QALA NEWS

09 Fevral Cümə axşamı

Bakı 1˚

SİYASƏT
ÖLKƏ
SOSİAL
HADİSƏ
İDMAN
MƏDƏNİYYƏT
MARAQLI
MUSAHİBƏ
ŞOU-BİZNES
Covid-19
DÜNYADA
HƏRBİ
İQTİSADİYYAT


MUSAHİBƏ



MUSAHİBƏ
01 Feb 2023

Ilon Mask Twitter sosial şəbəkəsini ödəniş platformasına çevirmək istəyir

MUSAHİBƏ
11 Jan 2023

“Aşk-ı Memnu” ekranlara qayıdır: Bu dəfə fərqli formada

MUSAHİBƏ
01 Dec 2022

Toksikoloq: “Zəhərlənən şəxsə qatıq verməyi məsləhət görmürük”

MUSAHİBƏ
15 Nov 2022

Mustafa Abbasbəyli: "Hər il Azərbaycanın əmək bazarına 100-120 min gənc daxil olur”

MUSAHİBƏ
03 Nov 2022

Andrey Karaulovun Rusiyadan çıxışı məhdudlaşdırılıb - YENİLƏNİB

MUSAHİBƏ
03 Nov 2022

Anar: “Yazıçılar Birliyi mənim balamdır” - MÜSAHİBƏ



MUSAHİBƏ
03 Nov 2022
"Neftçi"nin legioneri: "Hər mövsüm komandada xeyli dəyişiklik olur"
Voislav Stankoviç “Neftçi”də çıxış edən serbiyalı müdafiəçidir. Peşəkar karyerasına ölkəsində - “Dinamo Vranye” klubunda başlayan Stankoviç daha sonra bir il Belqrad təmsilçisi OFK-da çıxış edib. Onun Azərbaycana gələnə qədər ölkəsindəki son klubu “Partizan” olub. Serbiya nəhəngində beş il çıxış edən müdafiəçi 2015-ci ildə Bakı “İnter”inə (indiki “Şamaxı” – red.) transfer olub. Bundan sonrakı karyerası yalnız Azərbaycanla bağlı olan Stankoviç “Qəbələ”də də çıxış edib. 2019-cu ildən keçdiyi “Neftçi”də karyerasını davam etdirən arxa xətt oyunçusu 1 dəfə Serbiya milli komandasının formasını geyinib. Voislav Stankoviçin Qalanews-a müsahibəsi - "Neftçi" 12 turdan sonra 25 xalla turnir cədvəlinin 3-cü pilləsində qərarlaşıb. Cari mövsümdəki çıxışınızı necə dəyərləndirirsiniz? - Biz daha çoxunu istəyirik. Amma hələlik alınmır. Bizdən öndə olan "Qarabağ" və "Sabah" kifayət qədər güclü kollektiv formalaşdırıb. Növbəti oyunlarda fərqi aradan qaldırmağa çalışacağıq. Görək, nə dərəcədə alınacaq. - Sizcə, niyə nəticələr qeyri-sabitdir? - "Neftçi" hər il qarşısına ən yüksək hədəfləri qoyur. Sadəcə, hər mövsüm komandada xeyli dəyişiklik baş verir. İndi də öz tələbləri olan yeni baş məşqçimiz, həmçinin, yeni transferlərimiz var. Ona görə də komandaya vaxt lazımdır. Hələ ki qeyri-sabit çıxış edirik. Bundan sonrakı görüşlərdə yaxşı, stabil futbol oynamağa, qələbələr qazanmağa və turnir cədvəlindəki mövqeyimizi yaxşılaşdırmağa çalışacağıq. - Ötən mövsüm Premyer Liqanı 2-ci pillədə başa vurdunuz. Cari çempionatda ən azı həmin uğuru təkrarlamaq mümkün olacaqmı? - Ümid edirəm ki, bacaracağıq. Amma asan olmayacaq. "Sabah" bu mövsüm çox artırıb. Yaxşı futbol sərgiləyir. Odur ki, işimiz asan olmayacaq. Mövsümün sonunda nə etdiyimiz, necə oynadığımız bəlli olacaq. - Ümumiyyətlə, bu mövsüm üçün qarşınıza hansı hədəflər qoyulub? - Bayaq da dediyim kimi, "Neftçi" hər zaman ən yüksək yerlər uğrunda mübarizə aparır. Həm çempionatı, həm də ölkə kubokununu qazanmaq istəyirik. Lakin bunları meydançada gerçəkləşdirmək çətin olur. Hamı çox şey istəyə bilər. Önəmli olan bunu oyun sahəsində həyata keçirməkdir. Hələlik bizdə alınmır. Səbəblər çoxdur. Bu barədə danışmayacağam. Çünki doğru deyil. Mən futbolçuyam. Yalnız öz işimlə məşğul olmalıyam. - Bir neçə gündən sonra Qətərdə dünya çempionatı start götürəcək. Serbiya yığmasından nə gözləyirsiniz? - Mundialdan öncə olduğu kimi baxımlı futbol göstərmələrini istəyirəm. Heyətdə ustalıq səviyyəsi yüksək olan yaxşı futbolçular var. İnanıram ki, hər şey istədikləri kimi alınacaq. Əlbəttə, Braziliya, İsveçrə və Kamerun kimi yığmaların yer aldığı çətin qrupda mübarizə aparacaqlar. Ona görə də işləri asan olmayacaq. Ümid edirəm ki, ilk növbədə qrupdan çıxmağı bacaracaqlar. Bunu etmək üçün kifayət qədər gücləri var. - Necə düşünürsünüz, yığmanız dünya çempionu ola bilər? - Serbiyanın mundialın qalibi olacağını söyləmək düzgün olmaz. Çünki orada çox güclü komandalar var. Serbiya kiçik ölkədir. Təbii ki, mən də istərdim ki, doğma komandam çempion olsun. Amma bu barədə nəsə demək çətindir. Ümumiyyətlə, istənilən kollektiv üçün çempionluq asan başa gəlməyəcək. Çünki bütün komandalar yaxşı heyətə malikdir. Bizi çox maraqlı dünya çempionatı gözləyir. - Nə vaxtsa düşünmüsünüz ki, mən də Serbiya yığmasında ola bilərdim? - Əlbəttə, dünya çempionatında oynamaq hissini yaşaya bilmədiyim üçün təəssüflənirəm. Amma futbol belədir. Mənim karyeram elə alındı ki, Azərbaycana gələsi oldum. Uzun illərdir burada oynayıram və buna görə şadam. Serbiya millisinə düşməyim qeyri-mümkündür. Çünki orada güclü futbolçular çıxış edir. Serbiyada çıxış edərkən mənə yaxşı çempionatlardan təklif gəlib. Sadəcə, alınmayıb, bəxtim gətirməyib. Daha sonra Azərbaycana gəlmişəm. Bu, futboldur, belə şeyləri sakit qarşılamaq lazımdır. Voislav Stankoviç - Milli komandanızın ən azı bir oyununu stadiondan canlı izləmək üçün Qətərə gedəcəksiniz? - Təbii ki, bunu istərdim. Lakin oraya uçub oyuna baxmaq üçün vaxtım olmayacaq. Çünki mundial vaxtı çempionat və kubokda oyunlarımız olacaq. - Dünya çempionatında hansı futbolçudan "partlayış" gözləyirsiniz? - Bu cür futbolçular çoxdur. Sadəcə, indi konkret ad çəkə bilmirəm. Müxtəlif ölkələrin yığmalarında istedadlı oyunçular var və onların hər biri "partlayış" edə bilərlər. Ümid edirəm ki, maraqlı və baxımlı mundial izləyərik.

MUSAHİBƏ
03 Nov 2022
“Bəzi ölkələrdə neft gəlirlərindən əhaliyə yardımlar edilir”
“Dövlət büdcəsində qeyd olunur ki, 21-ci əsr tələblərinə uyğun təhsil sistemi təmin olunacaq. Necə nail olunacaq? Kim bunu təmin edəcək?” QalaNews.com xəbər verir ki, bunu Milli Məclisin İqtisadi siyasət, sənaye və sahibkarlıq komitəsində “Azərbaycan Respublikasının 2023-cü il dövlət büdcəsi haqqında” qanun layihəsinin müzakirəsi zamanı deputat Tahir Kərimli bildirib. “Qeyd olunur ki, 2021-ci ilin iyulun 1-nə qədər Azərbaycanda məşğul olan əhalinin sayı 5 milyon 334 min nəfərdir. Bunun da 1 milyon 720 mini dövlət və qeyri-dövlət sektorunda işləyir. Biz bilirik ki, 30 min insan neft sektorunda adam işləyir. Əvvəl bu rəqəm 80 min idi. Mənə deyin görüm, 3.6 milyon insan haradadır? Neynəyir? Nə işlə məşğul olur?”, - deyə millət vəkili sual edib. Deputat bildirib ki, hər dəfə büdcəyə kənd təsərrüfatının quyruğunda balıqçılıq fəaliyyətinin adı çəkilir: “Amma ölkədə balıqçılıq yoxdur. Bizim quru ərazimiz boyda Xəzər ərazimiz, çaylarımız var. Bunu kimi izah edəcək?” Tahir Kərimli neftdən gələn gəlirlərdən xalqa kömək olmamasını bildirib: “İnflyasiya part-part, arta-arta gedir. Bəzi ölkələrdə neftdən gələn gəlirlərdən əhaliyə birdəfəlik yardımlar edilir. Amma bizdə niyə edilmir?! İnternet qiymətləri artır, telefon qiymətləri artır, qiymətlər artır”.



MUSAHİBƏ
03 Nov 2022

Aleksey Kuleba: “Biz qələbəyə köklənmişik, başqa fikrimiz yoxdur” - MÜSAHİBƏ

MUSAHİBƏ
01 Nov 2022

Azərbaycanda ekoturizm xidmətləri turistlər üçün əlverişlidirmi?

MUSAHİBƏ
29 Oct 2022

Maksim Şevçenko: “Paris Ermənistanla Azərbaycan arasında yeni müharibə yaradır” - RUSİYADAN ŞƏRH

MUSAHİBƏ
23 Oct 2022

Bitmək bilməyən uşaq pulu DƏRDİ

MUSAHİBƏ
20 Oct 2022

Ruslan Əliyev: "Yaxın 5 ildə smart-kart tipli sayğaclardan tam imtina edəcəyik"

MUSAHİBƏ
18 Oct 2022

Apteklərdə müştəriyə ƏDV çekinin verilməməsi qanunaziddir



MUSAHİBƏ
18 Oct 2022
Bəhruz Məhərrəmov: “Fransa və İranın əsl siması üzə çıxdı”
“Azərbaycanın Vətən müharibəsi və ondan sonrakı dövr ərzində yaratdığı yeni geosiyasi reallıq özlüyündə həm də maraqlı mənzərə ortaya çıxardı. Xüsusən də bölgədə kimin həqiqətən davamlı sülh tərəfdarı, kimin sülh çağırışlarında həqiqətən səmimi olduğu aydın şəkildə göründü”. Bunu QalaNews.com -a açıqlamasında Milli Məclisin deputatı Bəhruz Məhərrəmov bildirib. Bəhruz Məhərrəmov deyib ki, bu illər ərzində işğalın ehtiva olunduğu status-kvonu qorumaqda israrlı olan, amma bu siyasəti adətən yumşaq ritorika ilə həyata keçirən Fransanın, eyni zamanda islam həmrəyliyindən dəm vurub “region yalnız regionlular üçündür” tezisində israr edən İranın əsl siması da məhz Vətən müharibəsi və sonrakı dövrdə üzə çıxdı: “Fransa Vətən müharibəsi dövründə bütün üsul və vasitələrlə İrəvanın qalib gələrək işğal zonasını genişləndirməsinə cəhd göstərdi, amma Azərbaycanın Prezidentinin qətiyyəti, Ordumuzun gücü Parisin bu niyyətini altüst etdi. Bakı işğala son qoymaqla, sonrakı dövrdə isə ayrı-ayrı təcavüz aktlarına qarşı radikal tədbirlər görməklə işğala dəstək verən Fransanın Cənubi Qafqazdakı nüfuzunu yerlə yeksan etdi. Eyni zamanda bir neçə dəfə, o cümlədən sonuncu dəfə Praqada Fransa Prezidentinin şəxsi təşəbbüsü ilə Azərbaycana qurulan siyasi tələyə Paşinyanın özünün düşməsi, Makronu Avropa siyasi dairələrində gülüş hədəfinə çevirdi, İlham Əliyev isə siyasi lider kimi daha da parladı. Bütün bunlardan usanmayan Parisin bölgəyə müşahidə missiyası adı altında siyasi (hətta ola bilsin ki, hərbi) diversantlar göndərməsi niyyətini də Prezident İlham Əliyev alt-üst etdi, Makron həmin missiyanı Ermənistana göndərmək məcburiyyətində qaldı. Əlbəttə, bu missiyanın nəyə xidmət edəcəyi qısa müddətdə aşkara çıxacaq. Amma indidən Ermənistanın Azərbaycanla sərhədlərə, şimal-şərq istiqamətdə ağır hərbi texnikanı cəmləməsi artıq bu missiyanın hədəfləri barədə fikir yürütmək üçün əsas verir. Təbii ki, nə bu missiyanın, nə də İrəvanın bölgədə hərbi hərəkətlənməsinin Azərbaycan üçün əhəmiyyəti yoxdur. Bizə qarşı baş qaldıracaq erməni də, onun havadarı da yerində əziləcək”. Deputat burada diqqət çəkən digər məqamın İranın davranışları olduğunu qeyd edib: “İran müəyyən dövrlərdə Azərbaycanı ərazisində üçüncü ölkələrin bazası, yaxud hərbçilərini saxlamaqla bağlı əsassız formada ittiham edərək bunu regionda təhlükəsizliyə təhdid kimi qiymətləndirib. Amma sonrakı dövrdə Tehran ortaya fakt qoya bilmədiyi üçün susmağa məcbur olmuşdu. İndi regionda Fransa müşahidə missiyasının simasında həqiqətən 3-cü tərəf mövcuddur, amma Tehran susur. Maraqlıdır, İran Fransanı region dövləti hesab edirmi? Bütün bunlar - ikiüzlü siyasət, riyakar davranışlar göstərir ki, Azərbaycan həqiqətən doğru yoldadır. Eyni zamanda müşahidə edilən odur ki, Azərbaycan artıq dil və əl uzadılması asan olan zəif subyekt yox, ciddi güc mərkəzidir. Əslində bunu Fransa da, İran da, digər region dövlətləri də başa düşür, sadəcə, sadə dillə desək, növbəti dəfə bəxtlərini sınayırlar. Bu sınaqda isə birdəfəlik istifadə vasitəsi kimi Ermənistan seçilib. İrəvan anlamalıdır ki, əgər yenidən münaqişə başlasa, Fransa özü başda olmaqla, heç kim onların yerinə qüdrətli Azərbaycana qarşı döyüşməyəcək, yaxud heç bir siyasi bəyanat, dəstək, hətta hərbi yardım erməni dövlətçiliyini xilas etməyəcək. İrana gəlincə isə, hətta mümkündür ki, bundan sonra proseslərin mümkün yeni inkişaf tendensiyası gedişində Tehran özünü xilas etmək üçün Ermənistana arxa çevirməyə məcbur buraxılsın. Yəni əgər tezliklə sülh və daimi stabillik təmin olunmasa, İrəvan revanş niyyətinə düşsə, itirən Ermənistan, məhv edilən erməni xalqının nümayəndələri olacaq”
MUSAHİBƏ
15 Oct 2022
Macarıstanın türk dünyası ilə inteqrasiyası güclənir - TƏHLİL
Türk Dövlətləri Təşkilatında müşahidəçi qismində təmsil olunan Macarıstan birlikdə təmsil olunan ölkələrlə ikitərəfli ticarət münasibətlərini də genişləndirir. Macarıstan həm də istər beynəlxalq platformalarda, istərsə də müxtəlif formatlı görüşlərdə daim türk dünyası ilə bağlı məsələlərdə obyektiv mövqe nümayiş etdirir. Bu barədə Kaspi qəzetində dərc edilən siyasi təhlildə qeyd olunur. Müəllif hesab edir ki, Türk dünyası ilə əməkdaşlığı genişləndirmək xətti götürən Macarıstan bu istiqamətdə önəmli addımlar atmaqdadır. Türk Dövlətləri Təşkilatında (TDT) müşahidəçi qismində təmsil olunan Macarıstan ikitərəfli ticarət münasibətlərini də genişləndirib. Macarıstan il ərzində Azərbaycan da daxil olmaqla türkdilli ölkələrin tələbələrinə təqaüd də verir. Önəmli olan məsələlərdən biri də odur ki, Macarıstan tərəfi Budapeştdə Türkdilli Dövlətlərin Əməkdaşlıq Şurasının rəsmi ofisinin yaradılması təklifini da irəli sürüb. Həmin ofisin maliyyə xərclərini də tam olaraq öz üzərinə götürüb. Bundan əlavə, Macarıstan istər beynəlxalq platformalarda, istərsə də müxtəlif formatlı görüşlərdə daim türk dünyası ilə bağlı məsələlərdə obyektiv mövqe nümayiş etdirir, Azərbaycan və Türkiyə başda olmaqla verilən qərarlarda türk dünyasının haqq səsini müdafiə edir. Artıq Macarıstan Avropada türkdilli dövlətlər üçün sadiq və etibarlı dosta çevrilib. “Macarıstan xristian türklərin torpağıdır” Yeri gəlmişkən, son bir ildə Mərkəzi Asiya ölkələri ilə əməkdaşlığı prioritet elan edən Macarıstanın baş naziri Vktor Orban artıq Özbəkistanda olub. Ötən həftə isə Özbəkistan prezidenti Şavkat Mirziyoyev Budapeştə səfər edib. Danışıqlar zamanı ticarət-iqtisadi əlaqələrin genişləndirilməsi, maliyyə və investisiya əməkdaşlığı, eləcə də Rusiyanın Ukraynanın 4 regionunu işğalı fonunda beynəlxalq və regional siyasət məsələləri müzakirə olunub. Dövlət başçıları Macarıstanın müşahidəçi statusuna malik olduğu və tamhüquqlu üzvlük alacağını gözlədiyi TDT çərçivəsində qarşılıqlı fəaliyyətə dair qeydləri müqayisə ediblər. Macarıstan Avropa İttifaqının yeganə ölkəsidir ki, türk ölkələri ilə sıx əməkdaşlıq kursu götürüb və Türk Dövlətləri Təşkilatına müşahidəçi kimi daxil olub. Macarıstanın baş nazirinin qeyd etdiyi kimi, “macarlar qıpçaq türkləridir, Macarıstan isə xristian türklərin torpağıdır”. Birinci iqtisadi maraq, sonra digər faktorlardır “Mano” Siyasi Təşəbbüslər Mərkəzinin direktoru Bəxtiyor Erqaşev hesab edir ki, macarların “Şərqə yürüşü”nün əvvəlində iqtisadi maraq, yalnız bundan sonra türk qardaşlığı amili durur. “Macarıstan və Mərkəzi Asiyanın türk ölkələri arasında türk kimliyinə dair eyhamlar var. Lakin bu, sadəcə bir xarici qabıqdır. Mənə elə gəlir ki, Macarıstan Avropa İttifaqı çərçivəsində özünü çox da rahat hiss etmir. Aİ-nin öz balinaları var - böyük iqtisadiyyatlar - Almaniya, Fransa, İtaliya, eləcə də ittifaqda təsirini artırmağa çalışan Polşa. Macarıstan onlarla effektiv rəqabət apara bilməz, ona görə də Budapeştin Avrasiya istiqaməti ortaq türk kökləri axtarışından daha çox iqtisadi potensialdan istifadə etməkdir”, - deyə Erqaşev bildirib. Ekspert qeyd edib ki, Macarıstan təkcə Türk Dövlətləri Təşkilatında müşahidəçi deyil, həm də Şanxay Əməkdaşlıq Təşkilatında (ŞƏT) iştirakda maraqlıdır. Təşkilatın Səmərqənddə keçirilən son sammitinə də macar nümayəndələr dəvət olunub. “Macarıstan nümayəndə heyətinin ŞƏT sammitində iştirakı qeyri-rəsmi statusa malik idi, ona görə də heç bir danışıqlar aparılmadı, lakin buna baxmayaraq, maraqlı və perspektivli idi”, - deyə ekspert vurğulayır. Budapeştdə özbək səfirliyi açılacaq Özbəkistan prezidenti Budapeştdə qeyd edib ki, son beş ildə iki ölkə arasında qarşılıqlı ticarətin həcmi təxminən 3 dəfə artıb. Tərəflər yaxın gələcəkdə ikitərəfli ticarəti 500 milyon dollara çatdırmaq üçün hədəf planı razırlayıblar. V.Orban bildirib ki, Macarıstan Özbəkistanı mühüm və uzunmüddətli tərəfdaş hesab edir. Onun Özbəkistana səfəri zamanı strateji tərəfdaşlıq haqqında birgə bəyannamə imzalanıb. Mirziyoyev və Orban kənd təsərrüfatı, nəqliyyat, əczaçılıq, tekstil, qida, elektrik, suya qənaət və sənaye sektorlarında prioritet layihələri maliyyələşdirmək üçün birgə fond yaratmaq barədə razılığa gəliblər. Dövlətlərarası əlaqələrin möhkəmləndirilməsi və razılaşdırılmış layihələrin həyata keçirilməsi məqsədilə Macarıstan ərazisində Özbəkistanın diplomatik nümayəndəliyi fəaliyyət göstərəcək. Özbəkistanla münasibətlər strateji tərəfdaşlıq xarakteri daşıyır Onu da qeyd edək ki, Macarıstanın Özbəkistanla münasibətləri strateji tərəfdaşlıq xarakteri daşıyır. Son dörd ildə Özbəkistan-Macarıstan ticarətinin həcmi pandemiyanın mənfi nəticələrinə baxmayaraq, 2,5 dəfə artıb və hətta 2020-2021-ci illərdə də artım nümayiş etdirib. Belə ki, 2021-ci ilin yekunlarına görə ölkələr arasında qarşılıqlı ticarət dövriyyəsi 114 milyon dolları ötüb, bu ilin altı ayında isə bu rəqəm 50 milyon dollara yaxın olub. Özbəkistanda macar investorlarının iştirakı ilə yaradılmış 10 müəssisə var ki, onlardan altısı müştərəkdir. B.Erqaşevin sözlərinə görə, ölkələr arasında maliyyə sahəsində kifayət qədər ciddi əməkdaşlıq qurulur. İki ölkə əczaçılıq sənayesində əməkdaşlıq qurmaq üçün də danışıqlar aparır. Macarıstanın bu istiqamətdə potensialı var. IMEMO RAS-ın Postsovet Araşdırmaları Mərkəzinin baş elmi işçisi Stanislav Pritçin də hesab edir ki, Özbəkistan üçün Macarıstanla əməkdaşlıq tərəfdaşlıq coğrafiyasını genişləndirmək cəhdidir: “Macarıstan Özbəkistan üçün Aİ ölkələri ilə tərəfdaşlıq üçün prioritetlərdən biridir. Birincisi, ümumi mədəni köklər, mentalitet, qarşılıqlı əlaqə platforması TDT var. İkinci amil Macarıstanın Aİ daxilində bir çox məsələlərdə xüsusi mövqeyidir. Ənənəvi dəyərlərə bağlılıq baxımından Özbəkistanın mühafizəkar daxili siyasəti bir çox cəhətdən Macarıstanın dəyərləri ilə ortaqdır. Macarıstanla əməkdaşlıq Özbəkistan üçün bir növ Avropa istiqamətində ilk addımdır”. Azər Nuriyev


MUSAHİBƏ
15 Oct 2022

Alman alim Prezident Makrona açıq etiraz məktubu yazdı, Azərbaycanı müdafiə etdi

MUSAHİBƏ
15 Oct 2022

Asiyada təhlükəsizliyin gələcək strateji arxitekturası - TƏHLİL

MUSAHİBƏ
15 Oct 2022

Niderlandlı yazıçı: "Makron Ermənilər tərəfindən baş verənləri vecinə almır"

MUSAHİBƏ
15 Oct 2022

Polşa Gənc Demokratlar Partiyasının təmsilçisi: "İnsanları bu cür öldürən erməni əsgərlərin qəddarlığı göstərilməlidir"

MUSAHİBƏ
15 Oct 2022

"Türkiyədə dezinformasiyalara qarşı həbs tədbirinin qanunvericiliyə gətirilməsi tamamilə ədalətlidir" - RƏY

MUSAHİBƏ
15 Oct 2022

Hikmət Babaoğlu: “İlham Əliyevin hakimiyyətə gəlməsi yeni bir eranın başlanğıcı oldu”



MUSAHİBƏ
15 Oct 2022
“Azərbaycanın misilsiz uğurlarının qarşısında Prezident İlham Əliyevin imzası var” - RƏY + FOTO
“Azərbaycanın misilsiz uğurlarının qarşısında Prezident İlham Əliyevin imzası var”. QalaNews-un xəbərinə görə, Milli Məclisin deputatı Rəşad Mahmudov bildirib. O vurğulayıb ki, insanı cəmiyyətdə ucaldan uğurlar Vətən sevgisindən qaynaqlanır: “2003-cü ilin 15 oktyabrında ölkəmizdə keçirilmiş prezident seçkilərində də xalq Vətəni, onun nicat yolunu seçdi. Dövlətçiliyimizin xilaskarı, ümummilli lider Heydər Əliyev ideyalarının ən sadiq davamçısı İlham Əliyev müstəqil Azərbaycanın yeni prezidenti seçildi. Əslində, İlham Əliyev təkcə ulu öndər Heydər Əliyevlə yanaşı, bütövlükdə, xalqın tale yolunun da davamçısı oldu. 2003-cü il seçkisi ərəfəsində ümummilli lider Heydər Əliyevin xalqa müraciəti, seçim mesajı gələcək onilliklər üçün də Azərbaycanın yüksəliş və inkişafının siyasi zəmanəti idi. 1993-cü ildə yeni müstəqil dövlətin məhvolma təhlükəsi günlərində xilaskar lider kimi qurtuluş yolunu açan Heydər Əliyev on il sonra özündən sonrakı Azərbaycanın inkişaf yolunu göstərdi. İlham Əliyev isə son 18 ildəki prezidentliyi dövründə sıradan bir rəhbər olmadı, o, bütün varlığı ilə Azərbaycan dövləti və xalqının maraqları ilə yaşayıb, mübarizə apardı”. Deputat vurğulayıb ki, Azərbaycanın misilsiz uğurlarının qarşısında Prezident İlham Əliyevin imzası var: “Nəhayət, tariximizin ən böyük uğuru olan zəfər savaşına Baş Komandan kimi imza atan Prezident İlham Əliyev ümummilli liderin qurduğu dövlətin ərazi bütövlüyünü bərpa edən müzəffər lider kimi çoxəsrlik tariximizin ən böyük qələbəsinə möhür vurdu. İlham Əliyevin prezidentlik dönəmi birmənalı şəkildə çağdaş tariximizə Azərbaycan dövlətinin inkişaf və yüksəliş dövrü kimi yazılır. Onun yürütdüyü mükəmməl daxili və xarici siyasətin nəticəsi olaraq iqtisadi, siyasi, hərbi və digər sahələrdə əldə olunan yüksək nəticələr ölkəmizi beynəlxalq arenada regionun lider dövləti statusundan böyük güclərlə bərabərhüquqlu əməkdaşlıq zirvəsinə yüksəltdi”. “Bu gün beynəlxalq dairələrin Qafqaz və Xəzərətrafı regionda gerçəkləşdirdiyi hər hansı iqtisadi və ya siyasi layihədə mütləq ölkəmizin maraqları nəzərə alınır, Azərbaycan liderinin fikri öyrənilir. Bu mənada 2003-cü ilin 15 oktyabrını Azərbaycan dövlətçiliyinin yüksəliş və yeniləşmə mərhələsinin başlanğıcı hesab etmək olar. Həmin gün xalqın iradəsi ilə Azərbaycanın idarəçiliyini öz üzərinə götürən Prezident İlham Əliyev verdiyi bütün vədləri həyata keçirdi. İlk gündən mükəmməl və dəqiq hesablanmış bu strategiya Azərbaycana yeni möhtəşəm uğurlar qazandırdı. 2003-cü ildə Azərbaycan Prezidenti kimi siyasət meydanına gələn İlham Əliyev bu gün həm də bütövlükdə Türk dünyasının və beynəlxalq aləmin seçilən, hörmət bəslənən liderlərindəndir. Bu gün dünya siyasəti meydanında qətiyyəti, xarizmatik keyfiyyətləri və siyasi məharəti ilə mükəmməlliyə imza atan İlham Əliyev XXI əsrin ən görkəmli siyasi tarixi şəxsiyyətlərindən biridir. Azərbaycan xalqı dostlarımızın alqışladığı, düşmənlərimizin həsəd apardığı Prezident İlham Əliyevin rəhbərliyi altında narahat dünyamızda sabit və təminatlı xoşbəxt günlərini yaşayır”, - R.Mahmudov əlavə edib.
MUSAHİBƏ
15 Oct 2022
Bahalaşma şadlıq saraylarına da təsir edib: Qiymətlər 45 manatdan başlayır - SORĞU
Məhərrəm və Səfər ayı başa çatdıqdan sonra ölkəmizdə sentyabrın 27-dən etibarən toy məclislərinin keçirilməsinə başlanıldı. Ölkəmizdə davam edən bahalaşma şadlıq sarayları və restoranlardan da yan keçməyib. Menyu qiymətlərinin əvvəlki illərə nisbətən kəskin şəkildə yüksək olduğu, bu səbəbdən də müraciət edənlərin sayında azalma müşahidə edildiyi bildirilib. Mövcud durumla maraqlanmaq üçün QalaNews-un əməkdaşı restoranlar arasında sorğu keçirir. Şadlıq saraylarından birinin səlahiyyətlisi standart menyu tətbiq etmədiklərini bildirib: “Ölkəmizdə davam edən bahalaşma, əlbəttə ki, şadlıq saraylarına da öz təsirini göstərir. Lakin biz menyunu əvvəlki kimi tərtib etmişik. Qiymət qaldırmırıq. Menyunu yerində danışırıq. Standart qiymət yoxdur. Ortalama 40-45 manatdır. Qiymət ev sahibinə görə müəyyən edilir”. Səlahiyyətli gediş-gəlişin azlığından şikayətlənib: “Müraciət edənlərin sayında kəskin azalma müşahidə olunur. Son aylarda gediş-gəliş çox azalıb”. Digər bir şadlıq sarayı isə minimum menyularının 45 manatdan başladığını söyləyib: “Qiymətlər çox qalxıb. Biz menyu qiymətlərini artırmamışıq. Müştəri gələndə endirim istəyir. Endirim edəndə də ziyana gedirik. Minimum qiymət 45-dən başlayır. Müəyyən endirimlər olur. Müraciət edənlərin sayında da get-gedə azalma müşahidə olunur. Oktyabr, noyabr və digər aylar çox zəifdir. Halbuki əvvəllər noyabr və dekabrda müraciət edənlər çox olurdu”. Başqa bir restoran səlahiyyətlisi isə menyunun fərdə görə dəyişdiyini qeyd edib: “İnsanların müraciəti azalıb. Bu, şübhəsiz ki, belədir. Qiymət artımı yoxdur. Sadəcə olaraq incəliklər var. Biz bir nəfərlik üçün qiyməti 35-40 manat edə bilirik. Amma gərək qonaq sayı 300-350 nəfər olsun ki, biz o toyu edə bilək. Standart menyu qiyməti tətbiq etməmişik. Müştəri ilə danışıb yerindəcə tərtib edirik. Kimsə menyuda fərqli təam istəyirsə, o təamın qiymətini iştirak edən insan sayına görə hesablayıb menyunun üzərinə əlavə edirik. Menyunun tərkibinə görə, qiymətlər müəyyənləşir. Bir qiymət siyasəti aparmırıq. İnsanlara uyğunlaşmağa çalışırıq. Müraciətlərdə qonaq sayları azalıb. 300 əvəzi 100-150 nəfər gəlir. Bunu da etmək bizə sərf etmir. Çünki işçilərin maaşlarını ödəmək lazımdır. Bizdə qiymətlərdə bahalaşma yoxdur. Çox münasib qiymətlərdir. Minimum 45 manatdır. Noyabr ayı üçün zəiflik var. O da başa düşüləndir. Oktyabr ayında toylar çox olub deyə zəifləyib. Gözləniləndir”. Restoranlardan biri başlanğıc menyunun 120 manat olduğunu bildirib: “Bahalaşma menyu qiymətlərinə də öz təsirini göstərir. Standart menyu 120 manatdır. Müraciətlər bir qədər azalıb. Amma müraciət edənlər o qədər də az deyil”. Digər bir şadlıq sarayında isə minimum menyu 70-75 manatdır: “Menyu qiymətlərinin dəyişməsi gözləniləndir. Təbii prosesdir. Standart menyumuz 70 manatdan başlayır. Lakin müştəri sayı da az deyil”. Müşahidələrdən aydın oldu ki, ən aşağı menyu 45 manatdır. 30-35 manata demək olar rast gəlinmədi. Araşdırmalardan aydın oldu ki, ən aşağı menyu 45 manatdan başlayır.