Loading alternative title

HƏRBİ

  • alternative title

    Düşmən Goranboy, Tərtər və Bərdəni atəşə tutur - RƏSMİ

    Ermənistan silahlı qüvvələri Goranboy, Tərtər və Bərdə rayonlarının ərazilərini atəşə tutur. Bu barədə Azərbaycanın Müdafiə Nazirliyi məlumat yayıb.

    Ətraflı   17:40     27-Oct-2020     1270
  • alternative title

    Ermənistan Bərdəyə raket atıb, 3 nəfər ölüb, 10 nəfər yaralanıb

    Oktyabrın 27-i saat 16:40 radələrində Ermənistan silahlı qüvvələri tərəfindən Bərdə rayonu ərazisinə raket atması nəticəsində iki nəfərin ölməsi ilə yanaşı bir neçə kənd sakini də ağır yaralanıb. Ölənlərin sayı 3 nəfərdir, 10 nəfər xəsarət alıb. Onlar xəstəxanaya aparılıb. Yaralılardan içərisində azyaşlılar da var.

    Ətraflı   17:39     27-Oct-2020     1432
  • alternative title

    XİN rəsmisi: “Azərbaycanı müharibəyə Ermənistan təhrik edib”

    “Qarabağ münaqişəsinin diplomatik yolla həlli üçün İrəvanın Ermənistan qoşunlarının Azərbaycanın işğal olunmuş torpaqlarından çıxarması barədə öhdəlik götürməsi lazımdır”. Bu barədə Xarici İşlər Nazirliyinin sözçüsü Leyla Abdullayeva TRT-yə verdiyi müsahibəsində bildirib. O vurğulayıb ki, Azərbaycan Ermənistan tərəfindən müharibəyə təhrik edilib və bu, heç mübahisə mövzusu deyil.

    Ətraflı   17:27     27-Oct-2020     1345
  • alternative title

    Hərbi əməliyyatlar zamanı Ermənistana 2,7 milyard dollar ziyan dəyib - FOTO

    Bir ay ərzində Ermənistanın hərbi texnika və sursat itkisinin həcmi 2,7 milyard ABŞ dollarından çox olub. Bunu İqtisadi İslahatların Təhlili və Kommunikasiya Mərkəzinin rəhbəri Vüsal Qasımlı keçirilən mətbuat konfransında deyib. Onun sözlərinə görə, bu Ermənistanın nəzərdə tutulan müdafiə xərclərinin həcmindən 4 dəfə çoxdur. “Sentyabr ayının 27-dən Azərbaycan ordusu Ermənistanı hərbi texnika və sursat nəzərindən çox ciddi məğlubiyyətə uğradıb. Belə ki, bu müddət ərzində Ermənistan ordusunun 252 tankı məhv edilib, 53 tankı qənimət kimi götürülüb. Ermənistan 79 ədəd piyadaların döyüş maşını, 275 müxtəlif çaplı top, 106 minaatan, 53 tank əleyhinə vasitədən məhrum edilib. 82 “Qrad” qurğusu, 2 “Uraqan” Yaylım Atəşli Raket Sistemi, bir “TOS” sistemi məhv edilib. Eyni zamanda 4 “TOR”, 40-a yaxın “OSA”, 4 “KUB”, bir ”KRUQ”, 2 “S-125” zenit-raket kompleksləri və qurğuları zərərsizləşdirilib. Həmçinin, 6 “S-300” atıcı qurğusu, bir aşkaretmə stansiyası, bir lokator, bir “Toçka-U”, 2 Elbrus əməliyyat taktiki raket kompleksləri məhv edilib. Əlavə olaraq, 20-i silah-sursatla dolu olan 231 yük avtomobili məhv edilib, 173 yük avtomobili isə hərbi qənimət kimi götürülüb”, - deyə o bildirib. Bütün sadalanan və sadalanmayan hərbi texnika və sursat 2,7 milyard ABŞ dollarından çox edir.

    Ətraflı   17:25     27-Oct-2020     1205
  • alternative title

    Ermənistanın Bərdəyə atdığı raket zərərsizləşdirildi: Ölənlər var

    Oktyabrın 27-i, saat 16:40 radələrində Ermənistan silahlı qüvvələri tərəfindən atılan raket Bərdə rayonu ərazisində Azərbaycan Hava Hücumundan Müdafiə Qoşunları tərəfindən zərərsizləşdirilib. Bu barədə Report məlumat yayıb. Nəticədə, rayonun Qarayusifli kəndi ərazisində raket partlayıb və iki mülki şəxs həlak olub, yaralılar var.

    Ətraflı   17:22     27-Oct-2020     1402
  • alternative title

    Lüksemburqda erməni vandalizminə etiraz - FOTO

    Lüksemburqda yaşayan azərbaycanlılar şəhərin mərkəzində yerləşən Place d'Armes meydanında icazəli aksiya keçirib. Aksiya iştirakçıları Gəncə şəhərində və ölkəmizin digər yaşayış məntəqələrində işğalçı Ermənistan ordusunun vandalizm aktları törətməsini, mülki şəxslərin, o cümlədən, azyaşlı uşaqların və qadınların həlak olmasını, mülki obyektlərin dağıdılmasını pisləyiblər. Bununla bağlı Diasporla İş üzrə Dövlət Komitəsi məlumat yayıb. Lüksemburqdakı azərbaycanlı icmasının təşəbbüsü ilə keçirilən aksiyada bildirilib ki, Azərbaycanın Gəncə və Mingəçevir şəhərlərinin, Tərtər, Goranboy, Bərdə, Yevlax, Ağdam və digər rayonların ağır artilleriya atəşinə tutulması Ermənistanın Azərbaycana qarşı apardığı təcavüzkar siyasətin davamıdır. Aksiya iştirakçıları beynəlxalq ictimaiyyəti Azərbaycanın haqq səsini eşitməyə və Ermənistanın törətdiyi vandalizm aktlarına biganə qalmamağa səsləyiblər. Aksiyada Gəncə terrorunun qurbanlarını anmaq məqsədilə meydana rəmzi olaraq sahibsiz ayaqqabılar düzülüb, şəhər sakinlərinə Dağlıq Qarabağla bağlı buklet və lifletlər paylanıb. Müxtəlif dillərdə “Qarabağ Azərbaycandır!”, “Gəncə üçün dua et!”, “Gəncə cəbhə bölgəsi deyil”, “Uşaq ölümünə son qoyun”, “Erməni terrorçuluğuna son qoyun!”, “Ermənistan - BMT qətnamələrinə əməl et!” kimi şüarlar səsləndirilib.

    Ətraflı   16:33     27-Oct-2020     1238
  • alternative title

    “Bakinity” şirkətindən Azərbaycan Ordusuna dəstək

    Azərbaycan Ordusunun Qarabağda uğurlu əks-hücuma davam etdiyi vaxtda xalqımızın ümumi əhval-ruhiyyəsini bir cümlə ilə ifadə etmək olar: “Hər şey cəbhə üçün, hər şey qələbə üçün!”. Ölkəmizin hər bir vətəndaşı bütün Azərbaycan üçün olduqca önəmli tarixi anda döyüş meydanında düşmənə sarsıdıcı zərbələr endirən qəhrəmanlara istənilən dəstək verməyə hazırdır. “Bakinity” şirkəti də şanlı ordumuzu dəstəkləyib. Şirkət tərəfindən ümumi dəyəri 110.000 manatdan çox olan hərbçilər üçün isti geyim alınıb, Azərbaycan Respublikası Müdafiə Nazirliyinin nümayəndələrinə təhvil verilib. Bakinity şirkətinin nümayəndələri Azərbaycan ordusunun “Biz zəfər çalacağıq! Qarabağ Azərbaycandır!” şüarları altında qələbələri qazanmağa davam edəcəyinə əmin olduqlarını bildiriblər. Azərbaycanın aparıcı inteqratorlarından biri olan “Bakinity” şirkəti 20 ilə yaxındır ki, həm dövlət, həm də özəl sektorun təşkilatlarına IT xidmətləri göstərir. Şirkətin əsas fəaliyyət istiqaməti IT inteqrasiyası, avtomatlaşdırma və rəqəmsallaşdırma üzrə layihələrin idarəolunması və həyata keçirilməsidir.

    Ətraflı   16:14     27-Oct-2020     234
  • alternative title

    Qondarma rejimin Paşinyana məktubu niyə gizlədilib?

    Qarabağda qondarma rejimin “lideri” Araik Arutyunyan Ermənistandan da hərbi əməliyyatların dayandırılmasını istəyib. Bu barədə “Qraparak” məqalə yayıb. Erməni mediasında Arutyunyanın Rusiya Prezidenti Vladimir Putinə etdiyi müraciəti fəal şəkildə müzakirə edilib. Arutyunyanın məktubunun cəmiyyəti “hərbi-vətənpərvərlik nağılları” ilə bəsləyən dairələrə soyuq su səpdiyi və həqiqətə qayıtmağın vaxtının gəldiyini hər kəsə başa saldığı qeyd olunur. Bildirilir ki, Arutyunyan Putindən Azərbaycan-Qarabağ münaqişəsi zonasında hərbi əməliyyatların dayandırılması və siyasi proseslərin davam etdirilməsi üçün əlindən gələni etməsini istəyib. Qeyd olunur ki, Arutyunyanın Nikol Paşinyana da eyni məzmunda məktub göndərdiyi təsdiqlənib. Paşinyan parlamentdən kənar qüvvələrlə görüşü zaman məhz bu məktubla əlaqədar danışıb, amma nədənsə bu, rəsmi olaraq təkzib edilib. Qondarma rejimin mətbuat katibi Vaqram Poqosyan məsələnin cəbhədə həll olunduğuna inandıqlarını deyib. “Bununla birlikdə, bir vacib nüans hələ də qaranlıq qalır: əgər Arutyunyan bu münaqişədə Putin və Rusiyanın roluna bu qədər əhəmiyyət verirdisə, niyə Rusiyada “persona non-qrata” (arzuolunmaz şəxs) elan edilmiş insanları ən vacib iki dövlət vəzifəsinə təyin etdi?! Söhbət qonrdarma rejimin Xarici İşlər naziri Masis Mayilyan və təhlükəsizlik şurasının katibi Samvel Babayandan gedir”, - deyə qəzet yazır.

    Ətraflı   16:08     27-Oct-2020     1080
  • alternative title

    Dağlıq Qarabağdakı erməni zabit və əsgərlər döyüşmək istəmirlər

    Dağlıq Qarabağ erməniləri çaşqınlıq içində, çarəsiz qalıblar. Qondarma “respublika”nın dırnaqarası prezidenti Araik Arutunyanın silahlı birləşmələrin komandanı general-leytenant Cəlal Arutyunyanı “müdafiə naziri” vəzifəsindən azad etməsi daxili gərginliyi daha da artırıb. Araik Arutunyan bildirib ki, nazir yaralandığı üçün vəzifəsini icra edə bilmir. Bəzi məlumatlara görə, isə Cəlal Arutyunyan artıq ölüb. Digər tərəfdən, adı korrupsiya və digər cinayətlərdə hallanan general-mayor Mikael Arzumanyanın qondarma “respublika”nın “müdafiə naziri” təyin edilməsi daxildə narahatçılığı və narazılığı artırıb. İndi ordu çaşqınlıq içindədir, zabit və əsgərlər döyüşə getməkdən çəkinirlər. Qarabağdakı erməni əsgərləri müharibəni uduzduqlarını, döyüşlərin əbəs yerə davam etdirildiyini bildirirlər.

    Ətraflı   15:43     27-Oct-2020     1468
  • alternative title

    Düşmənin Tərtərə atdığı “Smerç” raketi “Azərxalça”ya ziyan vurub - FOTO

    Ermənistan silahlı qüvvələri yeni humanitar atəşkəs rejimini kobud şəkildə pozaraq oktyabrın 26-da Tərtər şəhərini və ətraf kəndləri “Smerç” yaylım atəşli reaktiv sistemindən atəşə tutub. Bildirilib ki, düşmən tərəfindən atılan “Smerç” raketlərindən biri şəhərin mərkəzinə düşüb. Güclü partlayış dalğası zamanı “Azərxalça” ASC-nin Tərtər şəhər ərazisində yerləşən filialının inzibati binasına külli miqdarda ziyan dəyib. Xoşbəxtlikdən həmin vaxt binada “Azərxalça”nın işçiləri olmayıb. Yalnız filialın nəzarətçisi Rövşən Kərimli olub. O bildirib ki, ötən gecə saat 8:00 radələrində düşmən tərəfindən atılan raket zamanı binanın qapı və pəncərələrinə, kompyuter sisteminə külli miqdarda ziyan dəyib. Qeyd edək ki, Ermənistan silahlı qüvvələri yeni humanitar atəşkəs rejimini kobud şəkildə pozaraq oktyabrın 26-da Tərtər şəhəri və ətraf kəndlərə ümumilikdə 147 top mərmisi və dörd “Smerç” raketi atıb.

    Ətraflı   14:28     27-Oct-2020     328
  • alternative title

    Böyük Britaniyada baş nazirin ofisi qarşısında Gəncə terroruna etiraz edilib

    Londonda yaşayan azərbaycanlılar Böyük Britaniyanın baş naziri Boris Consonun ofisinin qarşısında icazəli aksiya keçirib. Aksiya zamanı Gəncə şəhərində işğalçı Ermənistan ordusunun terror aktı törətməsi, mülki şəxslərin, o cümlədən, azyaşlı uşaqların və qadınların qətlə yetirilməsi, mülki obyektlərin dağıdılması pislənib. Bununla bağlı Diasporla İş üzrə Dövlət Komitəsi məlumat yayıb. Bildirilib ki, Azərbaycan icmasının təşəbbüsü ilə keçirilən aksiyada türk icmasının təmsilçiləri və şəhər sakinləri də iştirak edib. Əllərində Gəncə terrorunun qurbanlarının adları yazılan plakatlar tutan aksiya iştirakçıları, onların xatirəsini bir dəqiqəlik sükutla yad ediblər. Aksiya iştirakçıları “Qarabağ Azərbaycandır!”, “Erməni təcavüzünə son qoyun!” kimi şüarlar, ingilis dilində bəyanatlar səsləndirib, Boris Consonu və Britaniya ictimaiyyətini mülki şəxslərin, xüsusi ilə də uşaqların qətlə yetirilməsinə biganə qalmamağa çağırıblar. Ermənilərin təxribatçı cəhdlərinə baxmayaraq, aksiya insidentsiz başa çatıb.

    Ətraflı   14:26     27-Oct-2020     357
  • alternative title

    Düşmən mindən çox hərbçi itirdiyini etiraf etdi

    Düşmən tərəf Azərbaycan ordusunun əks-hücumu nəticəsində ölən 35 hərbçinin də siyahısını açıqlayıb. Bununla da, işğalçı dövlət mindən çox hərbçi itirdiyini etiraf edib. Eyni zamanda, Ermənistan milli təhlükəsizlik xidmətinin sərhəd qoşunları münaqişə bölgəsindəki döyüş əməliyyatları zamanı 37 nəfər itirib. “Sputnik Armeniya” xəbər verir ki, bunu xidmətin direktor müavini Armen Abazyan mətbuat konfransında deyib: “Milli təhlükəsizlik xidmətinin sərhəd qoşunlarının hərbi qulluqçuları döyüş əməliyyatlarına cəlb ediliblər. Təəssüf ki, 37 nəfər ölüb, 4 nəfər itkin düşüb, 243 nəfər yaralanıb”.

    Ətraflı   14:15     27-Oct-2020     1229
  • alternative title

    Müdafiə Nazirliyi və Dövlət Sərhəd Xidməti birgə bəyanat yaydı - Ermənistana XƏBƏRDARLIQ

    Azərbaycanın Müdafiə Nazirliyi və Dövlət Sərhəd Xidməti birgə bəyanat yayıb. Bəyanatda deyilir: “Yeni humanitar atəşkəs rejiminə riayət edən Azərbaycan bütün cəbhə boyu düşmənin törətdiyi təxribatlara təmkinlə yanaşaraq yalnız adekvat tədbirlər görür. Bundan istifadə edən Ermənistan isə cəbhənin müxtəlif istiqamətləri, xüsusilə də bərpa edilmiş dövlət sərhədləri üzrə vəziyyəti məqsədyönlü şəkildə gərginləşdirməklə növbəti təxribatlarına zəmin yaradır. Ermənistan rəhbərliyi artıq dərk etməli və hesablaşmalıdır ki, bərpa edilmiş dövlət sərhədləri münaqişə zonası deyil və Azərbaycanın tam hüquqlu suveren ərazilərini müəyyən edən beynəlxalq birlik tərəfindən tanınan dövlət sərhədidir. Dövlət sərhədinin toxunulmazlığı təmin edilməlidir. Bu istiqamətdə baş verən istənilən təxribat ərazi bütövlüyümüzə təcavüz kimi dəyərləndirilir. Bu baxımdan, Azərbaycan öz ərazilərinə təhdid təşkil edən istənilən legitim hərbi hədəfləri yerləşdiyi ərazidən asılı olmayaraq, məhv etmə hüququna malikdir”.

    Ətraflı   14:10     27-Oct-2020     1091
  • alternative title

    Düşmən Tərtəri atəşə tutur - RƏSMİ

    Yeni humanitar atəşkəs rejimini kobudcasına pozan Ermənistan silahlı qüvvələri Tərtər şəhəri və rayonun kəndlərini artilleriya atəşinə tutur. Bu barədə Azərbaycanın Müdafiə Nazirliyi məlumat yayıb.

    Ətraflı   12:59     27-Oct-2020     1097
  • alternative title

    Əliyar Əliyev “Qarabağın məşhur müəllimləri” layihəsində

    Təhsil Nazirliyinin “Qarabağın məşhur müəllimləri” layihəsinin növbəti siması Əliyar Əliyevdir. Əliyar Əliyev 1957-ci il dekabrın 14-də Qubadlı rayonunun Qazyan kəndində anadan olub. 1979-cu ildə Azərbaycan Dövlət Bədən Tərbiyəsi İnstitutunu fərqlənmə diplomu ilə bitirdikdən sonra bir müddət Qubadlı rayonunun Dondarlı kənd orta məktəbində idman müəllimi işləyib. O, iki il Saransk Dövlət Universitetində, daha sonra doğma kəndində pedaqoji fəaliyyətini davam etdirib. Qarabağ müharibəsində iştirak edən Əliyar Əliyevin qəhrəmanlığı dillər əzbəridir. O, ölümündən sonra Azərbaycan Respublikası Prezidentinin fərmanı ilə Azərbaycanın Milli Qəhrəmanı adına layiq görülüb. Qeyd edək ki, “Qarabağın məşhur müəllimləri” layihəsi çərçivəsində Qarabağda doğulan və vaxtilə pedaqoji fəaliyyətlə məşğul olan tanınmış şəxslər barədə məlumatlar təqdim olunur. Layihənin məqsədi müzəffər Azərbaycan Ordusunun qələbə xəbərlərinə sevindiyimiz bu günlərdə Qarabağın məşhur müəllimlərini yad etməkdir.

    Ətraflı   12:24     27-Oct-2020     287
  • alternative title

    Müdafiə Nazirliyi daha bir erməni yalanını ifşa etdi: “Ağbənd atəşə tutulub”

    “Ermənistanın bu gün guya Azərbaycana məxsus PUA və raket-artilleriya vasitələrindən istifadə etməklə Ermənistan ərazisinin atəşə tutulması barədə yaydığı məlumat yalandır və təxribat xarakteri daşıyır”. Bu barədə Azərbaycanın Müdafiə Nazirliyi məlumat yayıb: “Bildiririk ki, Azərbaycan yeni humanitar atəşkəs rejiminə tam riayət edir. Əksinə, oktyabrın 27-də saat 09:30-dan başlayaraq indiyədək Ermənistan tərəfi Zəngilan rayonunun Ağbənd kəndi istiqamətində ərazilərimizi minaatanlardan intensiv atəşə tutur”.

    Ətraflı   12:11     27-Oct-2020     1294
  • alternative title

    AZPROMO beynəlxalq təşkilatlara Ermənistanın Azərbaycana qarşı işğalçılıq siyasəti ilə bağlı bəyanat ünvanlayıb

    Azərbaycanda İxracın və İnvestisiyaların Təşviqi Fondu (AZPROMO) əməkdaşlıq etdiyi beynəlxalq qurum və təşkilatlara Ermənistanın Azərbaycana qarşı işğalçılıq siyasəti ilə bağlı bəyanat ünvanlayıb. AZPROMO-dan bildirilib ki, bəyanatda Ermənistanın ölkəmizə qarşı təcavüzkar siyasəti nəticəsində Azərbaycanın Dağlıq Qarabağ və ətraf bölgələrinin işğal olunması və bu ilin sentyabrın 27-dən işğalçı ölkənin Azərbaycana qarşı növbəti təxribatlara başlaması, Ermənistan silahlı birləşmələrinin müxtəlif növ silahlardan istifadə edərək mülki əhalini və obyektləri atəşə tutması, uşaqlar da daxil olmaqla mülki şəxslərin həlak olması və yaralanması əksini tapıb. Bu, döyüş meydanında mübarizə apara bilməyən erməni terrorizminin insanlığa, bəşəriyyətə qarşı cinayətidir. Bəyanatda, həmçinin qeyd edilib ki, bu gün Müzəffər Azərbaycan Ordusu tarix yazır, torpaqlarımızı erməni silahlı birləşmələrindən və terrorçularından azad edir. Biz öz doğma və tarixi torpaqlarımızda vuruşuruq və Vətənimizin ərazi bütövlüyü uğrunda mübarizə aparırıq! Qarabağ Azərbaycandır!

    Ətraflı   12:02     27-Oct-2020     406
  • alternative title

    Türkiyənin Beyrutdakı səfirliyi qarşısında erməni vəhşiliyi: Türkiyə və İsrail bayraqlarını yandırdılar

    Türkiyənin Livanın Beyrut şəhərindəki səfirliyi qarşısında toplaşan “Daşnaksütyun” partiyasının üzvü olan bir qrup erməni təhlükəsizlik qüvvələrinə hücum ediblər. “Anadolu” agentliyi xəbər verir ki, onlar işğal etdikləri əraziləri qaytarmaq uğrunda mübarizədə Azərbaycanı dəstəkləyən Türkiyəyə etirazlarını bildiriblər. Səfirliyin ətrafında intensiv tədbirlər görən Livan təhlükəsizlik qüvvələri Ermənistan bayraqları daşıyan qrupun səfirliyə girməsinə icazə verməyiblər. Bundan sonra ermənilər Livan təhlükəsizlik qüvvələrinə daş və hava fişəngləri atıblar. Daşnaklar Türkiyə və Azərbaycana qarşı şüarlar səsləndirib, İsrail və Türkiyə bayrağını yandırıblar.

    Ətraflı   11:58     27-Oct-2020     1781
  • alternative title

    Ön cəbhədə döyüşən əsgərin xəyalını gərçəkləşdirən iş adamı onunla görüşdü

    Bir neçə gün əvvəl iş adamı, Çimərlik Futbolu Federasiyasının prezidenti Fərid Novruzinin Hadrutda gedən döyüşlərdə əsgərin “İkiqapılı “Mercedes” avtomobili mənim xəyalım olub” deyən əsgərimizə maşın alması ilə bağlı xəbər vermişdik. Fərid Novruzi özünün “Facebook” hesabında yazaraq bildirib ki, artıq həmin əsgəri tapıb: “Dostlar, qəhrəman qardaşım tapıldı. Allahın işinə baxın. Öncədən onu deyim, qardaşımızı Allah saxlayıb. Döyüşlərdə ayağından aldığı güllə yarası səbəbi ilə xəstəxanaya yerləşdirilmişdi, lakin yarası tam sağalmadan yenə də cəbhəyə qayıtdı. Ordu rəhbərliyi halını müəyyən edib, onu tam müalicəsini bitirməsi üçün evinə məzuniyyətə yolladı. Və dünən... Dünən səhər, “Facebook Messenger”imə bir izləyicim əsgər qardaşımızı təsadüfən bir neçə gün öncə hospitalda gördüyünü yazdı və onun əlaqə vasitələrini göndərdi. Əlavə etdi ki, qardaş təkrar cəbhəyə yollanıb. Bir tərəfdən üzüldüm onu görmədiyimə, digər tərəfdən, belə igidlə qürur duydum. Qərara aldım ki, qardaşa yenə də zəng edib, onunla telefon vasitəsilə tanış olum və hədiyyəsi barəsində xəbər verim. Və nə olsa, yaxşıdır? Qardaş dedi ki, şəhərə gəlir, axşam görüşə bilərik. İnanın, elə xoşbəxt idim, elə sevinirdim ki... Dünən axşam bir araya gəldik. Qardaşın üzünü məlum səbəblərdən göstərə bilmirəm, amma Hadrut hekayəsini danışanda, maşını necə gördüyünü (bu arada, ürəyindəki sözləri ifadə edərkən çəkiliş edildiyini bilmirdi), nə hisslər keçirdiyini, hamısını mənimlə bölüşdü. Bir şey danışdı, bunu paylaşmaya bilmərəm. Döyüş vaxtı ayağından güllə yarası alanda digər döyüş yoldaşı daha da ağır yaralanıb. Özü yaralı ola-ola yoldaşını təhlükəsiz yerə qədər aparıb. Yoldaşına yaralı olduğunu bildirməyib. Yolda yoldaşı deyir ki, bizi burdan sağlam çıxar və özünü qoru, zarafatla da əlavə edib ki, unutma, səni ikiqapılı maşın gözləyir. Nə deyim. Vallah, belə oğullarımız olduqca bu dövlətə heç bir zərər gəlməz, heç bir düşmən önümüzdə dayana bilməz. Allah igidlərimizi qorusun! Allah ordumuzu müzəffər etsin!”

    Ətraflı   11:48     27-Oct-2020     311
  • alternative title

    Əliyar Əliyevin qızı: “Bərxudarovun “Tikanlı zəmi”yə qələbə bayrağı sancmasını ondan çox gözləyirik” - VİDEO

    Milli Qəhrəman, Qubadlının ən cəsur övladlarından biri Əliyar Əliyevin ailə üzvlərinin sevinci ikiqat artıqdır. Əliyar Əliyevin həyat yoldaşı Pəri Hüseynova bildirir ki, o torpaqların azad edilməsi ilə Milli Qəhrəmanın qəbrinin üstünə tez-tez gedib gələ biləcək: “Ən böyük arzumdur ki, onun qəbri orada qalsın, dağıtmasınlar. Gedib görə bilim”. Əliyar Əliyev qızı Pərvanə Əliyeva isə qeyd edir ki, ilk işi atasının qəbrini ziyarət etmək olacaq: “Bilmirəm, qəbri qalıb-qalmayıb. Bizim müqəddəs bildiklərimizi onların qoruyub-saxlayacaqlarına inanmıram. Amma ən azından biz onu orada buraxmışıq. Onun kimi generallarımız, hərbçilərimiz var. Mais Bərxudarov onun yolunu gedir. Allah can sağlığı versin. Bir çıxışında qeyd edib ki, atamın şəhid olduğu “Tikanlı zəmi”yə qələbə bayrağını sancacaq. Biz onu ondan çox gözləyirik”.

    Ətraflı   11:46     27-Oct-2020     343

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 12:40     27-Oct-2020     1306
  • alternative title 11:25     27-Oct-2020     1196
  • alternative title 11:05     27-Oct-2020     352
  • alternative title 10:32     27-Oct-2020     371
  • alternative title 11:23     26-Oct-2020     503
image title here

Some title