Loading alternative title

DÜNYADA

  • alternative title

    İzmirdə dağıntılar altından üç nəfər xilas edilib

    İzmirdə dağıntılar altından üç nəfər xilas edilib. Onlar dağılan yeddimərtəbəli 21 mənzilli binanın ən üst mərtəbəsindən sağ çıxarılıblar. QALANEWS xəbər verir ki, ilkin məlumata görə bölgədə beş bina tam dağılıb, dağıntılar altında qalanlar var. Hazırda axtarış-xilasetmə işləri davam etdirilir. Yeraltı təkanların ardından Egey dənizinin İzmirin Seferihisar rayonu ərazisində tsunami baş verib. Təbiət hadisəsi nəticəsində dəniz daşıb. Bir çox iş yerləri və avtomobillər su altında qalıb. Əhalinin evlərinə girməməsi, avtomobillərdən olduqca az istifadə edilməsi barədə xəbərdarlıq olunub. Xatırladaq ki, oktyabrın 30-da vaxtla saat 14.51-də Türkiyənin Egey bölgəsində 6,6 bal gücündə zəlzələ baş verib. Yeraltı təkanlar İstanbul da daxil olmaqla ölkənin Marmara bölgəsində hiss edilib.

    Ətraflı   17:39     30-Oct-2020     1356
  • alternative title

    İzmirdə dağıntılar altında qalanlar var

    İlkin məlumata görə İzmirdə zəlzələ nəticəsində beş bina tam dağılıb, dağıntılar altında qalan vətəndaşlarımız var. Bu barədə Türkiyənin Ətraf Mühit və Şəhərsalma naziri Murat Kurum hadisə yerindən ilk açıqlamasında deyib. Qeyd edilib ki, hazırda axtarış-xilasetmə işlərinə başlanılıb. Xatırladaq ki, bu gün yerli vaxtla saat 14.51-də Türkiyənin Egey bölgəsində 6,6 bal gücündə zəlzələ baş verib. Yeraltı təkanlar İstanbul da daxil olmaqla ölkənin Marmara bölgəsində hiss edilib.

    Ətraflı   17:38     30-Oct-2020     278
  • alternative title

    Rəcəb Tayyib Ərdoğan İzmirdə baş vermiş zəlzələ ilə bağlı vətəndaşlara səsləndi

    Türkiyə Prezidenti Rəcəb Tayyib Ərdoğan İzmirdə baş verən zəlzələ ilə bağlı bütün vətəndaşlara səslənib. O, “Twitter” hesabında paylaşımında qeyd edib ki, zəlzələdən təsirlənən bütün vətəndaşlara keçmiş olsun: “Dövlətimizin bütün imkanları ilə zəlzələdən təsirlənən vətəndaşlarımızın yanındayıq. Bütün müvafiq qurumlarımızla bölgədə lazımlı işlərə başlamaq üçün hərəkətə keçdik”.

    Ətraflı   17:32     30-Oct-2020     1459
  • alternative title

    İlkin məlumata görə, İzmirdə altı ev dağılıb

    İndiyə qədər İzmirin Bornova və Bayraklı rayonlarında altı binanın dağılması barədə məlumat daxil olub. QALANEWS xəbər verir ki, bu barədə Türkiyənin Daxili İşlər naziri Süleyman Soylu bildirib. Qeyd edilib ki, ölkənin Uşak, Dənizli, Manisa, Balıkesir, Aydın Muğla bölgələrində də binalarda müxtəlif çatlar meydana gəlib. Xəsarət alanlarla bağlı hələ ki, məlumat yoxdur. Xatırladaq ki, bu gün yerli vaxtla saat 14.51-də Türkiyənin Egey bölgəsində 6,6 bal gücündə zəlzələdən baş verib. Yeraltı təkanlar İstanbul da daxil olmaqla ölkənin Marmara bölgəsində hiss edilib.

    Ətraflı   17:07     30-Oct-2020     263
  • alternative title

    Türkiyədə baş vermiş zəlzələ nəticəsində bəzi binalar dağılıb

    Türkiyənin Egey bölgəsində baş verən 6,6 bal gücündə zəlzələ nəticəsində bəzi tikililər dağılıb. Bu barədə İzmir valisi Yavuz Selim Kösger hadisə barədə ilkin məlumatda bildirib. Məlumatda şəhərin Bayraklı və Bornova bölgələrində binaların dağıldığı, ərazidə toz dumanın olduğu bildirilir. Hazırda əraziyə xüsusi xilasedici briqadalar cəlb olunub. Xəsarət alanlarla bağlı hələ ki, məlumat yoxdur. Qeyd edək ki, otuz saniyə davam edən zəlzələnin episentri İzmir vilayətinin Seferihisar rayonudur. Təkanların ocağı yerin 16,54 kilometr dərinliyindədir. Yeraltı təkanlar İstanbul da daxil olmaqla ölkənin Marmara bölgəsində hiss edilib.

    Ətraflı   17:05     30-Oct-2020     246
  • alternative title

    Ayətullah Əli Xamneyi: Müqəddəs varlığı təhqir etmək nə vaxtdan söz azadlığı hesab olunur?

    İran İslam İnqilabının Ali Rəhbəri Ayətullah Seyid Əli Xamneyi Fransa gənclərinə məktubla müraciət edib. Ali Rəhbər Fransa Prezidentinin söz azadlığına münasibətdə ikili standartdan çıxış etdiyini bildirib. Qeyd olunub ki, fitnə-fəsadı söz azadlığı kimi təqdim etmək, müqəddəs Peyğəmbəri təhqir edənləri müdafiə etmək islamofobiyaya rəvac verməkdir. Ali Rəhbər fransalı gənclərə müraciətində, həmçinin yazır: “Prezidentinizdən soruşun, Allahın elçisini və müqəddəs bir varlığı təhqir etmək nə vaxtdan söz azadlığı hesab olunur? Bu ağılsız hərəkət insanların inancını, mənəviyyatını təhqir etmək deyilsə, bəs nədir?”. Ayətullah Əli Xamneyi fransalı gəncləri doğru yola dəvət edərək İslam haqqında deyilən yalan və iftiralara inanmamağa çağırıb. Qeyd edək ki, Fransa Prezidenti Emmanuel Makron Məhəmməd Peyğəmbəri karikatura ilə təhqir edənləri müdafiə edərək, müsəlmanları separatçı, İslam dininin isə böhran vəziyyətində olduğunu bildirib. Fransa Prezidentinin bu çıxışı dünya müsəlmanlarının etirazına səbəb olub. Bununla əlaqədar İran, Türkiyə, Orta Asiya və ərəb dövlətlərində kütləvi aksiyalar keçirilib.

    Ətraflı   16:56     30-Oct-2020     254
  • alternative title

    “Boeing” və “Raytheon” epidemiya səbəbindən yenidən ixtisarlara hazırlaşır

    ABŞ-ın “Boeing” və “Raytheon” şirkətləri COVID-19 pandemiyasının yaratdığı böhranın təsiri ilə yenidən ixtisarlara hazırlaşır. AZƏRTAC xəbər verir ki, “Boeing”in üçüncü rüb üzrə göstəricilərinə dair açıqlamada, COVID-19 pandemiyası və “737 MAX” tipli təyyarələrin uçuşlarının dayandırılmasının şirkətin maliyyə vəziyyətinə əhəmiyyətli dərəcədə təsir göstərməkdə davam etdiyi bildirilib. Belə ki, bu ilin iyul-sentyabr aylarında “Boeing”in gəlirlərinin keçən ilin eyni dövrü ilə müqayisədə 29 faiz azalaraq 14,1 milyard dollara düşdüyü qeyd edilib. “Boeing”in açıqlamasında şirkətin ilin üçüncü rübündə 466 milyon dollar itirdiyi bildirilib. Şirkət keçən ilin eyni dövründə 1,2 milyard dollar mənfəət əldə etmişdi. “Boeing”in baş icraçı direktoru Dave Calhoun şirkətin üçüncü rüb üzrə göstəriciləri ilə bağlı açıqlamasında pandemiyadan bu yana likvidliyi artırdıqlarını, xərcləri və istehsal nisbətlərini əhəmiyyətli dərəcədə azaltdıqlarını bildirib. Şirkətə təsiri məhdudlaşdırmaq üçün işçi sayı ilə bağlı qərarların verildiyini deyən D.Calhoun bildirib: “Boeing”in işçilərinin sayının 2021-ci ilin sonunadək 130 min nəfərə düşməsi gözlənilir”. “Boeing” aprel ayında COVID-19 epidemiyasının təsiri ilə işçilərinin sayını 10 faiz azaldacağını elan etmişdi. “Raytheon” şirkəti isə 20 min işçisini ixtisar edəcək. COVID-19 pandemiyası səbəbindən şirkətin ticari aviasiya satışlarının azaldığını açıqlayıb. “Raytheon Technologies”in baş meneceri Greg Hayes şirkətin üçüncü rüblə bağlı göstəricilərini qiymətləndirərkən uzun və yavaş bir bərpa prosesi gözlədiklərini söyləyib. Ticari hava trafikinin 2023-cü ilə qədər 2019-cu ildəki səviyyəyə qayıtmasının gözlənilmədiyini qeyd edən G.Hayes xüsusilə COVID-19-a yoluxam saylarındakı artım səbəbindən yaxın müddətdə ticari hava trafikində bərpa prosesinin tədricən baş verəcəyini gözlədiklərini deyib. O, ilin ilk rübündə xərcləri təxminən 2 milyard dollar azaltmaq və 4 milyard dollar nağd pul vəsaitinə qənaət etmək üçün müəyyən tədbirlər gördüklərini xatırladıb, işçi sayını azaltmağın çətin olduğunu, lakin lazımi tədbirləri gördüklərini söyləyib.

    Ətraflı   16:53     30-Oct-2020     272
  • alternative title

    Gürcüstanda parlament seçkiləri üçün bülletenlər çap olunub

    Gürcüstan Mərkəzi Seçki Komissiyası (MSK) oktyabrın 31-də keçiriləcək parlament seçkiləri üçün 7 milyon 102 min 600 bülleten çap etdirib. Bu bülletenlərin 3 milyon 160 min 900-ü proporsional seçki sistemi, 3 milyon 097 min 800 ədədi isə majoritar seçki sistemi üçün nəzərdə tutulub. Bu barədə ölkənin Mərkəzi Seçki Komissiyasından (MSK) bildirilib. Bir neçə gün davam edən çap prosesi MSK üzvləri ilə yanaşı, müşahidəçilərin də nəzarəti altında həyata keçirilib. Bülletenlər Gürcüstanda yaşayan milli azlıqların dillərində də hazırlanıb. MSK-nın sifarişi ilə 213 seçki məntəqəsi üçün bülletenlər gürcü-Azərbaycan, 135 seçki məntəqəsi üçün isə gürcü-erməni dillərində çap olunub. Səsvermə ölkə üzrə 3725 seçki məntəqəsində keçiriləcək. Qeyd edək ki, oktyabrın 31-də Gürcüstan parlamentinə, sakrebulo, fövqəladə bələdiyyə başçıları (qubernatorlar) və Acarıstan Muxtar Respublikasının Ali Şurasına keçiriləcək əlavə seçkilər üçün bülletenlər çap olunub. MSK, eyni zamanda, sakrebulonun əlavə seçkiləri üçün 40 min 100, fövqəladə bələdiyyə başçıları seçkiləri üçün 219 min 800 və Acarıstan Ali Şurasına seçkilər üçün 584 min 000 bülleten çap olunub. Seçicilərə səsvermə günü Gürcüstan parlament seçkilərində həm majoritar, həm də proporsional namizəd üçün iki bülleten veriləcək. Sakrebuloda əlavə seçkilərin keçirildiyi yerlərdə - Tbilisi, Telavi, Tetritskaro və Oni bələdiyyələrindəki 39 seçki məntəqəsində seçicilər 3 bülleten alacaqlar. Kaspi, Oni, Xaragauli, Terjola və Kutaisi bələdiyyələrində, ümumilikdə, 255 seçki məntəqəsində seçicilər Gürcüstan parlamentinə seçki bülleteni ilə birlikdə bələdiyyə başçısının seçki bülleteni də alacaqlar. Qeyd edək ki, Oni bələdiyyəsinin yalnız bir seçki məntəqəsində, Gürcüstan parlament seçkiləri ilə yanaşı, sakrebulonun əlavə seçkiləri və fövqəladə bələdiyyə seçkiləri keçirildiyi üçün seçicilər 4 bülleten alacaqlar. Acarıstan MR Ali Şurasına keçiriləcək seçkilər üçün seçicilər 4 bülleten alacaq - ikisi Gürcüstan parlamentinə, ikisi isə Acarıstan Ali Şurasına seçkiləri üçün.

    Ətraflı   16:42     30-Oct-2020     271
  • alternative title

    Səlçuk Bayraktar: Yerli təyyarə mühərriki “AKINCI” və “Bayraktar TB3”ə əlavə güc verəcək

    Türkiyə istehsalı olan pilotsuz uçan aparatlar, o cümlədən “AKINCI” və “Bayraktar TB3” yerli mühərriklər sayəsində daha da təkmilləşdiriləcək. Bu barədə Baykar Texniki Şirkətinin müdiri və T3 Vəqfinin idarə heyətinin sədri Səlçuk Bayraktar “Twitter” sosial şəbəkə hesabından paylaşım edib. Paylaşımda TEI (TUSAŞ Motor Sanayi A.Ş.) tərəfindən istehsal edilən yerli təyyarə mühərrikinin sınağını nümayiş etdirən videomaterial əksini tapıb. S.Bayraktar yazır ki, sınaqdan böyük uğurla çıxan yerli mühərrik “AKINCI” və “Bayraktar TB3”ə əlavə güc verəcək.

    Ətraflı   16:41     30-Oct-2020     270
  • alternative title

    Ərəb Parlamenti islamofobiya ilə əlaqədar BMT və dünya parlamentlərinə müraciət ünvanlayıb

    Ərəb Parlamentinin Qahirədə keçirilən iclasında son günlər İslam Peyğəmbərinin karikaturaları və Qərb ölkələrində islamofobiya meyillərinin güclənməsi ilə əlaqədar yaranmış gərginliklə bağlı BMT-yə və dünya parlamentlərinə müraciət qəbul edilib. Müraciətdə planetimizdə sülhün və təhlükəsizliyin təmin edilməsi məqsədilə islamofobiya, habelə İslamın terrorizmlə eyniləşdirilməsinə son qoyulması, müsəlmanların etiqad və hüquqlarına hörmətlə yanaşılması tələb edilir. Eyni zamanda, Fransada kilsədə törədilən vəhşi qətliam da pislənilir, terrorizmə qarşı mübarizənin qlobal səviyyədə gücləndirilməsinin zəruriliyi vurğulanır. Qeyd olunur ki, İslam sülh və tolerantlıq dinidir, müsəlmanlar isə digər dinlərə etiqad edənlərlə birlikdə sülh və əmin-amanlıq şəraitində yaşamaq istəyirlər. Ərəb ölkələrinin parlamentariləri söz azadlığı adı altında İslam Peyğəmbərinin təhqir edilməsinin yolverilməz olduğunu bir daha vurğulayıblar.

    Ətraflı   16:40     30-Oct-2020     279
  • alternative title

    “Shell”in üçüncü rübdəki mənfəəti 80 faiz azalıb

    “Royal Dutch Shell” enerji şirkətinin bu ilin üçüncü rübündəki xalis mənfəəti 80 faiz azalıb. QALANEWS şirkətə istinadla xəbər verir ki, rüb ərzində “Shell”in konsolidə edilmiş xalis mənfəəti 2019-cu ilin eyni dövründəki 4,7 milyard dollarla müqayisədə 80 faiz azalaraq 955 milyon dollara düşüb. Bu dövrdə şirkətin xalis borcu isə 4,4 milyard dollar azalaraq 73,5 milyard dollar olub. Şirkət bu nəticələrin çətin bir makroiqtisadi mühitdə əldə edildiyini açıqlayıb. “Shell”in portfelini yenidən formalaşdırmaq üçün görülən işlərin aşağı karbonlu müəssisələri böyütmək məqsədilə davam edən istehsalı təmin etməsi və səhmdarların paylarını artırmaqla bağlı davamlı investisiya modelini yaratması gözlənilir. “Shell” 2050-ci ilədək və ya daha tez bir zamanda tamamilə sıfır enerji emissiyası formalaşdıran şirkət olmağı hədəfləyir”, - deyə açıqlamada bildirilir. “Xalis sıfır emissiyalı enerji biznesinə keçid üçün portfelimizin maliyyə dayanıqlılığını gücləndirməkdə davam etməliyik. İlin əvvəlində atdığımız qətiyyətli addımlar əməliyyat və nağd tədarükümüzü möhkəmləndirib”, - deyə “Shell”in baş icraçı direktoru Ben Van Beurden qeyd edib.

    Ətraflı   16:38     30-Oct-2020     277
  • alternative title

    Gürcüstan iqtisadiyyatı 5 faiz azalıb

    Sentyabr ayında Gürcüstanda ümumi daxili məhsulun (ÜDM) istehsalının dəyəri 2019-cu ilin eyni ayı ilə müqayisədə 0,7 faiz azalıb. Bu barədə Gürcüstanın Milli Statistika İdarəsindən məlumat yayıb. Bildirilir ki, sentyabrda Gürcüstanda yalnız mədən və karxanalar, topdan və pərakəndə ticarət, bank və sığorta sahələrində artım qeydə alınıb. Digər sahələrdə isə azalma müşahidə olunub. Ümumilikdə isə cari ilin yanvar-sentyabr aylarında Gürcüstanda 5 faiz həcmində iqtisadi azalma qeydə alınıb. Azalmaya əsas səbəb kimi koronavirus pandemiyası göstərilir.

    Ətraflı   16:37     30-Oct-2020     288
  • alternative title

    Yenidən Tacikistan Prezidenti seçilən Emoməli Rəhmonun andiçmə mərasimi keçirilib

    Düşənbədəki “Koxi Somon” iqamətgahında yenidən Tacikistan Prezidenti seçilən Emoməli Rəhmonun andiçmə mərasimi keçirilib. QALANEWS xəbər verir ki, Tacikistan Seçki Komissiyasının rəhbəri Baxtiyar Xodoyerzoda Emoməli Rəhmona Prezident vəsiqəsini, Konstitusiya Məhkəməsinin sədri Abdulxafiz Aşurzoda isə Tacikistan Prezidentinin nişanını təqdim edib. Sonra Emoməli Rəhmon təntənəli surətdə Vətənə və xalqa sədaqət andı içib. Xatırladaq ki, Tacikistanda Prezident seçkiləri oktyabrın 11-də keçirilib və Prezident kürsüsü uğrunda 5 namizəd mübarizə aparıb. Emoməli Rəhmon seçicilərin 90 faizdən çoxunun səsini qazanıb. Emoməli Rəhmon bundan əvvəl 1994, 1999, 2006 və 2013-cü illərdə də səs çoxluğu ilə Prezident seçilib. 1992-ci ildə Tacikistan Ali Sovetinin sədri seçilən Emoməli Rəhmon faktiki olaraq həmin ildən ölkəyə rəhbərlik edir.

    Ətraflı   16:36     30-Oct-2020     277
  • alternative title

    İyirmi konteynerdən ibarət otel

    ABŞ-ın Kaliforniya ştatında 58 hektar üzümlük sahəsində tikilən otel ekzotika həvəskarları üçün gözəl məkana çevrilib. QALANEWS xarici saytlara istinadla xəbər verir ki, otel nömrələri xüsusi dizaynlı 20 dəniz konteynerindən ibarətdir. “Geneseo Inn” adlanan mehmanxana kompleksində komfortlu nömrələr, istirahət zonası, qonaq evi və ofis fəaliyyət göstərir. Otelin enerji təchizatı damlar üzərində quraşdırılmış günəş batareyaları vasitəsilə həyata keçirilir. Kompleksin inşasında əsasən təbii materiallardan istifadə edilib. Otelin hər nömrəsində 3 yataq və 2 vanna otağı ilə yanaşı, qonaq otağı və mətbəx də var.

    Ətraflı   16:35     30-Oct-2020     228
  • alternative title

    Fransada Drensi kommunasının imamı: “İslamın islamçılıqla heç bir əlaqəsi yoxdur” - FOTO

    Fransa müsəlmanları öz soydaşları ilə sülh içində yaşamaq istəyirlər, İslamın islamçılıqla heç bir əlaqəsi yoxdur. Bu barədə Parisin yaxınlığında yerləşən Drensi kommunasının imamı Assen Şalqumi “RİA Novosti”yə açıqlamasında bildirib. Onun sözlərinə görə, Fransada müəllimin öldürülməsindən sonra məsciddə bütün qurbanlara dua ediblər. O qeyd edib ki, təhqirlərə nifrətlə reaksiya verilməməlidir: “Biz dinimizin və peyğəmbərimizin bizə nifrəti deyil, sevgini öyrətdiyini xatırlayırıq. Bəlkə bəziləri (inanclılar) karikaturaya qarşıdır, peyğəmbərlərinin rəsmini çəkmək onların xoşuna gəlmir. Ancaq heç vaxt sərt reaksiya göstərmək lazım deyil. Nifrətlə yox, azadlıq, rəsm, sevgi ilə hərəkət etmək lazımdır”. Onun sözlərinə görə, Drensi kommunasının yerləşdiyi departamentdə 140-dan çox millətin nümayəndələri bir növ “Fransa simvolu”nu təmsil edərək yanaşı yaşayırlar: “Eyni zamanda, inanclılar çox qorxurlar və ikiqat cəza çəkməli olurlar: həm terrorizm, həm islamçılıqla bağlı və digər tərəfdən irqçilik səbəbilə. İslamçılığa qarşı müqavimət göstərməliyik. İslamın islamçılıqla heç bir əlaqəsi yoxdur... Müsəlmanlar dinc yaşamaq və ibadət edə bilmək üçün qorunmalarını xahiş edirlər. Dinləri nə olursa olsun, soydaşlarımızla birlikdə yaşamaq istəyirik. Biz istəyirik ki, nəsillərimiz və uşaqlarımızın nəsilləri əmin-amanlıqda yaşasınlar. Və onlar vətənpərvər olub ölkələrinə, onun qanunlarına hörmət etsinlər. Kaş, dinləri daim öz şəxsi məsələləri olaraq qalsın”. O, qeyd edib ki, nifrətə səbəb olan insanları eşitməməyin, bu istiqamətdə xəbər yayan saytların bağlanmağının tərafdarıdır. Xatırladaq ki, dünən Fransanın üç şəhərində (Nitsa, Avinyon, Lion) bıçaqlı şəxslər insanlara hücum ediblər. Hücumların ikisi əvvəl terror kimi qiymətləndirilsə də, sonradan ikincisinın (Avinyon şəhəri) psixi probremləri olan fransız tərəfindən törədildiyi məlum olub.

    Ətraflı   16:27     30-Oct-2020     257
  • alternative title

    Türkiyədə 6,6 bal gücündə zəlzələ: Binalar yerlə-yeksan oldu - CANLI YAYIM

    Türkiyədə 6,6 bal gücündə zəlzələ olub. Yeraltı təkanlar İstanbulda, İzmirin Seferihisar rayonunda, həmçinin, Ege və Mərmərə bölgəsində hiss olunub. “HaberGlobal”ın məlumatına görə, bu barədə Türkiyə Daxili İşlər Nazirliyinin nəzdindəki Fövqəladə Halların İdarə Olunması Agentliyi (AFAD) xəbər yayıb. İlkin məlumatlara görə, dağıntılar var.

    Ətraflı   16:24     30-Oct-2020     1888
  • alternative title

    Rumıniyada 4,2 bal gücündə zəlzələ baş verib

    Rumıniyada 4,2 bal gücündə zəlzələ baş verib. QALANEWS ölkənin Yer Fizikası İnstitutuna istinadla xəbər verir ki, zəlzələ Vasluy bölgəsində baş verib. Xəsarət alanlar və dağıntılar barədə məlumat yoxdur.

    Ətraflı   16:21     30-Oct-2020     258
  • alternative title

    Türkiyədə güclü zəlzələ olub

    Türkiyənin Egey bölgəsində 6,6 bal gücündə zəlzələ baş verib. QALANEWS xəbər verir ki, məlumatı Türkiyə Daxili İşlər Nazirliyinin nəzdindəki Fövqəladə Halların İdarə Olunması Agentliyi (AFAD) yayıb. Zəlzələnin episentri İzmir vilayətinin Seferihisar rayonudur. Təkanların ocağı yerin 16,54 kilometr dərinliyindədir. Yeraltı təkanlar İstanbul da daxil olmaqla ölkənin Marmara bölgəsində hiss edilib. Hələlik zəlzələnin fəsadları barədə dəqiq məlumat yoxdur.

    Ətraflı   16:20     30-Oct-2020     262
  • alternative title

    Türkiyənin baş naziri olmuş tanınmış siyasətçi vəfat etdi

    Türkiyənin keçmiş Baş naziri Məsud Yılmaz 73 yaşında vəfat edib. “Sabah” nəşri xəbər verir ki, ağciyərində şiş aşkarlanan siyasətçi bir müddət əvvəl əməliyyat olunmuşdu. M.Yılmaz 1947-ci ildə İstanbulda anadan olub. Türkiyənin “Ana Vətən” partiyasının qurucularından biri olan M.Yılmaz ölkəsinin baş naziri, xarici işlər naziri, mədəniyyət və turizm naziri vəzifələrində çalışıb.

    Ətraflı   12:47     30-Oct-2020     1191
  • alternative title

    Avropa iqtisadiyyatı yeni zərbənin astanasında

    Almaniya və Fransada karantin tədbirlərinə görə Avropa daha da böyük bir iqtisadi tənəzzülə hazırlaşır. CNBC-nin məlumatına görə, “High Frequency Economics”in analitikləri belə bir proqnoza çıxış ediblər. Onların sözlərinə görə, ikinci koronavirus dalğası ilə mübarizə üçün yeni tədbirlər işsizliyin çoxalmasına, bir çox müəssisənin bağlanmasına və hətta dövlət borcunun artmasına səbəb ola bilər. Bundan başqa biznes və ev təsərrüfatları uğursuzluğa düçar olacaq. Məhdudlaşdırma qərarı, işlərinin bərpasına təzə-təzə başlayan restoranlara, barlara, kinoteatrlara və pərakəndə satış mərkəzlərinə yeni zərbə vurub. “Bu şok, xüsusilə ilin ən vacib vaxtında - tətillərdən əvvəl bağlanan kiçik və orta müəssisələr üçün dəhşətlidir”, - deyə “HEC Paris” biznes məktəbinin iqtisadiyyat professoru Tomaş Mixalski vurğulayıb. İqtisadçıların proqnozlarına görə, Fransa ÜDM-i dördüncü rübdə xeyli, bəlkə də 3-4 faiz azalacaq. Karantin tədbirləri həmçinin, Almaniyanın ÜDM-də azalmağa da səbəb olacaq (əvvəlki rüblə müqayisədə ən azı 0,5 faiz). Analitiklər ən çox zərbənin mədəniyyət və turizm sektorlarına vurulacağını söyləyirlər. Mart-avqust ayları arasında restoran ticarət dövriyyəsi keçən ilin eyni dövrü ilə müqayisədə 40 faizdən çox azalıb. Xatırladaq ki, Almaniya kansleri Angela Merkel noyabrın 2-dən etibarən ölkədə yeni sərt karantin tətbiq elan etdi. Yeni məhdudiyyətlərə bar, restoran, teatr və kinoteatrların bağlanması daxildir. Karantin həmçinin, Fransa daxilində 30 oktyabr - 1 dekabr tarixləri arasında tətbiq olunacaq. Dövlət qurumları, universitetlər bağlanacaq, xüsusi toplantılar və mitinqlər məhdudlaşdırılacaq. Eyni zamanda uşaq bağçaları, məktəblər, kolleclər və liseylər açıq qalacaq, onlarda sanitariya tədbirləri gücləndiriləcək.

    Ətraflı   12:07     30-Oct-2020     283

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 16:50     30-Oct-2020     288
  • alternative title 10:51     29-Oct-2020     567
  • alternative title 10:47     29-Oct-2020     1527
  • alternative title 11:16     28-Oct-2020     1765
  • alternative title 10:56     28-Oct-2020     526
image title here

Some title