Loading alternative title
GÜNÜN XƏBƏR MƏNZƏRƏSİ

DÜnya

Şanxayda istehsal edilən "Tesla" avtomobilləri Avropaya ixrac olunur

17:10     27-Oct-2020     291

ABŞ-ın elektrik enerjisi ilə işləyən avtomobil istehsalçısı “Tesla”nın Şanxay şəhərindəki zavodunda yığılan avtomobillərin daxili bazar ilə yanaşı Avropada da satışı təşkil olunacaq. Avropadakı müştərilərə təqdim etmək üçün "Tesla"nın 7 min ədəd "Model 3" avtomobili oktyabrın 27-də yola salınıb. Avtomobillərin noyabrın sonunda Belçikanın Zebrüqqe limanına çatması və daha sonra Almaniya, Fransa, İtaliya, İsveçrə də daxil olmaqla bir neçə Avropa ölkəsindəki satış salonlarına göndərilməsi planlaşdırılıb. "Tesla Global"ın vitse-prezidenti Tom Cu bildirib ki, şirkətin Çindəki zavodu yerli və xarici tələbatı ödəmək üçün istehsal gücünü çoxaldacaq. Qeyd edək ki, ötən ilin yanvarında təməli qoyulan zavod təxminən bir ildən sonra istifadəyə verilib. İllik istehsal gücü ilkin mərhələdə 150 min avtomobil olan zavodun gələcəkdə ildə 500 min avtomobil buraxması planlaşdırılıb. Şanxaydakı zavod “Tesla”nın ABŞ-dan kənarda ilk nəhəng, dünyada isə üçüncü zavodudur. “Tesla” Çində 100 faiz xarici kapitallı avtomobil istehsal edən ilk şirkətdir. İndiyədək xarici avtomobil istehsalçıları bu ölkədə zavod açmaq üçün yerli şirkətlərin biri ilə müştərək müəssisə yaratmalı idilər. “Tesla” Çinin bu sahədə yeni qaydalarından bəhrələnən ilk şirkət olub.

Türkiyədə saxta içkidən zəhərlənərək ölənlərin sayı 80-ə çatıb

16:55     27-Oct-2020     370

Türkiyədə saxta içkidən zəhərlənərək xəstəxanada müalicə alan daha 9 nəfər həyatını itirib. Bununla son 15 gün ərzində ölkədə bu səbəbdən ölənlərin sayı 80-ə çatıb. Son iki gün ərzində saxta içki istehsalı və satışının qarşısının alınması məqsədilə Türkiyədə etil spirti və alkoqollu içkilərin satıldığı minlərlə iş yerində axtarış və yoxlamalar aparılıb. Bu axtarışlar nəticəsində saxta, eləcə də qanunsuz yollarla Türkiyəyə gətirilən 7 min litrdən çox müxtəlif içki növləri və etil spirt müsadirə edilib. Əməliyyatlar zamanı saxlanılan 471-ə yaxın şübhəli saxlanılıb. Onlardan 95-i həbs olunub. Ölümlərə səbəb olan saxta içkilərin bir hissəsinin səth təmizləyicilərindən, bəziləri isə metanol miqdarı yüksək olan etil spirti etiketli məhsullardan istifadə edilərək istehsal olunduğu müəyyən edilib. Əməliyyat davam etdirilir.

REKLAM

Reklam

hajma.org

İdman

Poqba Fransa millisindən ayrılmasını yalanladı: “İslam sülh, sevgi dinidir və hörmət edilməlidir”

15:15     27-Oct-2020     338

“Mançester Yunayted”in ulduz futbolçusu Pol Poqba Fransa millisindən ayrılacağı ilə bağlı xəbəri yalanlayıb. O, “Instagram” hesabında “The Sun” nəşrinin xəbərini paylaşaraq (əslində, britaniyalılar da bu xəbəri ərəb saytına istinadən yayıb - S.M.), bunu “feyk” adlandırıb: “Beləliklə, “The Sun” bunu təkrarladı... Haqqımda tam 100 faiz əsassız xəbərlər dolaşır, heç söyləmədiyim və düşünmədiyim şeylər yazılır. Bəzi “media” mənbələri məni dəhşətə gətirir, qəzəbləndirir, şoka salır və əsəbiləşdirir, məni xəbər başlıqlarına çıxararaq, dinimi və Fransa millisini Fransadakı hadisələrin həssas mövzusuna alət edirlər. Mən hər cür terrora və şiddətə qarşıyam. Mənim dinim sülh və sevgidir və hörmət edilməlidir. Təəssüf ki, bəzi mətbuat adamları xəbər yazarkən məsuliyyətlə davranmırlar, mətbuat azadlığından sui-istifadə edərək, yazdıqlarının doğruluğunu yoxlamırlar, düşünmədən dedi-qodu yaradırlar, insanların həyatına və mənim həyatıma təsir edirlər. Bu 100 faiz saxta xəbərləri nəşr edib yayanlara qarşı qanuni tədbirlər görürəm. “The Sun”a səslənirəm: sizlərdən bəziləriniz, yəqin ki, məktəbə getmişdiniz və müəlliminizin həmişə mənbələrinizi necə yoxlayın dediyini xatırlayacaqsınız, əmin olmadan yazmayın. Amma deyəsən, bunu təkrar etdiniz və bu dəfə çox ciddi bir mövzuda. Ayıb olsun sizə!” Qeyd edək ki, Fransa Prezidenti Emanuel Makron 47 yaşlı məktəb müəllimi Samuel Patinin başının kəsilməsindən sonra İslam dininə qarşı müəyyən fikirlər səsləndirib və bu, birmənalı qarşılanmayıb. Bundan sonra müsəlman olan Pol Poqbanın Makrona görə Fransa millisindən ayrılacağına dair xəbərlər yayılıb.

PSJ Zinəddin Zidanla danışıqlar aparıb

14:35     27-Oct-2020     516

Madridin “Real” klubunun baş məşqçisi Zinəddin Zidan Fransadan təklif alıb. “El Chiringuito TV” öz “Twitter” hesabında yaydığı xəbərə görə, PSJ Z.Zidanı Paris klubunun baş məşqçisi kimi görmək istəyir. Artıq klubun rəsmiləri Z.Zidanla əlaqə saxlayıblar. Qeyd edək ki, hazırda məşqçi kimi çalışan əfsanəvi futbolçunun “Kral klubu” ilə müqaviləsi 2022-ci ilin iyun ayında bitir.

Həbib Qeycini valideynlərinə “bağışlayıb”

14:09     27-Oct-2020     388

ABŞ-dan olan MMA döyüşçüsü Daniel Korme Castin Qeyci ilə döyüşdən sonra Həbib Nurməhəmmədovla görüşüb və öz aralarında olan söhbət barədə maraqlı açıqlama verib. Rusiyalı idmançı öz dostuna bildirib ki, C.Qeycinin valideynləri döyüşü canlı izlədikləri üçün o, rəqibinə ağrı hissi yaşadacaq fənd istifadə etməkdən imtina edib. Məhz bu səbəbdən H.Nurməhəmmədov döyüşün gedişində “üçbucaq” boğulma fəndinə üstünlük verib və rəqibini təslim olmağa məcbur edib.

Ölkə

Axtarışda olan 28 nəfər saxlanılıb

16:41     27-Oct-2020     356

Respublikanın daxili işlər orqanları ötən gün ərzində törədilmiş 18 cinayətin üstünü “isti izlər”lə açıblar. Daxili İşlər Nazirliyinin mətbuat xidmətindən bildiriblər ki, əvvəlki dövrlərdən bağlı qalmış iki cinayətin açılması təmin olunub. Axtarışda olduğuna görə ümumilikdə 28 nəfər, o cümlədən borclu şəxs qismində axtarılan 15 nəfər saxlanılaraq aidiyyəti üzrə təhvil verilib. Daxili işlər orqanları əməkdaşlarının keçirdikləri əməliyyat-axtarış tədbirləri nəticəsində narkotiklərlə əlaqəli 6 fakt müəyyənləşdirilib. Cinayət törətməkdə şübhəli bilinən 28 nəfər saxlanılıb.

Sİyasət

Dövlət Bahçeli: “Ermənistana silah köməyi tarixin şahid olduğu ən dəhşətli ikiüzlülükdür”

17:06     27-Oct-2020     1369

Türkiyədə MHP lideri Dövlət Bahçeli Qarabağla əlaqədar Türkiyə Böyük Millət Məclisində danışıb. “Haber Global” məlumat verir ki, o, Ermənistanın Azərbaycana hücumunu qorxaqlıq adlandırıb. “İşğalçı Ermənistan haqsızdır, terrorçudur. Qorxaqca arxadan hücum edən Ermənistandır. Ölkələrin bir tərəfdən dialoqa çağırmaları, digər tərəfdən ermənilərə silah vermələri tarixin şahidi olduğu ən dəhşətli ikiüzlülükdür”, - deyə D.Bahçeli qeyd edib.

Ətraflı

İQTİSADİYYAT

Oktyabrın 28-nə USD/AZN rəsmi məzənnəsi

Azərbaycan Mərkəzi Bankı (AMB) oktyabrın 28-nə olan USD/AZN rəsmi məzənnəsini açıqlayıb. AMB-dən bildirilib ki, bankın oktyabrın 28-dən etibarən USD/AZN rəsmi məzənnəsi 1,7000 manat səviyyəsində müəyyən olunub.

Ətraflı  17:31     27-Oct-2020     405

“SOCAR-AQŞ” MMC-yə yeni baş direktor təyin edilib

“SOCAR-AQŞ” MMC-nin təsisçilərinin ümumi yığıncağının qərarı ilə Ramin İsayev müəssisənin baş direktoru vəzifəsindən azad edilib. Təsisçilərinin qərarına əsasən, Samir Mollayev müəssisənin yeni baş direktoru təyin edilib. Samir Mollayev yeni təyinatından öncə “SOCAR-AQŞ” nin səhmdarlarından biri olan “Nobel Oil Services” şirkətlər qrupunda Qazma Biznesi üzrə Baş Əməliyyat Direktoru vəzifəsində çalışıb. Bu vəzifədə şirkətlər qrupunun qazma biznesinin inkişafı istiqamətində müxtəlif layihələrinin, o cümlədən, “Nobel Oil Services” şirkətinin Qazaxıstanda “Evrika Oleum” şirkətinin neft yatağında quyuların qazılması üzrə idarəetmə xidmətləri və digər layihələrin iştirakçısı olub. Neft-qaz sənayesi üzrə peşəkar karyerasına 2006-cı ildə “Schlumberger” şirkətində Quyuların Yoxlanılması Mühəndisi vəzifəsində başlayan Samir Mollayev daha sonra Birləşmiş Krallıqda və Danimarkada Baş Sahə Mühəndisi kimi çalışıb. 2009-cu ildən BP şirkətində “Quyuların qazılması, tamamlanması, test edilməsi, təmiri, geoloji-texniki işlər və quyuların kompleks mühəndislik xidmətləri’’ komandasının yuxarı rəhbəri vəzifəsində çalışan S.Mollayev 2010/2011-ci illərdə ABŞ-da müxtəlif beynəlxalq layihələrdə uğurla iştirak edərək, liderlik bacarıqlarını əhəmiyyətli dərəcədə inkişaf etdirib. “SOCAR-AQŞ” MMC inteqrə olunmuş qazma və quyu xidmətləri göstərən birgə müəssisə kimi 2007-ci ildə təsis edilib. “SOCAR-AQŞ” həm Xəzərin Azərbaycan sektorunda, həm də Türkiyədə həyata keçirdiyi qazma əməliyyatlarını uğurla davam etdirir. Müəssisənin səhmdarları SOCAR, “Nobel Oil Services” və AQŞ şirkətləridir.

Ətraflı  17:21     27-Oct-2020     330

Sığorta şirkətləri cari ildə 581,5 milyon manat sığorta haqqı yığıb

Bu ilin yanvar-sentyabr aylarında Azərbaycanda fəaliyyət göstərən sığorta şirkətləri tərəfindən 581 milyon 509 min manat həcmində sığorta haqqı toplanıb. Azərbaycan Mərkəzi Bankı (AMB) xəbər verir ki, 9 ayda sığorta şirkətləri tərəfindən 307 milyon 762 min manat həcmində ödəniş həyata keçirilib.

Ətraflı  17:17     27-Oct-2020     371

Weather icon

humidity: 10%







Sosİal medİa

FACEBOOK-DA BİZƏ QOŞULUN

@qalanews

ŞAHİDİ OLDUĞUNUZ HADİSƏLƏRİ ÇƏKİB BİZİMLƏ PAYLAŞIN

BİZİ TWITTER-DƏ İZLƏYİN

@qalanews

BİZİ INSTAGRAM-DA İZLƏYİN

@qalanews

BİZİ YOUTUBE-DA İZLƏYİN

@qalanews

Hadİsə

  • alternative title 12:40     27-Oct-2020     1306
  • alternative title 11:25     27-Oct-2020     1196
  • alternative title 11:05     27-Oct-2020     352
  • alternative title 10:32     27-Oct-2020     371
  • alternative title 11:23     26-Oct-2020     503
image title here

Some title