

    Bakının Binəqədi rayonunda qətl hadisəsi baş verib. Hadisə 9-cu mikrorayon, Cavadxan küçəsində qeydə alınıb. 1977-ci il təvəllüdlü Əsgərov Hafiz İsgəndər oğlu yaşadığı mənzildə həyat yoldaşını ailə münaqişəsi zəminində əvvəlcə döyüb. Daha sonra onu qətlə yetirib. Hadisə yerinə hüquq mühafizə xidmətinin əməkdaşları cəlb edilib. Araşdırma zamanı məlum olub ki, H.Əsgərov özünə də qəsd etmək istəyib. Lakin vaxtında edilən müdaxilə nəticəsində onun həyatını xilas etmək mümkün olub. H.Əsgərov polis nəzarəti altında xəstəxanaya yerləşdirilib.

    Ətraflı   17:10     24-Oct-2020     535
  • alternative title

    Bakı sakinini bıçaqla qətlə yetirən şəxs yaxalandı

    Oktyabrın 23-də saat 09:00 radələrində Sabunçu rayonu, Balaxanı qəsəbə sakini 1988-ci il təvəllüdlü Məmmədov Natiq Fəxrəddin oğlunun bıçaqlanaraq öldürülməsi barədə rayon prokurorluğuna məlumat daxil olub. Sabunçu Rayon Prokurorluğundan verilən məlumata görə, prokurorluq əməkdaşları tərəfindən hadisə yerinə və meyitə baxış keçirilib, digər zəruri prosessual hərəkətlər yerinə yetirilib. Aparılmış araşdırmalarla Balaxanı qəsəbə sakini 1995-ci il təvəllüdlü Mahmudov Ülvi Vüqar oğlunun aralarında yaranmış mübahisə zamanı bıçaqla xəsarət yetirərək Natiq Məmmədovu qəsdən öldürməsinə əsaslı şübhələr müəyyən edilib. Faktla bağlı Sabunçu Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Ülvi Mahmudov şübhəli şəxs qismində tutularaq istintaqa cəlb edilib. Hazırda cinayət işi üzrə zəruri istintaq tədbirləri davam etdirilir.

    Ətraflı   17:08     24-Oct-2020     529
  • alternative title

    İnterpol tərəfindən axtarılan azərbaycanlılar – FOTO

    İnterpol daha iki azərbaycanlı barədə axtarış elan edib. Rusiya hüquq-mühafizə orqanları tərəfindən axtarılan 1976-cı ildə Şamaxıda anadan olan Bəylər Niftəliyev və Naxçıvan Muxtar Respublikasında anadan olan Əli Əliyev axtarılır. B.Niftəliyev zorakılıq və soyğunçuluqda, Ə.Əliyev isə sağlamlığa ağır zərbə vurma və soyğunçuluqda ittiham olunurlar. Hər iki şəxs İnterpolun saytında axtarışa verilib.

    Ətraflı   17:06     24-Oct-2020     448
  • alternative title

    Bakıda iki bacını avtomobil vurdu

    Bakının Nərimanov rayonunda iki nəfəri avtomobil vurub. Hadisə Təbriz küçəsində baş verib. 2001-ci il təvəllüdlü Hüseynova Günay Nazim qızını və onun bacısı 2003-cü il təvəllüdlü Hüseynova Qumru Nazim qızını minik avtomobili vurub. Yaralılar xəstəxanaya yerləşdirilib. Faktla bağlı araşdırma aparılır.

    Ətraflı   09:37     23-Oct-2020     529
  • alternative title

    Bakıda maşın yandı: Tıxac yarandı

    Bakıda evakuator yanıb. Hadisə Bakı Dairəvi Yolunun Yasamal rayonu ərazisindən keçən hissəsində qeydə alınıb. Belə ki, “Man” markalı evakuator qəfildən alışaraq yanmağa başlayıb. Əraziyə Fövqəladə Hallar Nazirliyinin Dövlət Yanğından Mühafizə Xidmətinin əməkdaşları cəlb edilib. Həyata keçirilən tədbirlər nəticəsində yanğın söndürülüb. Baş vermiş hadisə ilə əlaqədar Bakı Dairəvi Yolunda tıxac yaranıb. Əraziyə yol polis əməkdaşları cəlb edilib. Araşdırma aparılır.

    Ətraflı   16:14     22-Oct-2020     1921
  • alternative title

    Bakıda marketdən oğurluq edən şəxs saxlanıldı

    Oktyabrın 21-də saat 13:00 radələrində Nəsimi rayonu ərazisindəki marketlərin birindən oğurluğa cəhd göstərən şəxs ərazidə xidmət aparan Nəsimi Rayon Mühafizə İdarəsinin əməkdaşları tərəfindən saxlanılıb. Bu barədə Daxili İşlər Nazirliyi məlumat yayıb. Bildirirlib ki, 20-ci Polis Bölməsinə təhvil verilən həmin şəxsin Bakı şəhər sakini M.Mirzəyev olduğu müəyyən edilib. Ətrafında aparılmış tədbirlərlə onun oktyabrın 8-də həmin mağazadan 260 manat dəyərində ərzaq məhsulları və spirtli içki oğurlaması da müəyyən edilib.

    Ətraflı   12:34     22-Oct-2020     1459
  • alternative title

    Qəbələdə keçmiş məhkum yenidən oğurluq üstündə tutuldu

    Qəbələdə keçmiş məhkum yenidən oğurluq üstündə həbs edilib. Bu barədə Daxili İşlər Nazirliyi məlumat yayıb. Bildirilib ki, oğurluq etdiyinə görə tutulmuş Ə.Məmmədlinin ətrafında Qəbələ RPŞ-nin əməkdaşları tərəfindən aparılmış tədbirlərlə onun rayon ərazisindəki daha bir evdən 1300 manat dəyərində qızıl-zinət əşyaları oğurlaması da müəyyən edilib.

    Ətraflı   12:18     22-Oct-2020     683
  • alternative title

    Qubada 29 yaşlı kişini öldürməkdə şübhəli bilinən şəxs saxlanıldı

    Oktyabrın 21-də saat 18:00 radələrində Quba rayonu, Vladimirovka kənd sakini 1991-ci il təvəllüdlü Baratov Söhrab Fizuli oğlu bıçaqlanaraq öldürülüb. Bu barədə Quba Rayon Prokurorluğu məlumat yayıb. Bildirilib ki, dərhal prokurorluq əməkdaşları tərəfindən aparılmış araşdırmalarla zərərçəkmişin tanışı Ələskərov Ələskər Şakir oğlunun şəxsi münasibətlər zəminində aralarında yaranmış mübahisə zamanı bıçaqla xəsarətlər yetirərək Söhrab Baratovu qəsdən öldürməsinə əsaslı şübhələr müəyyən edilib. Faktla bağlı Quba Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Ələskər Ələskərov şübhəli şəxs qismində tutularaq istintaqa cəlb edilib. Hazırda cinayət işi üzrə zəruri istintaq tədbirləri davam etdirilir.

    Ətraflı   11:12     22-Oct-2020     663
  • alternative title

    Zaqatalada kişi arvadını balta ilə öldürdü

    Oktyabrın 21-də saat 15:00 radələrində Zaqatala rayonu, Yengiyan kənd sakini 1978-ci il təvəllüdlü İsmayılova Zalxa Qədim qızı əri tərəfindən öldürülüb. Bu barədə Zaqatala Rayon Prokurorluğu məlumat yayıb. Bildirilib ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib. Aparılmış araşdırmalarla zərərçəkmişin əri İsmayılov Fazil Allahverdi oğlunun ailə-məişət münasibətləri zəminində aralarında yaranmış münaqişə zamanı balta ilə xəsarətlər yetirərək Zalxa İsmayılovanı qəsdən öldürməsinə əsaslı şübhələr müəyyən edilib. Faktla bağlı Zaqatala rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, müvafiq ekspertizalar təyin edilib. Fazil İsmayılov şübhəli şəxs qismində tutularaq istintaqa cəlb edilib. Hazırda cinayət işi üzrə zəruri istintaq tədbirləri davam etdirilir.

    Ətraflı   11:03     22-Oct-2020     1503
  • alternative title

    Qobustanda ev yandı

    Qobustan rayonunun Xilmilli kəndində ümumi sahəsi 150 kvadrat metr olan birmərtəbəli evin bir otağının yanar konstruksiyaları 50 kvadrat metr sahədə və dam örtüyü 100 kvadrat metr sahədə yanıb. Bu barədə Fövqəladə Hallar Nazirliyi məlumat yayıb. Bildirilib ki, evin qalan hissəsi yanğından mühafizə olunub. Yanğın söndürülüb.

    Ətraflı   10:57     22-Oct-2020     1462

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 12:40     27-Oct-2020     1306
  • alternative title 11:25     27-Oct-2020     1196
  • alternative title 11:05     27-Oct-2020     352
  • alternative title 10:32     27-Oct-2020     371
  • alternative title 11:23     26-Oct-2020     503
image title here

Some title