Loading alternative title

ŞOU-BİZNES

  • alternative title

    Eldar Qasımov Şuşaya həsr olunmuş mahnısını təqdim etdi - VİDEO

    Azərbaycana Avroviziya qalibiyyəti bəxş edən müğənni Eldar Qasımov Şuşaya həsr olunmuş yeni mahnısını təqdim edib. Rus dilində olan mahnı “Mən Şuşada oyanmaq istəyirəm” adlanır və vətənpərvərlik mövzusundadır. Mahnının bəstəkarı Vaqif Yaqubov, söz müəllifi Leyla Nəsibli, aranjemançısı isə Osman Həmidovdur.

    Ətraflı   09:58     27-Oct-2020     487
  • alternative title

    Ajda Pekkan: “Azərbaycanlı qardaşlarımıza sevgi və ehtiramımı göndərirəm”

    Türkiyəli məşhur müğənni Ajda Pekkan da erməni terrorunu pisləyənlər və Azərbaycana dəstək verənlər sırasına qoşulub. O, özünün “İnstagram” hesabında yazıb: “Azərbaycanlı qardaşlarımın gecə yatdıqları zaman üzərilərinə bomba atılmasını şiddətlə qınayıram. Torpaqlarını geri almaq üçün canını fəda etməyə hazır olan əsgərlərimizə və ən başda hörmətli İlham Əliyevə uğurlar arzulayıram. Türkiyə olaraq daim yanlarında olduğumuzu bilmələrini istəyir və buradan azərbaycanlı qardaşlarımıza sevgi və ehtiramımı göndərirəm. Tanrıdan dünyamıza sülh və əminamanlıq arzulayıram”.

    Ətraflı   17:44     24-Oct-2020     530
  • alternative title

    Sami Yusufdan Müstəqillik Günü ilə bağlı təbrik paylaşımı - FOTO

    Dünyaca məşhur müğənni Sami Yusuf Azərbaycan xalqını Müstəqillik Günü münasibətilə təbrik edib. Cənubi Azərbaycandan olan sənətçi 766 min izləyicisi olan “Twitter” səhifəsində ölkəmizlə bağlı paylaşımlar edib. Sami Yusuf bildirib ki, düşüncələri və duaları Azərbaycanladır.

    Ətraflı   12:21     19-Oct-2020     1031
  • alternative title

    Tarkan ermənilərin Gəncəyə xain hücumunu qınadı: “Qəlbim Azərbaycan xalqı ilədir”

    Türkiyənin dünya şöhrətli müğənnisi, meqastar Tarkan “Instagram” hesabında ermənilərin Gəncəyə xain hücumunu pisləyən paylaşım edib. “Dualarım qardaş ölkə Azərbaycanladır. Xain hücumlarda həyatını itirənlərə allahdan rəhmət, ailə və yaxınlarına başsağlığı, yaralılara şəfa diləyirəm. Çox kədərliyəm. Qəlbim Azərbaycan xalqı ilədir”, - ulduz müğənni qeyd edib.

    Ətraflı   11:20     19-Oct-2020     567
  • alternative title

    İlin ən yaxşı musiqiçisi elan edilib

    ABŞ-lı müğənni və rep ifaçısı Post Malone (əsl adı - Ostin Riçard Post) “Billboard Music Awards”a görə “İlin ən yaxşı musiqiçisi” seçilib. Lenta.ru-nun məlumatına görə, laureatların tam siyahısı nəşrin saytında dərc edilib. 25 yaşlı Post Malone “İlin Musiqiçisi”, “Ən Yaxşı Kişi Musiqiçi”, “Billboard 200 çartında ən yaxşı musiqiçi”, “Hot 100 çartında ən yaxşı musiqiçi”, “Striminq xidmətində ən populyar artist”,“ Ən yaxşı rep ifaçısı” kateqoriyalarında da qalib gəlib. Billi Ayliş isə “İlin ən yaxşı qadın musiqiçisi” olub. O, həmçinin “Ən yaxşı yeni ifaçı” nominasiyasında da qalib olub.

    Ətraflı   10:40     16-Oct-2020     721
  • alternative title

    Məşhur ifaçı iki yaşlı qızına 8 min dollarlıq kreslo aldı - FOTO

    “Offset” ləqəbi ilə tanınan hip-hop ifaçısı Kiari Kendrell Sifus qızı üçün aldığı səkkiz min dollarlıq hədiyyəni nümayiş edib. Söhbət “Rolls-Royce” maşın istehsalçılarının hazırladığı xüsusi kreslodan gedir. “Daily Mail”in məlumatına görə, ifaçı bununla bağlı fotonu özünün “Instagram” hesabından paylaşıb. Qeyd edək ki, “Offset” – “Migos” hip-hop qrupunun üzvüdür. Onun keçmiş arvadı Kardi Bi isə “WAP”, “Money” və “I Like It” hitləri ilə məşhurdur.

    Ətraflı   11:11     15-Oct-2020     1072
  • alternative title

    Türkiyəli repçi Azərbaycana dəstək oldu: “Vur, hadi, Azərbaycan” - VİDEO

    Türkiyəli repçi Ediz Alfa Azərbaycan ordusuna dəstək verib. O, “Vur, hadi, Azərbaycan” adlı rep yazaraq ona videoçarx da hazırlayıb. Həmin videonu təqdim edirik:

    Ətraflı   11:28     14-Oct-2020     1382
  • alternative title

    Bir il əvvəl itkin düşən məşhur model küçədə yaddaşını itirmiş halda tapıldı – FOTO

    Bir il əvvəl itkin düşən tanınmış model Eloiza Pinto Fontes, Rio-de-Janeyro gecəqondularında sərgərdan və yaddaşını itirmiş halda tapılıb. “Daily Mail”in məlumatına görə, o, bura necə gəldiyini izah edə bilməyib. Onun üzərindəki çantada sənədləri, o cümlədən beynəlxalq model agentlikləri ilə müqavilələri və əməkdaşlıq etdiyi fotoqrafların məlumatları olub. Vaxtı ilə şəkilləri “Elle”, “Grazia”, “Glamour” kimi məşhur jurnalların üz qabığında çıxan tanınmış braziliyalı model psixiatrik xəstəxanaya yerləşdirilib. Həkimlər ona kömək etməyə çalışırlar.

    Ətraflı   11:43     12-Oct-2020     793
  • alternative title

    Rusiyada yaşayan azərbaycanlı məşhurlardan dəstək - FOTO

    Ermənistanın təcavüzkarlığını dünyaya çatdırmağa çalışanlar arasında əslən Azərbaycandan olan rusiyalı tanınmışlar da var. Müğənni Jony (Cahid Hüseynli) və bloqer Hüseyn Həsənov sosial media hesablarında düşmənin dinc əhaliyə hücumunu qınayan paylaşım ediblər. Onlar paylaşımlarını #PrayForGanja heşteqi ilə ediblər.

    Ətraflı   11:13     12-Oct-2020     715
  • alternative title

    Məşhur müğənni üçün ağır gün: Qızı üçün dua edilməsini istədi - FOTO

    Türkiyənin məşhur müğənnisi Sinan Özen sosial media hesabından sevənlərinə müraciət edərək, qızı Neva üçün dua edilməsini istəyib. İfaçının qızı qarşıdakı həftə yeddinci dəfə əməliyyat olunacaq. Bu brədə “Haber Global” məlumat yayıb. Bildirilib ki, Sinan Özen və həyat yoldaşı Burcu Kartalın fevral ayında əkiz uşaqları dünyaya gəlib. Ancaq oğluna Sanberk, qızlarına Neva adını verən cütlüyün sevinci qısa çəkib. Belə ki, az müddətdən sonra qızlarında bağırsaq problemləri ortaya çıxıb. Balaca dünyaya gələndən bəri artıq altı dəfə əməliyyat olunub. Yeddinci əməliyyat isə oktyabrın 17-nə təyin olunub. İfaçı bununla bağlı özünün “Instagram” hesabında paylaşım edib: “Güclü qızlar, güclü sabahlar deməkdir. “11 oktyabr Qız Uşaqları Günü”nüz mübarək olsun. Bu vəsilə ilə oktyabrın 17-də vacib əməliyyata girəcək qızım Neva üçün dualarınızı əksik etməməyinizi istəyirəm”.

    Ətraflı   10:42     12-Oct-2020     556
  • alternative title

    Mikrofonu silahla əvəz edir: Miri Yusif könüllü cəbhəyə yollanır

    Azərbaycan ərazilərinin erməni işğalından azad edilməsi uğrunda döyüşmək üçün cəbhəyə getmək istəyənlər arasında Xalq artisti Miri Yusif də var. “Bu günə qədər mənim silahım mikrofon idi. Onun həqiqi silaha çevriləcəyi gün uzaqda deyil”, - deyə sənətçi “Rossiya 24” telekanalına bildirib. Miri Yusif üzvü olduğu “Dəyirman” qrupu tərəfindən iyirmi il əvvəl yazılmış “Ya Qarabağ, Ya ölüm” mahnısını yeni ifada təqdim edib.

    Ətraflı   15:41     06-Oct-2020     1119
  • alternative title

    Elton Con Dağlıq Qarabağla bağlı paylaşımını sildi

    Dünyaca məşhur britaniyalı müğənni və bəstəkar Elton Con Dağlıq Qarabağdakı hərbi əməliyyatlarla bağlı sosial şəbəkə hesabındakı paylaşımını silib. O, paylaşımında ermənilərə dəstək verdiyi üçün tənqidlərlə üzləşib. Bundan sonra E.Con “Instagram” hesabındakı paylaşımını silmək məcburiyyətində qalıb. Qeyd edək ki, sentyabrın 27-dən Ermənistanın hərbi təxribatlarına cavab olaraq Azərbaycan Ordusu əks-hücum əməliyyatlarına başlayıb. Bu əməliyyatlardan qorxuya düşən düşmən ordusu Azərbaycanın mülki əhalisini hədəf seçib.

    Ətraflı   10:57     06-Oct-2020     905
  • alternative title

    Türkiyəli musiqiçi həyatını itirdi

    Türkiyəli musiqiçi Arif Akpınar vəfat edib. “CNNTürk” xəbər verir ki, 36 yaşlı Akpınar beyin xərçəngindən həyatını itirib. 2017-ci ildə “Kilit” mahnısı ilə məşhurlaşan sənətçinin sabah dəfn ediləcəyi qeyd olunur.

    Ətraflı   12:59     01-Oct-2020     1210
  • alternative title

    Hülya Avşar ada aldı - FOTO

    Türkiyəli məşhur aktrisa Hülya Avşar Ayvalık bölgəsində yerləşən Çiçək adasını alıb. Bu barədə “Haber Global” məlumat yayıb. Aktrisa ada üçün 55 milyon türk lirəsi (təxminən 12.2 milyon manat) ödəyib. H.Avşarın aldığı adada malikanə və tennis kortlarının, həmçinin, müxtəlif idman meydançalarının olacağı qeyd olunur. Aktrisa adanın memarlıq işlərini qızı Zəhra Çilingiroğluna əmanət edib.

    Ətraflı   18:12     26-Sep-2020     1584
  • alternative title

    Bakıdakı milyonluq villa məşhurları qarşı-qarşıya gətirdi

    Novxanıdakı cah-cəlallı, milyonlarla qiyməti olan bağın sahibi Bəxtiyar Dalinin müsahibəsi sosial şəbəkədə geniş müzakirələrə səbəb olub. Hadisəyə şou-biznesin məşhur siması olan müğənni Ayan Babakişiyeva da münasibət bildirib. O, müsahibə verən şəxsi yalançı fiqur adlandırıb, bağın əsl sahibinin isə gizləndiyini bildirib: “Mən bu adamda səmimilik görmədim. Bu bağ onun deyil. 100 faiz hansısa dövlət məmurunun bağıdır. Kimindirsə, sağlığına qismət. Bu adamı da fiqur kimi çıxardıblar ki, danış. Varlı, görmüş adam heç vaxt nə viskini, nə də qolunda, boğazında taxdıqlarını reklam etməz. Çünki varlı adam görmüş adamdır”. Ayanın bu fikirləri ilə razılaşanlar çox olsa da, əksini düşünənlər də tapılıb. Aktrisa Pərvin Abıyeva sözügedən məsələ ilə bağlı açıqlamasında həmin bağın illərdir Bəxtiyar müəllim tərəfindən tikildiyini bildirib. Hətta həmin bağda illər əvvəl serial çəkildiyini də əlavə edib: “Təxminən 21 yaşım olardı. İlk dəfə serial çəkilirdi. “Oğurlanmış arzular” adlanırdı. O vaxt Bəxtiyar Dali özü razılıq vermişdi serial çəkilişinə. Çox mehriban və sadə insandır. Hər çəkilişdən sonra bütün çəkiliş heyətinə qonaqlıq verirdi. Həftədə 2-3 dəfə çəkilişlər olurdu. Hər çəkilişdə də ev sahibi olan Bəxtiyar müəllim özü də bağda olurdu. Serialda əsas rolları Almaz Ələsgərli və Tural Əsədov canlandırırdı və serialda da ev sahibi kimi Almaz xanımla Tural idi”.

    Ətraflı   15:20     26-Sep-2020     1309
  • alternative title

    Super model əsl simasını göstərib pərəstişkarlarını təəccübləndirdi - FOTO

    Böyük bədən ölçülü avstraliyalı model selfi çəkərək otoimmun xəstəliyinin təsirlərini göstərib. Lenta.ru-nun məlumatına görə, kadrlar onun “Instagram” hesabında paylaşılıb. Fotoda 31 yaşlı Robin Loulmun üzünün hər yerində hematoma və gözündə qançır izləri görünür. “Qırmızı qurd eşənəyi” səbəbindən onun üzünün bu hala düşdüyü bildirilir. “Bəzən sosial mediya o qədər qorxulu görünür ki, çəkinirəm. Bəzən də insanların özlərini real göstərə bildiklərinə görə, hətta bu fotoda olduğu kimi narahat olsalar da, buranı sevirəm (əziyyət çəkən dostlarım, siz tək deyilsiniz)”, - deyə o, fotoya şərh yazıb. Modelin pərəstişkarları fotolardan təəccüblənsələr də, onun görünüşünə heyran qaldıqlarını bildirərək, “Hələ də dünyanın ən gözəl qadınısınız”, “Bu şəkilləri paylaşdığınıza sevindim”, “İnanılmaz güclü bir qadısınız!”, - kimi dəstək sözləri yazıblar. Qeyd edək ki, “qırmızı qurd eşənəyi” (lat. Lupus erythematosus) - autoimmun xəstəliklərdən biridir. Bu zaman insan immuniteti hiperaktiv olur və orqanizmin öz normal hüceyrə və toxumalarına hücum edir Model həmçinin qıcolmaya səbəb olan Antifosfolid sindromundan əziyyət çəkir.

    Ətraflı   11:48     26-Sep-2020     1070
  • alternative title

    Salma Hayekin təbii görünüşü pərəstişkarlarını heyran qoydu - FOTO

    Meksika əsilli amerikalı aktrisa Salma Hayek kosmetikasız şəklini paylaşıb. Lenta.ru-nun məlumatına görə, kadrlar onun “Instagram” hesabında yayımlanıb. Fotoda aktrisanın ağarmış saçları da görünür. “Müdrikliyin ağ birçəkləri”, - deyə o, paylaşımına şərh yazıb. Şəkillər paylaşıldıqdan az müddət sonra 400 mindən artıq bəyənmə toplayıb. Pərəstişkarları aktrisanın təbii görünüşünə heyranlıqlarını bildiriblər.

    Ətraflı   11:26     26-Sep-2020     1064
  • alternative title

    Sinan Akçıldan səmimi etiraf: “Şorgöz olmuşam”

    Türkiyəli müğənni və bəstəkar Sinan Akçıl Armağan Çağlayanın “YouTube”da yayımlanan verilişinə qonaq olub. “Haber Global” məlumat verir ki, səmimi açıqlamalar verən Akçıl son münasibətinə qədər şorgöz olduğunu deyib: “Son münasibətimə qədər şorgöz olmuşam. İlk dəfə həyatımda bir nəfər var”. Keçən ilin sentyabrında boşandığı Burcu Kıratlı ilə barışan sənətçi aralarında yaşananlara da aydınlıq gətirib: “Evləndik və boşandıq. İndi bir yerdəyik. Bizimki höcətlik olub”, - deyib. Qeyd edək ki, Akçıl daha əvvəl Hadisə, Otilla və Ebru Şallı ilə də sevgili olub.

    Ətraflı   10:50     26-Sep-2020     769
  • alternative title

    Nurgül Yeşilçay məşhur brendi lağa qoydu - FOTO

    Türkiyəli məşhur aktrisa Nurgül Yeşilçay tanınmış geyim markası olan “Balenciaga”nı lağa qoyub. O, “Instagram” hesabının hekayə bölməsində paylaşım edib. Aktrisa brendin geyimləri ilə məzəli poz verərək “Eynisi qaynımgildə də var”, - deyə qeyd edib.

    Ətraflı   10:34     26-Sep-2020     684
  • alternative title

    Zenfira: “Oğlum dilə gəlib deyir ki, ailəmizdən danışma”

    ARB TV-nin “Xəbər Ətər” verilişinin növbəti qonağı müğənni Zenfira İbrahimova olub. Müğənni onlar haqqında yazılan xəbərlərin ailə üzvlərinə olan psixoloji təsirindən danışıb: “İki övladım var. Qızımın 16, oğlumun isə 11 yaşı var. Artıq oğlum İbrahim dilə gəlib. Deyir ki, “Ana, efirə çıxanda ailə haqqında danışma. İstəmirəm sənin haqqında yazsınlar”. Çox vaxt da həyat yoldaşımla mənim haqqımda yazıb-pozurlar. Deyirlər ki, Anar sənin ikinci həyat yoldaşındır. Bunu hətta tanınmış aparıcı da dedi. And olsun ki, bu, belə deyil və məni tanıyan insanlar da bilir. Neçə illik rəfiqələrim Humay və Gülay da bilir. Asəf Zeynallıya daxil olandan sonra biz Anarla tanış olmuşuq və 2005-ci ildə ailə həyatı qurmuşuq. Bilib-bilmədən danışırlar. Bütün bunlar ailə üzvlərimizə və övladlarımıza təsir edir”.

    Ətraflı   10:21     26-Sep-2020     656

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 12:40     27-Oct-2020     1306
  • alternative title 11:25     27-Oct-2020     1196
  • alternative title 11:05     27-Oct-2020     352
  • alternative title 10:32     27-Oct-2020     371
  • alternative title 11:23     26-Oct-2020     503
image title here

Some title