Loading alternative title

Covid-19

  • alternative title

    Xorvatiyada koronavirusla mübarizə davam edir

    Xorvatiyada koronavirusa yoluxanların sayı 10 min 725 nəfərə çatıb. Xorvatiya Səhiyyə Nazirliyi xəbər verir ki, son 24 saat ərzində 311 yeni yoluxma hadisəsi baş verib. Koronavirusdan ölənlərin sayı 191 nəfərdir, 7 min 968 nəfər sağalıb. Qeyd edək ki, Xorvatiya hökuməti virusun artmasının qarşısını almaq üçün, vətəndaşları həmrəy olub, sanitar normalara riayət etməyə çağırır.

    Ətraflı   17:30     27-Oct-2020     354
  • alternative title

    Nepalda COVID-19-a yoluxanların sayı 160 mini ötüb

    Nepalda sutka ərzində COVID-19 virusuna 570 yoluxma qeydə alınıb. Bununla da ölkədə yeni növ koronavirusa yoluxanların ümumi sayı 160 mini ötüb. QALANEWS pandemiyanın statistikasını aparan “Worldometers” saytına istinadla xəbər verir ki, Nepalda ötən sutka ərzində virus səbəbindən 14 nəfər həyatını itirib. Beləliklə, ölkədə pandemiya qurbanlarının sayı 876-ya çatıb. Hazırda Nepalda 40 mindən çox aktiv xəstə var. Qeyd edək ki, Nepalda pandemiyanın ilk vaxtlarında çox az sayda yoluxmalar olurdu. Amma iyulun son günlərindən başlayaraq yoluxma sayında davamlı artım müşahidə edilir. Əhalinin sıx yaşadığı ərazilərdə, o cümlədən paytaxt Katmanduda, Pokhara şəhərində və ölkənin cənubundakı yaşayış məntəqələrində yoluxma sayı sürətlə artır. Gündəlik ən çox yoluxma isə (5743) oktyabrın 21-də qeyd alınıb.

    Ətraflı   17:20     27-Oct-2020     364
  • alternative title

    Rumıniya koronavirusa yoluxmaların sayına görə yeni antirekorda imza atır

    Rumıniyada koronavirusa yoluxanların sayı 217 min 216 nəfərə çatıb. Rumıniya Səhiyyə Nazirliyi xəbər verir ki, son 24 saat ərzində 4724 yeni yoluxma hadisəsi baş verib. Koronavirusdan ölənlərin sayı 6574 nəfərdir, 155 min 630 nəfər sağalıb. Qeyd edək ki, Rumıniya hökuməti pandemiya ilə əlaqədar vətəndaşları diqqətli olmağa, sanitar normalara riayət etməyə çağırır.

    Ətraflı   17:12     27-Oct-2020     1102
  • alternative title

    ÜST-dən koronavirusun “ocağı” olan Avropaya XƏBƏRDARLIQ

    “Avropa hökumətləri koronavirusla mübarizədə çox geridə qaldı, qitə xəstəlik yuvasına çevrilir”. “Raidio Teilifıs Eireann” xəbər verir ki, bunu Ümumdünya Səhiyyə Təşkilatının (ÜST) səhiyyə üzrə fövqəladə vəziyyət proqramının rəhbəri Mayk Rayan deyib. Beynəlxalq təşkilatın nümayəndəsi bildirib ki, Avropa virusu məğlub etmək istəyirsə, daha əhatəli tədbirlər görməlidir. O, hökumətləri karantin məhdudiyyətlərinin təmin etdiyi fürsətləri dəyərləndirməyə və qaydalara riayət edən vətəndaşları dəstəkləməyə çağırıb.

    Ətraflı   17:08     27-Oct-2020     358
  • alternative title

    Rumıniyada koronavirusa yoluxanların sayı artmaqda davam edir

    Rumıniyada koronavirusa yoluxanların sayı 212 min 492 nəfərə çatıb. Rumıniyanın Səhiyyə Nazirliyi xəbər verir ki, son sutka ərzində 2844 yeni yoluxma hadisəsi baş verib. Koronavirusdan ölənlərin sayı 6470 nəfərdir, 151 min 811 nəfər sağalıb. Qeyd edək ki, Rumıniya hökuməti pandemiya ilə əlaqədar vətəndaşları diqqətli olmağa, sanitar normalara riayət etməyə çağırır.

    Ətraflı   16:46     27-Oct-2020     321
  • alternative title

    İtaliyada koronavirusla əlaqədar yeni məhdudiyyətlər qastronomiya sahəsinə ciddi ziyan vurur

    İtaliyada hökumətin koronavirusa qarşı mübarizə çərçivəsində yeni məhdudlaşdırıcı qaydaları böyük etiraza səbəb olub. Yeni məhdudiyyətlər arasında qastronomiya obyektlərinin saat 18.00-dək fəaliyyəti nəzərdə tutulur. Bu isə həmin sektorda əksəriyyətinin ailə biznesi əsasında qurulduğu ictimai-iaşə obyektlərinin iflası ilə nəticələnə bilər. Ölkədəki irili-xırdalı əksər qastronomiya obyektləri tərəfindən etirazla qarşılanan bu qayda hökumətin əhaliyə qarşı cəza tədbiri kimi qiymətləndirilib. Eyni zamanda bir masa arxasında maksimum dörd nəfərin əyləşməsinə icazə verildiyi bu qayda adətən gec saatlarda restoranlara getməyi və dost-tanışlarla masa arxasında əyləşməyi sevən italyanlar tərəfindən xoş qarşılanmayıb. İtaliya Qastronomlar Birliyi isə öz açıqlamasında gigiyena qaydalarına ciddi əməl olunan kafe və restoranların fərdi mənzil və yığıncaqlarla müqayisədə daha təhlükəsiz olduğunu, hökumətin pandemiyaya qarşı mübarizədə yanlış qərarlar qəbul etdiyini bəyan edib. Qeyd edib ki, yeni məhdudiyyətlər onsuz da ağır iqtisadi vəziyyətdə olan qastronomiya obyektlərinin gündəlik dövriyyəsini əlavə 70 faiz aşağı salacaq. Bu isə ölkə üzrə bu sektorda çalışan iki milyon insanın tezliklə iş yerini itirəcəyi ilə nəticələnə bilər. Qeyd edilməlidir ki, İtaliyada qastronomiya obyektləri illik orta hesabla 84 milyard avro dövriyyəyə malikdirlər. Bu ilə bu sektorun dövriyyəsi indiyədək 34 milyard aşağı düşüb. Yaranmış böhranla əlaqədar italyanlar ötən illə müqayisədə kafe və restoranlar üçün xərclərini 40 faiz azaldıblar. Bu isə artıq dekabr ayından bu sektordakı müəssisələrin iflası və işsizlərin sayının artması ilə nəticələnə bilər.

    Ətraflı   16:44     27-Oct-2020     328
  • alternative title

    İstanbulun yeddi rayonunda COVID-19 xəstələrinin sayı artıb

    Təəssüf ki, bu istiqamətdə uzun müddət göstərdiyimiz uğurları davam etdirə bilmədik. Hazırkı vəziyyət bizdən daha çox intizamlı olmağı tələb edir. İstanbuldakı xəstə sayı Türkiyədə ümumi yoluxanların 40 faizini təşkil edir. Bu, ölkədəki ümumi vəziyyətlə bağlı ən az iki dəfə daha artıq narahatlıq yaradır. Risk mövsüm şərtləri səbəbindən gedərək artacaq. Bu fikirləri Türkiyənin Səhiyyə naziri Fahrettin Koca İstanbul Valiliyində şəhərdəki COVID-19-la bağlı son vəziyyətlə əlaqədar keçirilən toplantının ardından açıqlamalarında bildirib. İstanbulun dünyanın ən sıx şəhərləri arasında 14-cü yerdə olduğunu deyən nazir bunun virusun yayılması baxımından problem yaratdığını bildirib. Qeyd edilib ki, artım nisbəti İstanbulun 11 rayonunda 50-60, 10 rayonunda 60-70, yeddi rayonunda isə 70-80 faizdir. Bunun ən əsas səbəbləri isə tədbirlərin yumşalması və əhalinin tətillərdən şəhərə qayıtmasıdır. Bu səbəbdən ictimai nəqliyyatda, iş saatlarında tənzimləmələr, bəzi sahələr üzrə distant iş qrafikinə keçid nəzərdə tutulur.

    Ətraflı   16:42     27-Oct-2020     1370
  • alternative title

    Slovakiyada əhalinin tam əksəriyyəti koronavirusa qarşı test ediləcək

    Qarşıdan gələn iki həftəsonunda Slovakiya hökuməti demək olar ki, ölkənin bütün əhalisini koronavirusa qarşı testdən keçiriləcəyini elan edib. QALANEWS xəbər verir ki, Slovakiyanın Baş Naziri İqor Matoviç bu barədə məlumat verərək deyib: “Ötən həftəsonu test mərhələsi uğurla başa çatdıqdan sonra ölkənin Milli Böhran Qərargahı bununla bağlı planı artıq təsdiqləyib. Oktyabrın 22-dən 24-dək ölkənin Polşa ilə həmsərhəd olan və yoluxmanın geniş yayıldığı dörd rayonunda əhali testdən keçirilib”. Növbəti mərhələdə isə ümumilikdə dörd gün ərzində, yəni iki həftənin şənbə və bazar günləri ölkədə yaşı 10-dan yuxarı əhalidə sürətli antigen testləri aparılacaqdır. Testlərin şənbə və bazar günlərinə təyin edilməsi mümkün qədər çox tibbi heyət və könüllüləri bu prosesə cəlb etməyə hesablanıb. Qeyd edilməlidir ki, bu testlərdə 5,5 milyon nəfər əhalinin təxminən 5 milyonu iştirak etməlidir. Baş Nazirin sözlərinə görə, yoluxma ocaqlarını aşkarlamaq və pandemiyaya qarşı mübarizəni daha yaxşı təşkil etməyə xidmət edən bu kütləvi test prosesi bütün Avropa üçün örnək olacaqdır.

    Ətraflı   16:15     27-Oct-2020     286
  • alternative title

    Ukraynada koronavirusun yayılması geniş vüsət alıb

    Ukraynada koronavirusa yoluxanların sayı 355 mini ötüb. Ukrayna Səhiyyə Nazirliyi xəbər verir ki, ötən gün ölkədə 6677 nəfər koronavirusa yoluxub. Bununla da pandemiya dövründə Ukraynada koronavirusa yoluxanların sayı 355 min 601-ə çatıb, 145 min 336 nəfər müalicəsini başa vurub. Ən çox yoluxma halları Kiyev, Odessa, Dnepropetrovsk və Xarkov vilayətlərində qeydə alınıb. Ötən gün ölkədə 126 nəfər koronavirusdan həyatını itirib. Bununla da bu infeksiyadan ölənlərin ümumi sayı 6590 nəfərə çatıb. Qeyd edək ki, Ukraynada koronavirusla bağlı vəziyyət pisləşdiyindən karantin müddəti dekabrın 31-dək uzadılıb və karantin şərtləri sərtləşdirilib.

    Ətraflı   16:02     27-Oct-2020     254
  • alternative title

    Rusiyada koronavirusun yayılmasına qarşı mübarizə tədbirləri sərtləşdirilib

    Rusiyada koronavirusun yayılmasına qarşı mübarizə tədbirləri sərtləşdirilib. Rusiya İstehlakçıların Hüquqlarının Müdafiəsi və Əhalinin Rifahı Federal Agentliyi əhaliyə insanların sıx toplaşdığı yerlərdə, nəqliyyatda, dayanacaqlarda və liflərdə maska taxmağı tövsiyə edib. Bundan əlavə, kütləvi tədbirlər və kafelərinin 23:00-dan 06:00-dək fəaliyyəti qadağan edilib. Nəqliyyatda, mağazalarda, restoran və teatrlarda dezinfeksiya işlərinin gücləndirilməsi nəzərdə tutulub. Xatırladaq ki, Rusiya koronavirusun ən çox yayıldığı ölkələr siyahısında 4-cü yeri tutur.

    Ətraflı   15:59     27-Oct-2020     355
  • alternative title

    Gürcüstanda koronavirusdan ölənlərin sayı artıb

    Gürcüstanda son sutka ərzində koronavirusa 1 824 yeni yoluxma halı qeydə alınıb, 1 262 nəfər sağalıb, 23 pasiyent isə həyatını itirib. QALANEWS xəbər verir ki, bu barədə Gürcüstan hökumətinin xüsusi rəsmi stopgov.ge saytında məlumat yerləşdirilib. Bildirilib ki, bununla da ölkədə indiyədək COVID-19 aşkarlananların sayı 32 min 127-yə çatıb. Sağalanların sayı 12 632, ölənlərin sayı isə 238 olub. Hazırda karantində 3 757, stasionar nəzarətdə 3 847 nəfər saxlanılır. Xəstəliyi simptomsuz keçirən 2 249 nəfər isə xüsusi otellərdə müalicə alır.

    Ətraflı   15:58     27-Oct-2020     1478
  • alternative title

    Azərbaycanda 42 obyektin koronavirusla bağlı qaydalara əməl etmədiyi aşkarlanıb

    Azərbaycan Respublikasının Qida Təhlükəsizliyi Agentliyi Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə 697 ictimai iaşə obyektində 1281 monitorinq keçirib. Agentlikdən verilən məlumata görə, Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəki, Quba, Lənkəran, Şəmkir, Cəlilabad, Sabirabad) üzrə 697 ictimai iaşə obyektində monitorinq aparılıb. Reyd keçirilən 42 ictimai iaşə müəssisəsində Azərbaycan Respublikasının Nazirlər Kabinetinin qərarı ilə təsdiq edilmiş qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Aparılan reydlər zamanı sahibkarlıq subyektlərində, əsasən, işçi heyətin və müştərilərin tibbi maskadan istifadəsinə nəzarət edilməməsi, həmçinin, pandemiya dövründə ictimai iaşə müəssisələrinin qida qəbulu zallarında müştəri qəbulu zamanı adambaşına müəyyən edilən sıxlıq normalarına riayət olunmaması ilə bağlı nöqsanlar aşkarlanıb: “Nazirlər Kabinetinin müvafiq qərarına əsasən, qida qəbulu zallarında oturacaqların ara məsafəsi eyni masa arxasında 1 metrdən, masalararası məsafə isə 2 metrdən az olmamalıdır. Koronavirus (COVID-19) pandemiyası dövründə ictimai iaşə müəssisələrində müştəri qəbulu qüvvədə olan norma və qaydalardan iki dəfə az olmalı və müvafiq olaraq, adambaşına müəyyən edilən sahə ikiqat artırılmalıdır”.

    Ətraflı   15:53     27-Oct-2020     1309
  • alternative title

    Ermənistanda koronavirusdan ölənlərin sayı kəskin artıb

    Ermənistanda koronavirusa yoluxanların və bu virusdan ölənlərin sayı kəskin artıb. Son sutka ərzində Ermənistanda daha 1600 nəfərdə koronavirus təsdiqlənib. Bu barədə Ermənistan Səhiyyə Nazirliyinin Xəstəliklərə Nəzarət və Onların Profilaktikası Milli Mərkəzi məlumat yayıb. Bildirilib ki, bununla da Ermənistanda virusa yoluxanların sayı 80 min 410-a yüksəlib. Qeyd olunub ki, ölkədə pandemiya qurbanlarının sayı da kəskin artıb. Son 24 saat ərzində ölkədə daha 24 nəfər koronavirusdan ölüb. Pandemiya qurbanlarının sayı bununla da 1 222-yə çatıb. Hazırda Ermənistanda 26 min 452 aktiv koronavirus xəstəsinin olduğu bildirilir. Xatırladaq ki, əhalinin hər yüz min nəfərinə düşən yoluxma hallarının sayına görə, Ermənistan MDB məkanında birinci yerdədir.

    Ətraflı   15:45     27-Oct-2020     323
  • alternative title

    Qırğızıstanda koronavirusa yoluxanların sayı 57 minə çatıb

    Qırğızıstanda COVID-19 koronavirusuna yoluxanların sayı yenidən kəskin surətdə artıb. Dünən yoluxma sayı 420 nəfər olmuşdursa, bu gün bu rəqəm 568-ə çatıb və pandemiya dövründə koronaviruslu xəstələrin ümumi sayı 56 min 738 nəfərə çatıb. Qırğızıstan Səhiyyə Nazirliyi xəbər verir ki, son sutkada 380, ümumiyyətlə isə 48 min 223 xəstə sağalıb. Son gündə koronavirusdan 2 nəfər dünyasını dəyişib və ölənlərin sayı 1136-ya çatıb. Qeyd olunur ki, xəstəxanalarda 3 min 398, ev şəraitində 3 min 454 xəstə var. Son 24 saat ərzində 9, infeksiya dövründə isə 3 min 597 tibb işçisi virusa yoluxub, onların 3 min 290-ı sağalıb.

    Ətraflı   15:30     27-Oct-2020     1339
  • alternative title

    Azərbaycanda daha doqquz nəfər koronavirusdan öldü: 663 yeni yoluxma - FOTO

    Azərbaycanda koronavirusa (COVID-19) 663 yeni yoluxma faktı qeydə alınıb, 283 nəfər müalicə olunaraq sağalıb və evə buraxılıb. Nazirlər Kabineti yanında operativ qərargahdan verilən məlumata görə, doqquz nəfər COVID-19-dan vəfat edib. Aktiv xəstə sayı 8768 nəfərdir. Ölkədə son sutka ərzində 9700, hazırkı dövrədək isə 1308048 test aparılıb. Ümumi ölənlərin sayı 688 nəfərdir. Ümumi yoluxanların sayı 51149 nəfər, ümumi sağalanların sayı 41693 nəfərdir.

    Ətraflı   15:04     27-Oct-2020     1372
  • alternative title

    Məşhur rusiyalı müğənni Zemfirada koronavirus aşkarlanıb

    Məşhur rusiyalı müğənni Zemfiraa koronavirusa yoluxub. Bu barədə “Mash” “Telegram” kanalı xəbər yayıb. Məlumata görə, 44 yaşlı ifaçı müstəqil şəkildə həkimlərə müraciət edib və COVID-19 testi verib. Həkimlər ona testin müsbət cavabı barədə məlumat veriblər. Hazırda Zemfira ev şəraitində karantindədir, həkimlərin tövsiyələri əsasında müalicə alır.

    Ətraflı   14:13     27-Oct-2020     897
  • alternative title

    “Milan”ın aparıcı oyunçuları koronavirusa yoluxdu

    İtaliyanın “Milan” futbol klubunun iki aparıcı oyunçusu – Canluici Donnarumma və norveçli hücumçu Yens Haugen koronavirusa yoluxub. Bu barədə “Milan” futbol klubunun rəsmi saytı məlumat yayıb. Qeyd olunur ki, daha üç heyət üzvünün COVID-19 testinin nəticələri müsbət çıxsa da, onların adları açıqlanmayıb. Hələlik idmançıların heç birində virusun simptomları özünü büruzə verməyib. “Milan”ın digər futbolçularının analizlərinin nəticələri isə mənfi çıxıb.

    Ətraflı   11:11     27-Oct-2020     1222
  • alternative title

    Koronavirus pandemiyasına qarşı maskaların real faydaları qiymətləndirildi

    Tibbi maskaların geniş istifadəsi önümüzdəki aylarda təkcə ABŞ-da təxminən 130 min insanın həyatını xilas edəcək. “Nature Medicine” nəşrinin məlumatına görə, Səhiyyə Göstəriciləri və Qiymətləndirmə İnstitutunun (IHME) alimləri araşdırmalardan sonra belə qənaətlə çıxış ediblər. Tədqiqatçıların fikrincə, maska rejiminə riayət etmə nisbəti 85 faiz olsa, real xilas edilənlərin sayı 95 mini keçəcək. Beləliklə, maskalar SARS-CoV-2 kimi respirator virusların ötürülməsini əhəmiyyətli dərəcədə azalda və bununla da COVID-19-un yayılmasını məhdudlaşdıra bilər. Peyvənd olmadığı təqdirdə maska rejiminə riayət etmə, sosial məsafə saxlama, özünü təcrid etmə kimi dərmansız tədbirlər pandemiyanın qarşısını almaq üçün mövcud olan ən təsirli vasitələrdir.

    Ətraflı   10:46     27-Oct-2020     1428
  • alternative title

    Kiyev “Dinamo”sunun iki futbolçusu koronavirusa yoluxub

    Kiyevin “Dinamo” klubunun iki futbolçusu koronavirusa yoluxub. Bu barədə “İnterfaks” məlumat yayıb. Klubdan verilən açıqlamada futbolçularla yanaşı, həmçinin fiziki hazırlıq üzrə məşqçisinin də COVID-19 testinin müsbət nəticə verdiyi qeyd olunub.

    Ətraflı   10:45     27-Oct-2020     275
  • alternative title

    Koronavirusa yoluxduqdan sonra qoxubilmə qabiliyyətinin bərpası üçün həkim tövsiyəsi

    Koronavirusa yoluxmadan sonra itirilən qoxubilmə qabiliyyətinin bərpası üçün burundakı sinir uclarına hava girişini bərpa etmək lazımdır. RBK-nın məlumatına görə, bu barədə rusiyalı həkim-otolarinqoloq Abdullo Xocayev bildirib. O, bunun üçün mütəxəssis damar daraldıcı (vazokonstriktor) vasitələrdən, damcılardan istifadəni tövsiyə edib. “Bundan başqa burun boşluğunu mütəmadi olaraq yaxalamalısınız, bunun üçün dəniz duzu ilə məhlul hazırlaya bilərsiniz. Həmçinin otaqda havanın rütubəti təmin edilməlidir”, - deyə o əlavə edib. Xocayev sinir hüceyrələrini bərpa etmək üçün həmçinin “B” qrupu vitaminlər və polivitaminlərin qəbul edilməsinin lazım olduğunu da vurğulayıb. “Bundan əlavə, düzgün qidalanmalı, bol su içilməli, nikotin və alkoqoldan imtina edilməlidir”, - həkim-otolarinqoloq sözlərini yekunlaşdırıb.

    Ətraflı   10:45     27-Oct-2020     287

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 12:40     27-Oct-2020     1306
  • alternative title 11:25     27-Oct-2020     1196
  • alternative title 11:05     27-Oct-2020     352
  • alternative title 10:32     27-Oct-2020     371
  • alternative title 11:23     26-Oct-2020     503
image title here

Some title